رواية نصيب ليبيا الحلقة العاشرة 10 للكاتبة بنت الزاوية
رواية نصيب الحلقة العاشرة
نادر : فادية انتي طالق !!
و قطع الاتصال فادية انصدمتت و تليفونها علي ودنها
نوال : بنتي خيرك من كلمك خيره وجهكك
فادية شافت ليها و نزلت التليفون
فادية : لا شيء واحد غالط بلط كلمة مش كويسة لاني قتله غالط ياخوي
نوال : اهاا
———————
درو اغنية و طلعت نصيب و ايمن مع بعض و يقيم ف قفطانها و مبتسم ليها
وقفت قدام امها
نصيب : امييي
نوال ابتسمت ليها و حضنتها
نصيب نزلو دموعها
خالة ايمن : لالا خربتي مكياجك
نجية : هذي اللحظات ضروري منها
مسكها ايمن و ربت علي ظهرها بحنان شافت لفادية دمعت عيونها بس فادية كانت بعيدة وقت شافتها قبلت وجهها و مشت و طلعو بعدين
و هي يلي قلبها مكسور لدرجه كبيرة 💔 و ركبت في السيارة و السيارت يلي بعده يبييبووو !!
سراج يجري لييين وصل لسيارة العروس
سراج : شني ياعريس من يسبق لحوشك اني ولا انت
ايمن ابتسم بخبث : مدامه حوشي ميسبقني حد
و بدو يتسابقو و ايمن يجري و نصيب تعييط و ايمن يضحك عليها وصلووا للحوش قبل سراج و الثانين نزل ايمن
حضنه سراججج
سراج : مبارك ياخوي
و قرب من ودانه
سراج : دير بالك عليها وخيتنا
ايمن ابتسم : اكيد
سراج خبط علي كثفه و ركب ف سيارته و طلع الرصاص و بدي يضرب هو و يلي معاه نزل ايمن نصيب و النساوين يزغرطو ليين خشت و بعدين روحوو
————————
ايمن : خشي برجلك اليمين نصيبي
خشت نصيب و قعمزت علي الصالون
نصيب شافت بعيونها الحوش كان علي دورين و جميل يبان نزلت راسها ايمن قعمز جنبها
ايمن قام راسها : خيرك متحشمه هذا حوشك بدي
نصيب : لا بس نحس ف روحي تعبانه
ايمن : من عياطك امبكرييي
نصيب : حتي انتي قريب فنكتها بينا السياره
ايمن : فنكتها ؟ تقول مقعمز مع صحبي الزفت
نصيب ضحكت
ايمن : ايوه كذا محلاها ضحكتك
نصيب تحشمت
ايمن : شن رايك نوضوا نصلوا و بعدين نتعشوا
نصيب : باهي يلي تشوفه
ابتسم ايمن و مشت لبست البرنوس ووقف كبر و كبرت بعده و بدي يصلي بيها و كان تلاوه صوته حلو بعد مسمعت صوته بدت تصلي و تبكي اذكرت بوها كيف يقرا في القرآن كملوا صلاتهم و نضت حطت الصلاية علي علي الصالون
ايمن : اه عليش تبكي توا شنو صار
نصيب : اتذكرت بابا كيف يقرا في القرآن صوتك زيييه
ايمن : ياروحييي باهي كويس واكيده تحبي بوك معنته بتحبني
نصيب : اكثر ماتتصور
ايمن : الله و يقول المثل ولك مثله بس اني بنقلبها معنته لي مثل حب بوك صح
نصيب دمعوا عيونها ثاني
ايمن قرب يمسح ف دموعها : خيرك توا تبي نرفعك لييه
نصيب زدت بكتتت
ايمن رفعها لدار و قعمزت علي السرير : شني صار خيرك نصييب خيرك ياقلبي
نصيب : استحشت بوي من توا 💔
ايمن : حبيبتي غدوه نمشولهم مهم متستحشيشي
نصيب : مش حيقبلونا 💔
ايمن : كيفف اه قصدك انك عروس وهيكي
نصيب : اهلي تبرو مني ياايمن
ايمن : شنوو ؟ شن تقولي انتي
نصيب : لاني تزوجت منكك
