رواية نصيب ليبيا الحلقة الحادي عشر 11 للكاتبة بنت الزاوية
رواية نصيب الحلقة الحادي عشر 11
صابرين : شن تبي مني ؟
نصيب : اهدي اهدي يلي نبيه منك ان نشوف معاناة اختي فادية فيك🤷🏻♀️🔥
صابرين : شني
ابتسمت نصيب بخبث : ايه ياحياتي انتي عليش تمشي اقعدي ف حوش ف الاخير انتي ضرتي
شافت صابرين لقت ايمن وراهم لبس سبيدروه
ايمن : اني طالع تبوا حاجه
نصيب : سلامتك بس ياغالي
و باس علي راس نصيب و طلع
صابرين : 😡
نصيب : 🙂
———————
فادية تتصل بنادر و تحاول توصل ليه حاطها ف الرفضضض و مش عارفة شن تدير اسحشت ولدها و مش فاهمه شن تدير
——————
نادر : ياامييي اني رح نطلقها زي موعدكك بس الولد شن تبيني نديرله
سالمة : اني نربييه بس طلقها لا يمكن اني نخلييك تقعد معاها
نادر : يلي تشوفيه ياامي كلمتي هي ماشيه يانيع الحنان
** اشي الدلدولل🤭😂**
سالمة : اني مش فاهمه باي وجه اختها سرقت راجل بنتي
نادر : ياامي سكري عليه موضوع هذم ناس معندهمش ريس بوهم شد الجامع و بنات منحلات
سالمة : والله صدقت ياولدي حتي زواجتك من هذي فادية مفيهاش الا كل البلاي الخير ميرناشي بكلل
———————
نصيب تغني و توتي ف الغدييي جت صابرين اخدت الطنجره و قلبتها و نصها جي علي رجلين نصيب و بدت تعييطط
صابرين : تتستهلي بس ميوصلش للالم يلي دتيهولي
نصيب : انتي مريضضضة كيف تديرلي هيكي مسده ندير ف غدي اني العروس و مسده تصبيخ علييا اييييي
صابرين : يزيدك منه تي لما نكرههك ف عيشتك
و طلعتتت ضحكت نصيب حتي مع المها و نضفت المطبخ و درات غدي ثاني بس زادت ف النار متاعهه و ولعتت باقي الروس و مشت خلت جرحها زي ماهوو
اتصلتت بايمن و رد
نصيب : ايييمن تعالي تعالييي باللهي عليك!
ايمن : خيرك خيره صوتكك
صابرين : شنو هذاا ؟! شن تديري
نصيب : بعدي عليا شن تبيي تديري اكثر
و تسكر الخط
ايمن ناض بسرعه و رجععع فتح لحوش بالمفتاح يلقاه دخان و نصيب طايحة من طولها
مشي فتح الروشن و سكر الغاز و بعد مصفيي الحوش جي لنصيب يجري
نصيب : كح كح كححح ايمن جيت
ايمن : ايه ياعمري خيييرك !؟
نصيب : كنتت ندير ف الغدي و سيبته فجئه نلقاه الدنيا معبيه غاز و خلاص وقت جيت بنطفي انزلقتت و طحت شوف رجلي
ايمن : الله من دار هيكي
نصيب بدت تبكي : والله مقلت ليها حاجه تبي تقتلنييي ياايمنن مش فاهمهه علاش صابرين تبي تتخلص مني لاني خديتك
ايمن : صابرين صح انت يلي درتي هيكي
صابرين : بري ياكذابه كح كح كح مش اني
ايمن : اني سمعتك تقولي لها لما نقتلك اني مش مصدقق انك مجرمة هيكيي
صابرين : بالسرعة هذي صدقت فيا لوتك خلانك زي الانثيا تسمع فيها
قرب منها ايمن و ضربها كفف
ايمن : معمري مشفتت انسانة زيكك بالطريقة هذييي انتي طالقق
صابرييين : تطلقني علي خاطرها
ايمن : ايه و لانها مش زييك
——————
فادية : ياميي بنطلع ارجوك خاطري ضايق
نوال : وين بتمشي يابنتيي انتي مرآءه ره
فادية : بنولد ف شارع يام كلهم معارف بوي و محترمين شن بيصيرلي
نوال : اوف بس متبعديش يابنتي نخاف تصيرلك شيء
فادية : مش حيصيرلي شيء
و طلعت فادية خدت اول تاكسي لحوش راجلها وصلت و طقت الباب
سالمة : تي اسكتت تابعتنيي يانادر حل الباب
نادر : باهي سكتيه مش قادر نتابع الفيلم
سالمة : بالك ف فيلم ولدك محطيتاش ف حضنك بكل
