رواية نصيب ليبيا الحلقة الثاني عشر 12 للكاتبة بنت الزاوية
رواية نصيب الحلقة الثاني عشر 12
نصيب : انتي لوين تبي توصلي ؟
صابرين : كلمة هييي ! تخلي راجلي يردني ف اسرع وقت او نكسد مع اختك هنايا 😏🔥
نصيب : انتي مريضة ايمن مستحيل يريدك نسيتي شن درتي ليا
صابرين : والله اني نعلم انك مخططه ليه بعدين اني مدرت شيء كبيت البصله بس و انتي يلي درتي دراما وجو و حريق
خش ايمن قعمز جنبها
ايمن : خيره وجهههة ف ميني تكلمي
نصيب : اكي رح نحاول
و سكررت
ايمن : خيرك نصيب شن صاير شني يلي رح تحاولي فيه
نصيب : اه هذي ميسون علي مشيه مع بعض مع صحباتي قتلها قعده مسكرتش اسبوع
ايمن : لا يحبي اني منطلققش توا
نصيب : متشبعش من شبح وجهي انت😂
ايمن : من يشبع من جمالك نصوبتي 🤤❤️
نصيب : ربي يخليك ليا ايمنن!
————————
فادية : يعني شن تقصديي !
صابرين : اني بنولي لحوش راجلي بس اختك رح ترجع مطلقه لحوشكم ثااني و اياممم انتي بتلحقيها
فادية : انتي شن تبيي مني
فادية : كملي شغلك مش نضيف هني و غدي امتا يوتا جعت فيسعع
——————
نوال : طلعت ياعبد المولي معاش ولتت
عبد المولي : كيف طلعتت وين مشت البنت
نوال : قتلي رح نولي و دوره معاش لقيتها ياعبد المولي اسالي عليها ولاد الشارع
عبد المولي : لاحول ولا قوه الا بالله يصير عليها شيء انتي السبب يانوال
نوال : قتلي مضايقه هي 😭
و طلع و سيبهاا
عبد المولي : وين بندور عليها
سراج : خيييرك ياعمي ف شنو تدور
عبد المولي : بنتي فادية ياولدي طلعت معادش وللتتت ! معاش نعرف عليها شيء وين مشت
سراج : ياعمي شوفوها ولاد الشارع امبكري خدت تاكسي
عبد المولي : تاكسي ؟ بنت متركبش ف تاكسيات
سراج : زي منقولك ياعمييي و ني كنت بنقولك بس كنت ف جامع
عبد المولي : حسبي الله كثر خيرك ياولدي انك قتلييي
و رجعع للحوش
نوال : ها شني لقيتها
عبد المولي : بنتك ياهانم راكبه ف تاكسي اشيح وين ماشيه بس لو نعرف ويين ؟
نوال : كيفف وين مشت ياعبد المولي
عبد المولي : اتصليي بيها
نوال : حاضر
انصلت بيها
فادية : ها ياامي
نوال : وينك نتصل بيك من بكري وين انتي
فادية : اني ف حوشي مع ولدي
نوال : شنو ؟ وليتي كيف تولي و هو ضربك شنو معندناش قيمه
عبد المولي : نوال سكري خلاص رجعت لحوشها
فادية : اعطيني بوي
عبد المولي : ها يابنتي انتي كيف تمشي ف تلكسي
فادية : والله يابوي استحشت ولدي شن بنزير
عبد المولي : مهم وصلتي بالسلامه !