ايمن : علاش مش كان بوك موافق علي الزواج
نصيب : ايمن انت نسيت انك تكون نسيب نادر
ايمن : منسيتش بس شن دخل هذا في هذا
نصيب : لان اختي راجلها شدلها ف ابسط شيء و زواجي منك مش رح تعديه صابرين علي خير و رح ترده ف اختي
ايمن : صابرين اهيا نادم علي اللحظه يلي بدت فيها مرتي
نصيب : لهذا بوي قالي يااحني ياهو و امي قتلي شوفي لاختك بس اني اخترتك ❤️
ايمن ابتسم ليها بحنان : معنته انتي تحبيني
سكتت نصيب
ايمن مسك خدودها : اسمعيني اني مستحيل ف حياتي ننسي انك يعني ضحيتي من اجل انك تكوني معاي و انييي مش رح نخليك صدقيني نصيب رح نخلي اهلك يرجعو ليك و في وقت فراقهم رح نكون اني اهلك سندك بوك و امك و اختك و خوك يلي مش موجود رح نكون مكانه رح نخليك متحسيش بفراقهم برغم مش رح نملي فراغم بس رح نحاول نصيب انتي اني مندمت علي حبك و اني عشت لحظه حبيتك فيها رغم اني متزوج و رح نحارب حتي تقعد هذي اللحظة مستمرة
حضنته نصيب و ايمن بدلها
نصيب : ايمن انت احسن شيء جي ف حياتي انت انسان طيب و متتعوضش انت انسان مثالي
ايمن بعد عليها : ششش خلاص ونتي مثاليه وني سعيد اني عندي زوجة زيك
ابتسمت نصيب و قرب باسها ❤️
————————
في نص الليل كان ايمن نايم و نصيب عاطيه بالظهر تبكي ايييه تبكييي و تفكر هي تزوجت ايمن صح بس علي سبب و ذكرت كلامه يلي قاله انها ضاحت من اجل تكون معاه هي بس ضحت من اجل انها تقعد و ترد يلي داروه في اختها 🔥
لفتتت لجيهه الثانيه و لقت ايمن راقد تاملته و حطت يديها علي وجهه مسحت عليه
نصيب في سرها : سامحيني ايمن انت تحارب من اجل حبك ليا و ني نحارب من اجل اختي اني منيش مثاليه و نت متستحقش زوجة زيني 💔 سامحيني اني بنكون لفتره الزوجة المثاليه ليك !
—————————
صباح اليوم يلي بعده ناض ايمن علي صوت تخبيط حك راسه يلي طايحين خصلاته علي عيونه و طلع يلقها تجري هني و هني و توتي
ايمن ابتسم : صباح الخير يافرخة
نصيب لفتت و باست خده : صباح النور يافرخ
ايمن : لالا اني الكبير اهنيا
نصيب حطت ايديها علي خصرها : حتي اني كبيرة متشوفش اني يلي ندير ف الفطور مش انت
ايمن : اممم لين ندوقه قبل بس باين فطور مرمد🤭😭
نصيب ضربته : متاكلاشي باهييي دير بروحك
ايمن ضحك : نصوبتي كيف مناكلاشي و نتي من صبح تديري فيه لييا
نصيب : مش ليك اني من امس العشيه مكليت شيء و ني جعانه هلبببا بناكله كله اني
ايمن : باهي وني 🥺
نصيب : اهه سخفتني باهي كول معاي بس متقولش انه مرمدد نمرمدك ره
و قامت الموس لوجههه
ايمن : ياشريره
و قرب باسسسها لفتت شاف الخبزة
ايمن : حييي خبزة جديده زعما من جابها اكيده انتي خبزة الساعة ستة 😂
نصيب : ايه اني 😑🤦🏻♀️
ايمن : 😂 الساعه سته نوضتي
نصيب : اطلع ايمن اطلع ثرثار الزفتت
ايمن : 😂
و طلععع
نصيب ابتسمت ليه و كملت الفطور حطت الصفره و جي ايمن كيف بدو يفطرو طق الباب
ايمن : اقعدي توا نفتح
نصيب : باهي
