رواية نصيب ليبيا الحلقة الثامنة للكاتبة بنت الزاوية
رواية نصيب الحلقة الثامنة
و كملت طريقها للحوش بتفتح الكنشيلو
وقفها صوت
___ و ني نقول علاش الكف الصبح و جو التجاهل كله علي خاطر يلي راكبه معـاه !
نصيب لفتت لقته قدامها
نصيب : سراج 😟
سراج : واو يبان يبان عليك التفاجيء رغم انك عارفه اني رح نشوفك يوم من الايام
نصيب : مليكش علاقة حتي هذا شيء يخصني
مسكها من يديها
سراج : من هذا!؟
نصيب : شيء ميخصكشش
سراج : اوه اظن ان اذا قلت لبوك اكيده يخصه الموضوع
نصيب : بالحق تقدم خش الحوش قدامك اوه نسيت هو في الجامع حالياً 🤷🏻♀️!
جي بيمشي سراج وقفته
نصيب : بالحق تبي تمشييي بس متحشمش روحك بيبي و تمشي شن بتقول يعني انك شوفتيني نازلة من سيارة خطيبيي
سراج ضحك : شنييي خخخطيبك ؟
نصيب : يب خطيبي
ورتله الخاتم و ابتسمت
سراج : امتا صار انتي شن تقولي كيف انخطبتي نصيب متقوليش تديري فيه علي خاطر كلامي ليك
نصيب : معمري ف حياتي اثر فيا انتقاد اي شخص لشخصيتي حتي لو كنت شخص حبيته قبل
سراج : حبيته قبل شن تقصدي انتي تحبيني نصيب و اللعبة و الخطيب هذا فوتيه مش رح يمسح يلي صار
ضحكت نصيب : صدقيني مش لعبة و مع هذا تقدر تكمل طريقك لجامع و تقول لبوي باش يقولك حتي كيف انخطبنا و توا باي مروحه تعبانه
درتله باي بايديها و خشت
🔥
ايمن : سو انتي متبيش تسكتي عليا عيييت من ثرثرتك
ميسون : الثرثارة الحقيقة مرتك المستقبلية
ايمن ضحك و قعد يتذكر كيف تعيط ف المدرسة
ميسون : سووو ايمن ولد عمتي يضحك و اخيراً
ايمن : خيرك معاي شني منضحكش قبل
ميسون : لاباين زي الفرعون معمري شوفتك تضحك بكلل
ايمن : اني فرعوننن!
ميسون : يب و الاحرف منك الفرعونه يلي واخدها قولي كيف تم الموضوع و الاستدعاء
ايمن : عادي يعني لقيتهم يشكو منها في المدرسة
ميسون : ايه تعرف وقت شوفتها كيف تكلم ف الاستاذه الصراحه صح ليها اني بروحي خوفت
ايمن : اممم يعني الاستاذه صح متصلحش
ميسون : ايه بالفعل تعرف ! نصيب ديما هيكي تحب تقول كلمتها في الوجه و متجاملش بس صدقيني مفيش من اطيب من قلبها ممكن تدير اي شيء باش تدعم شخص تحبه و قريب منها
ايمن : اهــا بس تبان شيطانة سبت المديرة و مفهمتهم الا بخليني و نخليك
ميسون : 😂 ايه هذي هي نصيب
———————
فادية : نادر انتي توا ليش متصل بيا
نادر : صدقيني مستحيل نديرلك هذا ثاني ارجوك ارجعي فادية ارجوووك اني محتاجك ولدك محتاجك فادية ارجوك
فادية : تضربني و تلوحني و تقولي محتاجك امتا تعامل فيا باهي باش نشبحلك بالبهيه
نادر : نعرف اني عصبي نعرف اني مكنتش كويس معاك بس نبي نفتح صفحة جديدة فادية بينا ولد
فادية : نادر ارجوووككك انت ظالم اختك منقدرش نتعايش معها امك صعبه متشحبش ليا اني كنتها قولي كيف بنعيش و انت اصلا مش عطيني قيمه
نادر : فادية انسي هذا كله اختي متزوجه سيورها ترجعع للحوش و نتي مولاه الحوش
فادية : ايه مولاه الحوش بالاسم ! اني مش معتبرة حتي كنه
نادر : صدقيني فادية اعطيني اخر فرصه نتبثلك فادية متدريش هيكي عندنا ولد احني عيــلة
فادية : ............
