رواية نصيب ليبيا الحلقة السادسة للكاتبة بنت الزاوية
رواية نصيب الحلقة السادسة 6
نصيب : انت راجل صابرييين 😟
ايمن : انت اخت مرت نادرر
نصيب : كيف صار هيكييي
ايمن : والله مكنت نعرف
نصيب جففت يديها و جت بتطلع تعفلقت
ايمن : بالله علييك اوقفي يانصيب
نصيب : شن تبي اني اصلا كنت نبي نقولك ني مش رح نوافق ره
ايمن : اسمعيني مهما كانت ظروف تقرابنا راني حبيتك ياينت الناس
نصيب انصدمتت
ايمن : ايه والله زي منقولك نتمني يصير بينا نصيب يانصيب و صدقيني يلي تبيه تلقيه و مستحيل نقصر عليك شيء
نصيب : شن تقول انت راك راجل صابرين
ايمن : ايه عارف بس نحن مش علي وافاق
نصيب سكتت
ايمن حت ورقه فيها رقمه
ايمن : هذا رقمي لو غيرتي رايك صدقيني انيي رح نكون اكثر من سعييد
و طلععع
نصيب كملت مسح الطواسي و ساكته تفكر و مصدومه ف نفس الوقتتت
روحوا من اللمة و نصيب واخدتها افكارها
و ولكن مصمممة تقول لا
وصلت لدار بدلتت و جاها اتصال من سراج ترددت و بعدين ردت
سراج : ايوه
نصيب : اهلين سراج
سراج : خيرك مترديش من بكري
نصيب : والله كنت عند اختي مك عارف يازعيم
سراج : مهما كان مفروض تكلميني
نصيب : سراج مك عارف اني اهلي ميعرف حد الا فادية تبيني ننفضح ولا شنو
سراج : انتي هذا شن هامك تنفضحي وبس مش هامك اني او اتصالاتي ليك او حبي ليك
نصيب : سراج اني فاهمتك بس انت مش فاهم الايام هذي الاوضاع متوتره و عندي شويه مشاكل
سراج : اسمعيني جاي اني خلاص تعبت من لقطه المشاكل و توتر متاعك
نصيب : شن تقصصصد انت
سراج : يلي نقصده ان ربي يسمعنا كل الخير علي بعض !
و سكر
نصيب : شنو درت انييي 😭💔💔
——————
صباح اليوم يلي بعده
نادر : نوضي يافادية نوضي
فادية : نعمم يانادرر
نادر : ولدك يعيط من بكري رقديه الزخ مقدرتش نرقد
فادية : باهي هاني نايضه
ناضت فادية مع وجععها و مشت لولدها ف الدار الثانية قعدت ترضع فيه باش رقد بعدين من تعبها رقدت تحت السرير متاعه
خشت سالمة مع الساعة ١١:-
سالمة : استغفر الله ياربي حتي نوم الناص مترقدش فيه نوضييي يابنت
فادية فتحت عيونها : نعم ياعمتي
سالمة : نوضي كان بتديري الفطور راجلك قريب ينوض
فادية : ياعمتي تعبانه خليني نرقد
سالمة : شنو انديره اني امالا
فادية : قصدي اوني صابرين ياعمتي
سالمة : اشبحح هي بنتي اني الضيفه بتنوض تدير الفطور هييي
فادية : ياعمتي اني الكنة و هي مولاه الحوش علاش متدراشييي
نادر ناض و شافته سالمة و بدت تحط ف القوم علي القوم
سالمة : قسم بالله متتحشمييي تطلبي مني اني عجوز ندير الفطور ولا بنتي المريضة
نادر : صباح الخير يام خيركم علي الصبح
سالمة : شوف مرتك خلت فيه صبح اني عجوز اخر الوقت تأمر فيا ندير اني الفطور
نادر : شنو هذا الكلام يافادية
فادية : وحق ربي مقصدي هيكي يانادر
نادر : امالا شنوو نوضي فزييي ديري الفطور
فادية : يانادر اني كيف جايبه وو...
