رواية نصيب ليبيا الحلقة التاسعة للكاتبة بنت الزاوية
رواية نصيب الحلقة التاسعة 9
نصيب طلعت تجفف في شعرها و تمتم و تغني لقت فادية تقيم ف حوايجها ف شنطه و تحط فيهمم
نصيب : فادية فادية شن تديري وين ماشيه؟
فادية مردتشش
نصيب : فادية خيرك وين رافعه حواجك ردي عليا
فادية : بنرجع لراجلييي و نفهمه قبل فوات الاوان
نصيب : فادية شن بتفهميه شن تقولي اوان شني ؟
فادية : دايره روحك متعرفيش
نصيب عقدت حواجبه : نادر كلمك خيرك ! شنو صار
فادية لوحت عليها العقد
فادية : هذا شن صاير هذا يانصيب
نصيب شافت العقد و عرفت انها علمت بايمن
نصيب : نقدر نشرحلك يافاديه
فادية : تشرحلي شني انك فسدتي حياتي كلها
نصيب : فسدت حياتك
فادية : نصيب انتي تعرفيي انك متزوجة راجل صابرين عندك علم او معندكش
نصيب : نقصي صوتك بلا عياط و ايه نعرف
فادية : تعرفييي ؟ كيييف انت ليش درتي هيكييي
نصيب : شوفي اني و ايمن حبينا بعض
فادية : مستحيل مستحيل امتا عرفتيه انتي متقوليش ان يلي في بالي هذا يلي درتيه
نصيب : .......
فادية : زبطتك انتي دايره كل هذا لانك تبي توري روحك انك تنتقمي علي خاطري واو نصيب منجدد واو
و صفقت بايديها
نصيب : لا اني مدرتش هيكييي اني نحب ايمن و مفيش من كلامك يلي تقولي فيه صح
فادية : نصيب انت اختي نعرفك تعليقك في ايمن زاوجكم السريع كله كان تخطيطك باش تكوني قريبه من صابرين يالله ليش هيكي درتي ياربي متعرفيش اني رح نطلق
و طاحت تبكيييي
نصيب : لالا قتلك فادية ارجوك افهميني كله يلي تفكري فيه خطأ زواجــي من ايمن لاني حبيته وبس
فادية : مكنتش نعرف انك مسمومة لهذه الدرجة يااختي انتي مش اخت
نصيب : فادية ارجوك
فادية : بعدي عليييا بعديييي اني خلاص منيش قاعده هنايا ولا لحظة و بنروح لازم نفهم نادر رح ياخد مني ولديي
و طلعت هي و شنطتها
نصيب : فادية يافادية افهميني
فادية : بعدييي علييا بعدي
و نزلت من الدروج
عبد المولي : شنو يلي صايير
نصيب : مصاير شيء يابوي نادر هذا الندل لاعب بعقلها و تبي تروح
عبد المولي : وين ماشيه يابنتي
نوال : خيركم شن فــي ؟
فادية : اني نقولك شن فيي
نصيب : فادية ارجوووك
فادية : بنتكم يلي قريتو فاتحتها اليوم من نسيبكم الجديد تعرفو من يكون؟
عبد المولي : ولد الشيخ و نعرفه يابنتي بس مفهمتش تسالي ليش
فادية : اني نقولك انت يلي مفهمتش انه راجل صابرين
نصيب : فادية !!
عبد المولي : منو صابرين
فادية : حماتي
نوال : شنوووو
و طاحت من طولها نوال
عبد الموليي : نوال يانوال فيقييي فيقيي
نصيب : استعراض مليح يافادية ... اوف امي امييييي
نوال : ياحليلييي شن درت تحت ربي باش يصير فيا هيكي وحده تاخد مخبول و الثانيه تاخد متزوج و واخد اخت المخبول ياحليلي انفضحتتت شن بنقول اني لناس
نصيب : ياامي شن تقولييي انتي متسمعيش كلام بنتك
فادية : انتي استريحتي توا شوفب حاله امي
نصيب : بس بسبب كلامك انتي ياهانم
عبد المولي قام نوال و حطها علي الصالون
عبد المولي : يكفيييي !! شنو الكلام يلي قلتيه فادية
فادية : يابوي زي مقتلك والله العظيم الا متزوج نسيب راجلي
عبد المولي : بس يابنتي نعرف انه متزوج بس مكنتش نعرف انه
فادية بعياط : راجل حماتي ايه بس بنتك الحلوه كانت تعرف مفكره انها تاخد حقي منهم
عبد المولي : انتي كنتي تعرفييي
نوال : حي عليااا ياحي علاش يابنتي عليش هيكي تديري قوله يطلقها ياعبد المولي
عبد المولي : نكلم فيك نصيب كنتي تعرفي ؟
نصيب : ايه يابوي مشوفتش انه عيب هو متزوج و مش مهم من تكون
عبد المولي : كيف يابنتي مش مهم
فاديه : يابوي هذي بتخربلي حياتي