ايمن فتح الباب يلقي ميسون ف وجهه
ايمن : سوووو خيرك جايه علي الصبح
ميسون : خشي مفيش صباح الخير ياعريس جبتلكم فطوركم
طلعت نصيب و سلمت علي ميسون
ميسون : صباحو ياعروسة
نصيب : صباح الخير ياقلبي ليش متعبه روحك دايره اني فطور
ايمن : منوثوقش فيها شن حاطتليي هاتيه
ميسون : 😂ريتي يانصيب من بدايتها الخونه
نصيب ضربته
ايمن : نبصر ياودي غير منبيش نرد شيء من عمتي نجيه كل شيء من يديها حلو
ابتسمت ميسون و ودعتهم و مشت
نصيب : متتوثقش فيا صار
ايمن : والله مصارها اني منزعل حد
و بدي يفطر من جيهتين 😂
و قعمزت تضحك عليه و تفطر جنبه
كملوا و قامت هي الصحون وهو وراها حطتهم في الغسالة و نضفت الطاوله رن تليفونها ردت عليه قتلها ميسون ان بيجوها يلبسوها باش تنزل تحت الصبحه
ايمن : صبحة و ثالث شني هذا
نصيب : هذي الاصول
ايمن : لا اصول لا فصول جو زايد يشوفوك و يدربوكو عليك
نصيب : ونت شن واجعك اني يلي يدربكو عليا مش انت 😏
ايمن : والله ونتي عاجبك يدربوك عليك و يلي تلقاك تشبغ فيك !؟
نصيب : ايمن متقوليش تغار حتي من الناس يلي بيدربكو عليك
ايمن : والله نغار حتي من دربوكه يلي دربكك اني 🤨
نصيب : عار مقرضض بلا مقروض 🤦🏻♀️
**كلمتي المفضلة هذي 😂**
ايمن : شن هييي مقروض و مقرض 😂😂شن المصطلحات هذي
نصيب : يعني انت عار
و مشت مسكها من يديها
ايمن : غير خفي عليينا
نصيب ضحكت : نحي بنوتي الردي يلي بنلبسه قريب يجو
و خشت لدار
————————
نوال : اليوم ثالثتها ياعبد المولي
عبد المولي : اححح مفيش مشي قلت اني
نوال : عيب قدام الناس شن بيقولوا اهلها وين
عبد المولي : مفيش مشي قلت كلمه هي لا انت ولا فادية حتي
نوال : بسس
عبد المولي فنص فيها سكتت
عبد المولي : شني يابنتي مكلمكش راجلك اكيده سمع بالموضوع
فادية : ابداً مكلمنيش يابوي علاش
**قعدا تكذب عليه 😆💔**
عبد المولي : مش عارف بس اني يابنتي نحسه انه مش رح يسكت علي موضوع
نوال : تبي الحق ياعبد المولي نسيبك هذا والله مخشلي راس و تمنيت بنتي مخداته
عبد المولي : ربك يهدي وخلاص اني ماشي لجامع تبو شيء
نوال تحسرت علي بنتها عرفت انه مش رح تمشي
نوال : سلامتك ياغالي
ابتسم عبد المولي و طلع
فادية : مع اني مودعتهاش و مع ان ياامي رح يجوني المشاكل من خلال زواجها الا اني عسب منمشوش
نوال : بوك شن بنديرله يابنتي بعدين هي وقت اختارته مفروض توا تتحمل نتيجه افعالها
فادية تنهدت و كملت تقشير البصل للغدي
———————
صابرين ماشية جايه ف هديكا الدار : يام ني مش قادره نستوعب فهيمني كيف ياخد عليا
و شدت تليفونها بدت تتصل مفيش رد لوحته بغلل علي حيط لين تكسر
صابرين : بنقتل روحي انييي كيف تاخده كيف عرفها ريتيي ياامي ريتييي ياحليليي
و بدت تندب ثاني
سالمة : يابنتي اهدي خوك امس خدالك حقك و طلق اختها
صابرين : شن دخلي ف خويي طلاقه من اختها ميشفيش غليي كله لازم نقتلها انييي والله لما نقتلها يلي اسمها نصيب كيف تجرآتت