نادر : اياهه
و فتح الباببب
نادر : فادييية
ركعت فادية علي رجليييه
فادية : وراسك و راس بوك ردني نبي ولدييي باللهي عليك اعطيني ولديي
نادر : تيي شني تديري هني ياكلبه مش طلقتك
فادية : باللهي عليك عطيني ولدي حرام عليك رضيعع تحرمو فييه منييي بالله عليك
نادر : انتي يلي حرمتي روحك منه ياحقيره متنسيش اختك دمرت حياه اختييي
فادية : نبوس رجليييك
صابرين : توا بتبوسي راجليه بعد مدمرتولي حياتي
سالمة : يابنتي خيرك من جابك
صابرين : جيت ياامي زايره لايام و بنروح مقدرتش نتحمل وجه النحس اختها
فادية : ردني علي خاطر ولدي ودير يلي تبيه
نادر : تييي اطلعيييي اطلعييي منبيكش ولدك معاش تشوفييه
صابرين : استنا استناا
شاف ليها نادر
صابرين : بما انها تبي ترجع فردها و عاقبها علي طريقتك ياخويي
نادر : شنييي شن تقولي انتي نسيتي انها
صابرين : اختها خطفت راجلي و ايه بس هذي اموري ياخوي
سالمة : صابرين شن تقولي انتي لايمكن نديرها كنه ثاني
صابرين : ياامي هذا ف الاخير ولدها و رح تعيش معانا قصدي معاكم تتحمل علي خاطر ولدها كلام صح يامرت خوي 😏
فادية : ايه ايه ردي و ندير اي شيء ع خاطر ولدي
نادر : بس اني طلقتك كيف بنردك
صابرين : بسيطة جيب شيخ ويردكم نت مطلقتهاش بالثلاثه سامحينا عاد مشيت فيك طلقه مزالك زوز 😏🔥
نادر : مدامك عندك عادي امالا ياامي خليها علي خاطر ولدها ونتي رح تتحملي شن يجيك
خشت فادية و خدت ولدها من يد سالمة *بلا كرامة 🤦🏻♀️**
و مشي نادر باش يجيب الشيخ
صابرين شافت لفادية و ابتسمت ع جنب
صابرين : فرحانه برجعتك يامرت خوي
و مشت لدارها
سالمة : وجه النحس اعرفي اني رح نقبلك ف حوشي علي خاطر ولدك بس
———————
نصيب : ايي لالا متحطش خلاص توجعع
ايمن : تحملي جرح رجلك هلبا كبير لازم تتحملي ياعمري
نصيب : اني مش عارفه ليش هي دارت هيكي اني عاملتها من جيت بكل طيبه و درت اني غدي و قلت خليها ترتاح
ايمن : انتي ياقلبي قلبك طيب و مفيش منه و ناس مش كيفك
نصيب ابتسمت ليه
نصيب : بس انت خلاص طلقتها توا
ايمن : ايه معاش نبيها اصلا مش زوجة و مهيش متاعة مسؤوليية مخليتني بروحي شهور و تعدت عليك مزال نردها اني
نصيب : معاك الحق ياقلبي
ايمن : ياقلبي بدينا ف كلام حلو
نصيب ابتسمت : زي متقولي بنرد عليك
باسها ايمن من خدها
ايمن : وكملنا توا انشاء الله رح ترتاحي
و مشي طلع يرد ف علبه الاسعافات الاوليه
رن هاتف نصيب
نصيب : صابرين هذي شن تبي
نصيب : خير فيسع ماستحشتني
صابرين : ايه و اختك هنايا اسحتشاتك تبي تكلميها
نصيب : فادية ؟ فادية روحتت !
صابرين : واو عندك نقطه ضعف و اخيراً
نصيب : تكلمي روحتت
صابرين : ايه تعرفي انها تجدت خوي و قريب باست رجله بس مردهاش بكلمه مني مشي يجيب ف شيخ باش يردها
نصيب : ليش الشيخ هو طلقها 😳
صابرين : تييي ايه وقت خطفتي راجلي خوي مشي طلق اختك وحده بوحده
نصيب : شنييي ليش درتي هيكي ياحقيره
صابرين : ومزاا بندير ريتي وقتي خليتي راجلي يطلقني فتحتيلي حرب ندلك فيها اكثر بنخلي اختك لعبة ف صبعي باشاره من نادر تنسي ولدها
نصيب : انتي لوين تبي توصلي ؟
صابرين : كلمة هييي ! تخلي راجلي يردني ف اسرع وقت او نكسد مع اختك هنايا 😏🔥
يتبع.. الحلقة 12 اضغط هنا