نصيب : يابوي متسمعش كلامها زي مقتلك اني نبي ايمن و حبيته و هو يبيني
نوال : تحشمي علي وجههك
عبد المولي : اني غدوة رح نكلمه انه يطلقك لا يمكن نسمح بهذا كله
فادية : 😭
نوال : ايه ياعبد المولي بس شنو بيقولوا كان طلقت
عبد المولي : رح نعتذر لشيخ وليد
نصيب : بس اني يابوي مش رح نطلق
عبد المولي : عودي شن قلتي
نوال : تي شن تقولي يابنت
نصيب : زي مسمعتوا ايمن انسان باهي علاش متشوفوش انه كويس و رح نستريح معه بسبب بنتكم انتم تبوني نطلق من شخص بديت نبيني ف حياتي معاه
فاديه : انتي خديته بدافع الانتقام انتي تكذبي
نصيب : اني حبيته و مش رح نطلق او نسيبه
نوال : احترمي نفسك يابنت شن تقولي اختك لو سمع راجلها تعرفي شنو يصير ؟
نصيب : مش مشكلتييي ! هذا نصيبي و هيكي راد بعدين صابرين عطيها ايام و يطلقها
فادية : حي علييا ياامي رح تدير فيا الوييل
عبد المولي : اني مش رح نسمح اني تديري عرس سيوره يابنتي تلقي نصيب افضل
نصيب : مفيش افضل من ايمن و زي مسمعت يابوي اني منبيش نطلق و هذا قراري وحدي و حياتي متقررووش عليا
نوال : حييي علي العار يابنتي شن تقولي قرارك انك تهدمي مستقبل اختك
فادية : عندي ولد يانصيب !
نصيب : يابوي زي مقتلك اني هذا قراري و يريت الكل يحترموه
عبد المولي : خلاص يابنتي يلي تبيه رح يصير و عندك الحق هذا قرارك و حياتك
ابتسمت نصيب
فادية : يابوي انتي شن تقولل !؟ ونيي 😭
نوال : عبد المولي
شبحلها عبد المولي و لفت وجهه
عبد المولي : بس رح تنسي ان عندك عيلة يابنتي و رح تنسي الحوش هذا !
نصيب تلاشت ابتسمتها و انصدمتت
نصيب : شنــي !؟
عبد المولي : زي مسمعتي يابنتي انسي عيلتك لو تبيه !
نصيب نزلت منها دمعة : بابا انت ليش تقول هيكي 💔
نوال : عبد المولي صلي علي النبي و نتي يابنتي رح تطلقي
نصيب مسحت دمعتها و ابتسمت : باهي يابوي طالما انت مش واقف معاي و مفيش حد يبي سعادتي فاني مطررة انشوف لسعادتي
عبد المولي انصدممم
نوال : شن تقصدي 💔
نصيب : اني اخترت ايمن و هذي حياتي 😔💔
فادية : قداش ماانك مسمومة و بالبساطة هذي خسرتيني و خسرتي عيلتك و لو طلقتك رح تاخدي ذنب ولدي يعيش يتيم كرهتتك يانصيب 😭💔
و طلعتت من وسط الحوش
عبد المولي : خلاص يابنتي اني نوعدك ان عرسك يتم باحسن مايكون و نطلعك يابنتي معززه مكرمه و منقص شيء يابنتي و انشاء الله تلقي حنان العيلة عنده !
و مشي و سيبها
نوال : ياخسارة تربيتي فيك بس 💔
و طلعتتت !
نصيب طاحت من طولها و تبكييي
——————————
جي اسبوع العرس و الكل واقف يوتي فادية مطواعهاش قلبها و قدرتش تسيب اختها ميسون يلي جت واقفه مع نصيب من اول يوم و يوم الحنه امها يلي تحني فيها و تشوفلها و تبكي و يناري علي نصيب متبانش عروس بكل بكل ! كله تبكي و يلي يصبر فيها ايمن و مكالمته و كلامه الحلو ليها ❤️
و يوم الكسوة جو امالي العريس خالاته و خواله و درجو نصيب و ياروحي قداش يرعشو عليها و منبهممم ايمن انهم ميشوفهاش بكل
يوم الحفلة كل شيء كان ارقي ميكون عمك عبد المولي البرا يبتسم لناس و قلبه مكسور علي بنته ممكن كسرت كلامه و مطاوعتاش بس مع هذا كسره فراقهم و انه معاش رح يشوفها 💔
نصيـب في الكوشة و تبتسم بصعوبة لناس و فادية لاهية مع يلي يعطو ف المطبخ و متبيش تبين انها مكسوره و متبيش تشوف اختها في نفس الوقت و تفكر ف ردة فعل ايمن
سراج يضحك البرا و يضرب ف الالعاب النار
صدمة صحح يضحك بس من كل قلبه صح عرس البنت يلي حبها و مش هو يلي بياخدها بس فرحان ليها و يتذكر في كلامهم اخر مرة يلي مأثر فييه