سالمة : غير اهدييي يابنتي
صابرين : كيف تبيني نهدي انتي مكش حاسه بيا مفيش حد حاس بيا
و بدت تكسر ف كل شيء ف الغرفه
سالمة سمعت صوت العيل بدي يبكي طلعت ليه
و صابرين طاحت من طولها تبكي و تردد مفيش حد حاس بيا و لما نقتلك يانصيب
—————————
جو لنصيب و لبسوها و نزلت لوطا لحوش نجية مرت خاله خشت مع ايمن طالع نواره ف الزبون 🥺 و قعدو يغنو عليهم قعمز جنبها شوية و طلع و هي مقعمز و الكل يوشوش وين اهلهاا قعدت نجية تقولهم ان عندهم حاله وفاة مقدروش يجو بس يلي يضحك علي الاهل مهناش و يلي متشمت
نصيب : قريب نوض نفقصلها عينها اهيا
ميسون : هذي سناء بنت عمتي و بنت خالة ايمن
نصيب : مبردها من بكري تشبحليي بنوضلها ره
و سناء تشبح لنصيب من فوق للوطا مش عاجبهز
ميسون : فوتيها هذي كانت تبي ايمن قبل حتي مياخد صابرين
نصيب : اه هذا باش وعلاش مخدهاش
ميسون : كان تبيه ياخد عليك عادي 😂
نصيب : قهرتك ياكلبه اني نسال 😂
ميسون : والله هييي لاصقه و ايمن ميبيهاش معتبرها زي اخته ايمن طايب مع كل حت مره درتله لقطات بتلبسه فيها بس هو نصحها و قلها توا تلقي نصيبك
نصيب : ايييه اساليني علي طيبته اني 💔😔
ميسون : خيرك جوك مش عاجبني
نصيب : لا شيء استحشت اماليا
ميسون حطت يديها علي يدين نصيب و ابتسمت ليها
ميسون : صدقيني رح يولو و يكلموك انتي بنتهم مستحيل يسيبوك
نصيب : انشاء الله !
تممم الثالث و نصيب روحت لحوشها و كانت تنحي ف الفضه و الذهب يلي عليها قدام المريا حضنها ايمن من الخلف ❤️
ايمن : القمر يبي مساعدة
نصيب : لا نقدر نكمل بروحي
ايمن : متاكذه !؟
نصيب : اوف ذهبكم هلبا و مقدرتش انحيها هذا العقد كبير هلبا
ايمن :😂 باهي تعالي جي توا نساعدك
بدي يشيل معاها بعدين خففت مكياجها و لبست فستان بسيط و قعمزت تاكل
ايمن : جعانه ياروحي
نصيب : ليين خلاص حقا قولي
ايمن : هممم
نصيب : نبي نعرف سناء خيرها هيكي
ايمن : من سناء
نصيب : حبيبتك السرية من سناء بنت خالتك
ايمن : اه سناء بنت خالتي
وضحك
نصيب : ايوه بنت خالتك يوم قريب نضت بركت عليها و خنقتها بالطوب الطويل هذكا
ايمن : يامجرمة علاش شن درتلك
نصيب : تشبح عيني عينك من فوق لللوطا
ايمن : في حد ميشبحش للقمر هذا
و باس خدها
نصيب : بس بارده و قتلي سوو انها تبيك
ايمن : ميسون بنقتلها
نصيب : علاش تبي تخفيها عليا ولا عاجبك حبها ليك
ايمن : ايه عادي
نصيب : والله وشن اني رجل كرسي
ايمن : انتي قلبي و بعدين شوفي هي وين و نتي مكانك معاي
نصيب : ايه ايه 💔
ايمن : نصيب انتي مش شايفه اني ذايب فيك لدرجة اني مستعد نقدملك كل شيء تبيه عارف انك قعده مثأتره لاهلك بس اني هني و حطيتك ف عيوني اني
**من قاري حطيتك في عيوني لزهور جمال الدين تحية كبيرة ليها 🥺❤️**
نصيب : ايمن حتي اني بجديات تعودت عليك من توا
ايمن : وشني تاني
نصيب : حبيت طيبتك
ايمن : وني محبيتنيش
نصيب : تقدر تقول مزال مزال !