نادر : فاديــة ارجوك فكري ف ولد فادية.... اعرفي اني نبييك
و انقطع الاتصال
فادية : يارببب ساعديني شنو نديير 💔
—————
نصيب : توا متصل بيا وني نبي قيلولة
ايمن : باهي نزعتت عليك قيلولتك او كيف !
نصيب : لا نبيي نرقد نعسانة شن تبي متصل
ايمن : شن نبي تلزيي فيا
نصيب : الفكره اني جعانه نوم
ايمن : اين الرومنسية اني خطيبك
نصيب : بالله عليك رومنسية شني اني رهو مش متع الحاجات هذي
ايمن : باهي ياجافة او نقولك خبزة الساعة ستة خير ؟😂
نصيب : بلا بلا بلا متتعبش منها شدهالي
ايمن : منتعبش وبعد العرس بنخليك تشري انتي الخبزة الساعة ستة نوضك 😂
نصيب : ونت شن صنعتك انشاء الله
ايمن : نخلييك سعيدة معاي طول العمر صدقني نصيب مش رح نخليك تستحقي شيء ف حياتك
نصيب ابتسمت : ايمـن بجد شكراً انت انسان طيب
ايمن : توا نني نقولك بنخليك سعيده وتقولي ليا شكراً ناس ترد كلام ثاني ؟
نصيب : 😂معرفتش شن نقول
ايمن : شورك نعسانة بالحق بري ارقدي
نصيب : اك بايي ايمن بجد عنيت الكلمه انت انسان طيـب
ايمن ابتسم : استريحي توا و توا نكلمك في الليل
وسكر حطت راسها نصيب علي المخدة و شافت للفون
نصيب : ولانك طيب فاني مستهلكش سامحيني 💔😣
————————
بعد اسبــوع
الحوش معبي و نصيب جهزت روحــها الشيخ فيي المربوعــة و و الرجال معبين
المكان صحابه اقرابه ناسه و هديكا البسمه علي عمي عبد المولي متتفسرش نوال ترحب بالناس و يهنو فيي نصيب يلي تبتسم و بس
الشيخ : اسمك ياولدي
ايمن : ايمن عبد الله ....
الشيخ : اسم البنت
عبد المولي : نصيب عبد المولي
مهممم تمت الفاتحة علي الخير منعرفش كيف يديرو فيها بالزبط !
الشيخ : الفاتحة
و بدو يقرو فيها خش واحد من الاولاد خبرهم ان انقرت و النساوين بدو يزغرطو و العيــلة فرحانه و نصيب مبتسمة و داخلها الم كبيير 💔 بس تشوف لفادية كيف تضحك ليها تنسي كل شيء
ميسون : مبروك حبيبتي زواجه الدهر انشاء الله
نصيب : شكراً
ميسون : صدقيني ايمن انسان مستحيل تلقي زيه ممكن ربي رح يعطيك الحب يلي تستحقيه مع ايمن مش مع سراج
نصيب : انشاء الله 💔
————
بعد مكلموا كل شيء
عبد المولي : مبارك يابنتي انشاء اللهب الهني انشاء الله نشوفك سعيده طول عمرك يابنتي معنديش الا نقولك ربي يهنيك
نصيب : شكراً يابابا انشاء الله
عبد المولي حط يديه علي راسها و باس عليه و ابتسم برضا ♥️
فاديه : كبرتي يابنت
و ضربته علي كثفها
نصيب : ايييي
عبد المولي : امالا نخلييكم توا ارقدي بنيتي
نصيب هزت راسها و طلع بوها و امها حضنتها و طلعت
نصيب : بنخش ناخد دوش خفيف ونطلع
فادية : حاضر يااختي المتزوجكة
نصيب : 😂بلا تسهويك
و خشت للحماممم
فادية كانت مبتسمه و سعيده لاختها ربتت الغرفه و خدت عقد الزواج
فتحتههه
فادية : ايمن عبد الله مش غريب اسم راجل صابرين حتي هو هيكي ممكن تشابه
قامت راسها شافت الصوره و انصدمتتت
فادية : مششش تشابهه هو نفسسه نصيب تزوجت راجل صابريننن كككيف هيكي
و طاح منها العقد .. يتبع الحلقة التاسعة اضغط هنا