نصيب : خير عليش مناديني نص الليل شن تبي
سراج : نصيب اني نحبك نصيب ونتي تحبني ليش تدري فيا هيكي ليش تمشي تنخطبي لحد ثاني غيري 💔
نصيب : نصيب ياسراج نصيب انساني توا تلقي النصيب يلي يخليك تكون اسعد اكثر من لما كنت معاي
سراج : منبيش حد ثاني اني نبيك يانصيب
نصيب : كنت كرر هذي الكلمة كنت اني مرآءه متزوجه حتي وقفتي حرام معاك بس رح نقولك حاجه انت رح تعيش حياه و حب احسن من يلي عشته معاي صدقيني تجربتنا كانت سيئة كل شخص يبي حاجه اني مكنتش ماشيه علي الشيء يلي نت تبيه و ني لقيت نصيبي و نت رح تلقي نصيبك يلي تفهمك طول و تقدر تخش لقلبك ❤️
سراج : بس نبي نعرف منو يلي خداك ؟ شن زايد فيه عليا
نصيب : قتلك نصيب و يلي خداني وصلني نصيبي لنسيب راجل اختي
سراج : كيففف متزوجج
نصيب : ايه بس حبيته بالرغم من هذا هو انسان يتيم و طيب و عوضني و مع هذا اخترته علي اهليي 💔
سراج : كيف اهلك شنو وقفلك؟
نصيب : ايه وني اخترته و ماخترتهمش
ونت رح تلقي انسانه تختارها و تتحدا عليها كل شيء
سراج حط يديه علي كثافها : نصيب مش عارف شن نقولك بس نتي زدتي خليتني نحبك اكثر و صدقيني اني خوك يلي بتلقيني في كل وقت ! و نكون سندك بدلهم و اهلك سيورهم و الزمان يولوا !
ابتسمت ليه نصيب و شكرته و خشت و سراج حلف انه يكون جنبها طول الوقت !
رجعت بيه الذكريات يسمع ف عركه قرب
سراج : انت ياندل شن جاي تدير هني
نادر : شنو عرس نسيبتي و نسيبي متبيونش نجي
و ضرب بونيه لايمن
ايمن مسح الدم و ضحك : لا مرحبين بيك
وربه بونيه ثانيه لين طاح
جي نادر بيهجم ثاني شدوه
نادر : شنو ياطاهر مخلي ف رقبتنا مرآءه و ماشي تتزوج و من منو اخت مرتي
ايمن : والله اختك لو كانت كويسة ميمشيش موضوع نتزوج عليها
نادر : اختي يلي تحملتك
ايمن : بدل متفتف اهنيا عارف اختك مش متربيه ربيها برا و اني الشرع محللي اربعه و واخد الاحسن منها 😏🔥
نادر دفوه الاولاد لعند سيارته : مش رح نسيبك و نعرف شن ندير اني
سراج : تبرا ونت كلام بس
درهلهم نادر بيده اشارة تهديد و طلع بالسيارة
ايمن يمسح ف بدلته : تكانه راجل رهو مربي اخته
سراج : فوته يابرو هذا مريض يوم من الايام بنقتله اني
———————
صابرين : حي عليا ياامي تزوج علييا و نصيب خدها يما نصيب نتهزا علي فادية رجلي خدي اختها ياحليلي
و بدت تضرب ف خدودها خش خوها للحوش نادر و خبط الطاول طايحها
سالمة : يابنت نوضي ربي ياخد فيه الحق والله خوك لما ياخدلك حقكك
صابرين : يما ياحليلي ياحليلي رجلي تزوجها اللفعه خدتههه ياما ياحليلييي
نادر : والله لما ناخدلك حققك يااختي والله
صابرين نضت قدامه و تعيط : طلقها كانك راجل طلقها
نادر : ..........
سالمة : صح ياولدي باش ترد الصاع صاعين اختك ضحكو عليها و ضحكو عليك عيلة عبد المولي
صابرين تعييط : طلقها طلققها !!
نادر طلع من الحوش و شد طرف دخان و يدخن و طلع تليفونه
———————
المنضومة تضرب و ايمن يوتي ف روحه بيخوش و نصيب مبتسمة بالسيف خش ايمن و قعمز جنبها و خالاته يزغرطو لبسها الدبلة و باس راسها و هو فرحان لين خلاص
ايمن : مبروك يانصيبي
نصيب ابتسمت : يبارك فيك
———————
فادية : ايه توا هذم للعرسـان عشاهم و الباقي ردييه
العاملة : حاضر مدام
فادية رن تليفونها و طلعت برا المطبخ و ردت
فادية : نادر نعمم
نادر : فادية انتي طالق !!
و قطع الاتصال فادية انصدمتت و تليفونها علي ودنها
نوال : بنتي خيرك من كلمك خيره وجهكك
فادية شافت ليها و نزلت التليفون
فادية : لا شيء واحد غالط بلط كلمة مش كويسة لاني قتله غالط ياخوي
نوال : اهاا
يتبع الحلقة العاشرة اضغط هنا