ايمن : امتا اهيا مزال بتتنحي
نصيب حطت يديها علي خده : انت انسان طيب و اي شخص يقدر يحبك الا اني نبي تحبني وبس
ايمن باس يديها : نموت فيك
نصيب : وني بجديات نحب فيك
ايمن ابتسم ليها !!
—————————
صباح اليوم يلي بعده نصيب كانت ف مطبخ وطق الباب نشفت ايدها و مشت فتحت
لقت قدامها صابرين لابسه عبايه كحله و كحل اسود و روج احمر اكثر من اللزوم و تمضغ ف مسكته
صابرين : حولي بنخش حوشي
نصيب ابتسمت علي جنب : الحوش حوشك تفضلي ف اي وقت 😏
صابرين قعمزت علي الصالون : وين ايمن راجلي
نصيب : راجلي ايمن راقد منبيش نوضه تعبان 🤭
صابرين عضت سنونها : انت ليش تزوجتيه ؟
نصيب : حبيته و حبني معادله بسيطه حبيبتي
ناضت صابرين قربت منها : سالتك سؤال ليش راجلي ياحقيره
نصيب : توتوتوو جوبتك بيب قتلك حبني م حبيته فيه كلمه مش مفهومه كلامي
صابرين : انت مختلة عقلياً راجلي لا يمكن يحبك اني رح نقتلكك
وقربت منها
ايمن : صابرييين !🤨
صابرين : ايمن ايمن علاش جبتها علاش تزوجت هذي عليا تزوجت اي حد الا هذي
و اشرن بصبعها لنصيب
نصيب : جاوبها حبيبي 🤭
ايمن يعيط : يعني انتي عندك عادي نتزوج عليك لكن منخدش نصيب
صابرين سكتت
ايمن : معندكش غيريه علي راجلك يلي ملوحتيه ٦ شهور و قبلها معزرتيه
نصيب : له له له عزرتك وقحه كيف شخص زي هذا تسيبه سته شهور 😟😏
صابرين : اسكتي انتي سكتها ايمن انت تعرف سيبتك لانك كنت تمنع فيا لحوش اهلي
ايمن : اوني برليه منيش منعك بري و حت كان تبي ورقتك توصلك 😤
صابرين : بهذي السهوله تتخلي علي حبنا
ايمن : يلي بيني و بينك مش حب
صابرين : كله منك حسبي الله و نعم الوكيل فيك
نصيب : شن درتلك اني 🤷🏻♀️
ايمن : مدرتلك شيء احترمي نفسك
صابرين : خنبتي راجلي و خليته يبي يطلقني
نصيب : لو انتي عاملتيه باهي روهو متزوجش بعدين اني منيش معرضه انك تقعدي هنايا
ايمن : نصيب
نصيب : حتي هي مرتك من حقها تقعد ولا ياصابرين ني عندي عادي
صابرين : ونتي من وليتي باش تحكمي اني مولاه الحوش
ايمن :وقت سيبته كان حوشك و نصيب هي مرتي و بس !
و مشي و سيبهم
نصيب : الله شوفتك متنرفزه طافت نار قلبي شوية 🔥🤤😏
صابرين : شني تبي مني عليش خديته ؟
نصيب : السؤال يطرح نفسه 😉 شن نبي منك اممم حاجه وحده
صابرين : شن تبي منييي ؟
نصيب : اهدا اهدي يلي نبيه نشوف معاناه اختي فادية فيك 🤷🏻♀️🔥
يتبع الحلقة 11 اضغط هنا