فادية : ايه يابوي سامحني
عبد المولي : يسامحك ربي يابنتي غير مفروض قلتي قبل رهو رفعنالك وتوا بالسلامه
و سكر
فادية : ياربي سعدني 😭💔💔
—————————
#بعد اسبوع الامور زي ماهييا و نصيب طول الفتره اهيا تحاول انها ترجع علاقه ايمن و صابرين غريب ؟ صح هي تبي تفرقهم بس ترد فيهم من اجل اختها ايمن مستغرب طول الوقت طالع كل ميروح تجبدله الموضوع يكسر الدنيا و يطلع و معاش حت قعمزو و هدرزو زي قبل ايمن حسها تغيييرت
نصيب : ياايمن مقتلك شيء اني
ايمن : مش ملاحظه كل منقعمز ونتي جابده موضوع صابرين انتي شن علاقتك
نصيب : ياايمن اني مقصدي شيء بس حرام
ايمن : خلاص اني نعاقب فيها و اموري معاش نبيها انتي خيرك معششه ف موضوع ؟
نصيب : ايمن ياحبيبي والله خاطري بس ترجع اني بس اهلي فقدتهم و منبيش حتي نت تتعارك معها مهما كان مرتك حتي هي ارجوك رجعها لو عندك ذره حب ليا
ايمن مسك ايديها : اني نحبك و نحب كل شيء فيك بس لو رجعتها حت ع خاطرك مش رح يكون تمام اني معاش عندي اي دره محبه بيني وبينها
نصيب : قتلك ع خاطري
ايمن يعيط : خيرك انتي تعششي ولو شاده عليك شيء
نصيب : شن تقول انت ؟
ايمن : امالا شني معمري سمعت! بضره تبي ترد ضرتها لراجلها فهميني حت الحمار يفهمها كيف تبي ترديها ؟
نصيب بدت تبكي
قعمز جنبها ايمن
ايمن : خيرك ياعمري عليش توا البكي شنو صار
نصيب : اني منتحملش العياط اني مقتلك شيء قتلك ردها و خلاص ايمن انت مكش عارف مقدار الالم يلي داخلي اهلي معاش يكلمو فيا و كل معاش حسبني و مقعدلي حد غيرك انت 💔 ونت معندك حد اني منبيش نشيل العشره يلي بينكم نعرف متبيهاش بس حني البنات مش كيفكم نقصوا علاقه و خلاص حت لو زواج حني وقت نتزوجو يلي تروح مطلقه لحوش ماليها تبدا وسمه عار علي مجتمع ! هو صح عادي بس مجتمعنا هيكي
ايمن سكر عيونه و وخدي نفسس : عندك الحق ممكن اني مفكرتش ف الشيء يلي بنسببلها فيه نصيب شوفيلي
شافت ليه نصيب و مسحلها دموعها و ابتسم
ايمن : نوعدك اني رح نرجعها و رح نجيب الشيخ اليوم قبل غدوه
نصيب ** حسيت بصدمه كبيره غريب صح ؟ ني نقاتل باش نرد صابرين ع خاطر اختي وبس بس حسيت بالم ف قلبي لانه بيرد صابرين ع دمته حسيته رح تاخده مني ايمن يلي يعامل فيا بكل محبه وقت يعرف شنو نفكر شن رح يصير 💔؟!**
نصيب : تمام صحييت 💔
ايمن حضنها و مش فاهم غير حالها تبدل للاسوء
—————————
رجعت صابرين و صار صدمه كبيره عند نصيب و ايمن انها تتعامل معاهم كان شيء لم يحدث تدلل ف ايمن و طيبه معاه نفس الوقت طيبه مع نصيب نصيب فاهمه انها تدير هيكي و داسه شيء بس العجيبه انها تعامل فيها بمحبه كبيره هلبا
نصيب : شن قصتك انتي
صابرين : ندير ف الغدي خيرك 😂
نصيب : يابنتي انتي من جيتي و نتي تتصرفي كان شيء لم يحدث ؟!
صابرين : ممكن اني تغييرت !
نصيب : شني تغيرتي وعليش
صابرين : اني حبيت الشيء يلي درتيه ع خاطري و ني قررت نبدا من جديد و حتي اختك عتقتها ف حالها
نصيب : بالله علييك ؟! تبيني نصدقكك
صابرين : الايام تتبثلك حسن نيتي !🔥
—————————
نوال : شني ياعبد المولي خيرك داهش
عبد المولي : نحس ف روحي تعبان مش عارف عليش
نوال : سلامتك من تعب توا ننده ع سراج يجيك يرفعكك
عبد المولي : لالا ني كويس
نوال : لا ياعبد المولي ف صحتك مش ساكته ضروري تمشي تعاين
عبد المولي باس راسها : باهي ياغاليه خلاص كلمي سراج
ابتسمت ليه نوال و مشت تنده ع سراج
——————
رفعوهم سراج و خشت نوال معه يديرو ف فحوصاتت و سراج مقعمز ف السياره لويته يلقي بنت تجري و تسبب يشبحح و نزل
سراج : خيرك شن فييي
البنت : هل النادل هذا خنب شنطتييي واك شن بنديرر فيها فلوسي و جوازي و كل شيء
سراج مشيي يجري وراه و لقاها طاحيه جابها وجي
البنت : حي لقيتها صحيتتت
سراج : لقيتها طايحه الولد خش ف بالو من عياطك و جريك وراه
البنت : يتساهل انشاء الله يموت
سراج : 😂
البنت : كلب اهوا
سراج : ترا شوفي كله فسطها
البنت : ايه ايه صحيت بارك الله فيك
سراج حك ع شعره : فيك بارك الله مدرنا شيء
البنت : حي خلي نخشش لاميي تستنا فيا !وشكرا مره ثانيه ابتسم ليها سراج بس خشت طحت جوازها
سراج : يابنت جوازك !
بس هييي مشتت قري الاسمم
سراج : فاتن عبد الله يتبع الحلقة 13 اضغط هنا