نادر : نوضييييي
و ناضت
فادية دارت الفطور و نزلت صابرين تتمختر و فطرت معاهم
نادر : شنو وخيتي مزال متبيش تروحي
صابرين : شنو مقعمزه علي قلبك اني ف حوش بوي
نادر : مقصدي شيء لكن المرآءه مليها الا حوش راجلها
صابرين : اني قلت ميجيش يستسمح مني مش حنروح
نادر : يابنتي فاتو ستة شهور و نتي ف قوله هالكلام الراجل روهو مشديته من ودنه
صابرين : خوي لو سمحت هذي حياتي
نادر : غير بعدين متندميش
و ناض
نادر : متبي شيء يام
سالمة : منبي شيء انيييي ياولدي مربوحه انشاء الله
و طلعع
ناض ولد فادية و مشتله ترقد فيه
سالمة : البنت هيا اني خلاص معاش طايقتها
صابرين : اني بروحي ياامي خاطري نكسر رقبتها
مع الليل فادية قعدت تسكت فيييي ولدها اتصلت بامها
فادية : ياامي مريض مباش يسكت بكل
نوال : خلي يجيك بوك مع سراج
فادية : لا ياامي نخاف من نادر يعيط عليا وهو ميردش و الولد تقليي فيه الحرارة
نوال : يابنتي خلاص اني كلمت بوك و جايك ف رطريق
فادية : ياامي قتلك اني منقدرش نادر قالي متركبي مع حد
نوال : يابنتي وكان يصير ليه شيء الطفل بين يديك وتي روحك علي وصول هما
فادية : اوف تمام ياامي
و سكرت و بدت تلبس ف عبايتها
صابرين : صار بتمشي من غير علم نادر 😈🔥
——————
طلعت فادية و جاها بوها و سراج و رفعوها للعيادة بعديين عينت ولدها ضربولها ايبر و عطوها شروبو حراره و وصفه ادويه ثانيه فاتت خدتهم و والولد حرارته نزلت شويه
عبد المولي : هي خشي يابنتي
فادية : صحيت يابوي سامحني سراج تعبتك معاي
سراج : ولو ف حسبه وخيتي انتي انشاء الله لابأس عليك
فادية : لا يوريك باس هي بالسلامة سلم علي امي و نصيب
عبد المولي : يوصل
و نزلت فادية اول مخشت الحوش تشوف ف ولدها و تغطي فيه
نادر فكهه منها و عطاه لامه
فادية : نادرر انت جيت
نادر : ياحقيرة جيت اييه باش نشوفك طالعه من غير علمييي
فادية : نادر علاش تسب تصلت بيك ميه مره و نت متردش الولد يقلي بالحراره كان
شدها من شعرها و سالمه تشوف و صابرين متشمته
فادية : ايييي شنو درت انييي
نادر : كيف تركبي مع راجل غريب يامسخه
فادية : معايا بوييي شنو فيها حول عليا ياعمتي كلميه فهميه قدامك قتلك بوي معاي
سالمة : اني مدخليش فيكم بنمشي نحط حفيدي ف غرفته
فادية : بعد يدك يانادر حرام عليك اييي
ضربها كففف
ناضت تبكي و شافت لصابرين يلي تضحك
فادية : انتي عليش تضحكي شنو يضحك فيك اصلا كله منك اكيده قلبتيه شنو قلتيله حسبي الله فيك
صابرين : تتحسب فيا يانادر خيرها شنو درتلها اني
نادر : تتحسبي ف اختي ياحقيره ياكلبه و تطولي ف لسانك حسابك معاي
و شدها دخلها لدار مرجها مرجج لين دهش 💔😟
—————
اليوم يلي بعده
نصيب تتصل بسراج طول هاليومين و ميردش خلاص فقدت الامل و كانت رح تقول لايمن انها متبيش تتزوج حست روحها لو وافقت رح تغلط مش رح يكون قرار صح
طق الباب و نوال فتحتت لقت فادية قدام الباب و حضنت امها و تبكي كانت مضروبه ضرب مبرح اكثر من المره الاولي و ولدها فكيناه منها
نوال : فادية خيرك يابنتي شنو صار
فادية : ياممم نادرر ضربني طريحهه يامم
وفكك مني ولدييي
نوال :حييي عليه كسر يديه انشاء الله علاش يابنتي شنو صار
فادية : يام اخته يام اخته ابصر شنو قتلهه
نزلت نصيب تشوف لفادية و مستغربه
فادية : يما امه خدت مني ولدي و ضربني و اخته تضحك عليا يما مدرت شيء ياحليلي ولديي
نصيب : حييي علي امه معاش تبكي يافادية المسخ اهو قسم بالله لما نردهاله لما نخليها اهيا صابرين تجيك تقولك سامحيني
نوال : اسكتي يانصيب اختك مش ناقصه نوضي يابنتي توا يجيك بوك باذن الله مش رح يسكت ليييهم
نصيب : الحقيرة اهيا
نوال : ارفعييي اختكك يانصيب
رفعت نصيب اختها للغرفه و عطتها حبت مهدء و بدت تكمد ف جرحها بالثلجج
نصيب : عطييه ضربه انشاء الله
فادية : ولد يانصيب خوده مني ولديي بتاخده صابرين بتاخده
و قعدت تمتمم هيكي لين رقدت من اثر المهدء
نصيب : الحقيرة اهيا نعرف شنو ندير لما ندمكك ف حياتك ياصابرين و تشوفييي
شدت تليفونها و ناضت من جنب اختها خشت للحمام
ايمن : ايوه
نصيب : اهلين ايمن شنو الجو
ايمن : بخير من معاي
نصيب : ايمن اني نصيب
ايمن : نصيب اهلين كيف حالك
نصيب : الحمد لله ونت
ايمن : نقولوا ماشيه الامور مكسد بروحي ف الحوش
نصيب : علاش وين مرتك
ايمن : ليها سته شهور ف حوش اهلها
نصيب : اه حسبي الله فيها
ايمن : عادي تعودتت انييي بس اتفاجئت لما تصلتي بيا
نصيب : اتصلت بيك ايمن علي خاطر نبي نقولك اني موافقة نتزوجك
ايمن : تدوي بجدياتت
نصيب : ايه خلي خالك يكلم بوي و
تحددو موعد العرسس
ايمن : الله مش مصدقق اكيده رح نقوله نحبك يانصيب
نصيب سكرت عيونها و اتذكرت سراج لما يقولها فيها
نصيب : يالله امي تنادي عليا خلي نصكر و انت لو كلمتهم اعطيني خبر
ايمن يحسابها تحشمت : ايه تمام مع السلامه
نصيب : باي
و سكرت و طلعتت
لقت فادية قعده راقده غطتها و طلعت لامها ف المطبخ تدير ف الغدي
نوال : حسبي الله و نعم الوكيل حسبي الله
يارب بنيتي نواره خلها جلد بلا عضم كسر يديه هالكلب استغفر الله يارب يارب خود الحق فيه
نصيب : امين متخافيش ياامي ربك شايف و عارف و نادر و صابرين ليهم يوم و قريب
وكما تدين تدان 👌🔥
نوال : ربي يسمع منك يابنتي
يتبع .. الحلقة السابعة اضغط هنا