إعلان الهاتف

رواية نصيب البارت الخامس - بنت الزاوية

الصفحة الرئيسية

 رواية نصيب ليبيا الحلقة الخامسة للكاتبة بنت الزاوية

رواية نصيب كاملة

رواية نصيب الحلقة الخامسة 5

عبد المولي : هذي الساعة المباركة ❤️ منلقي خير منكمم 
وليد : ايه والله منلقي خير منك حتي اني بس الولد متزوج منكذبش عليك بس زواجته الاولي و عياله متجيبش و ني نبي وليدي متهني و منلقاش احسن من تربيتك 
عبد المولي : اني مندور فيه متزوج او لا اني نعرف يلي يجي منك خير و بركه 
وليد : امالا نتوكلوا علي ربي و نجوا غدوة 
عبد المولي : تفضل ف اي وقت 
**
فادية تبكي : يام هذا يلي صار يبيني نعطي ولدي تخيلي ياامي اول فرحه ليا 
نوال : تي شنو هذا شن يقولوا ليه هذا زواج الهدة و الله مدامه لوحك و مش همه حتي الطفل يلي بيجيه معاد تروحيله 
فادية : يام حتي اني معاش نبي بالنسبة ليا فديت بعد ما يبيني نعطي ولدي خلاص اني معاش عندي نيه بكل نولي ليه 
خش عبد المولي و القي تحية السلام 
نوال : و عليكم السلام 
عبد المولي : فادية بنتي انتي هني خيرك تبكي يابابا 
فادية جت حضنت بوها و نوال مسخفتها 
عبد المولي قعمز و قعمزها جنبها 
عبد المولي : خيرك يابنتي وين راجلك 
فادية : يابوي اني معاش نبيه 
عبد المولي : لااا خيرك تقولي هيك شنو صار 
فادية : يابوي اني اليوم درت تحليل و طلعت حامل و نادر يبيني نجيبه و نعطيه لصابرين 
عبد المولي : مبارك يابينتي بس ليش منو يقدر يعطي ضناه 
فادية : يابوي قتله منعطيش اول فرحتي لاختك قالي معناها متلزمنيش و لوحني 
عبد المولي : هذا الراجل مش فاهم خيره كيف يبي يرمي ضناه هيكي و يعطيه زيادة لازم نتفاهم معاه لا يمكن اني نسمحله يعاملك هيكي 
فادية : يابوي فوته متكلماش هو ميسمع ف كلام حد و معنداش كبير يتفاهم معاه 
عبد المولي : لا حول ولا قوة الا بالله ربي يهدي النفوس يابنتي هذا حوش بوك و اقعدي لامتا متبي و يبيك يجيك هو و اني مش حنكلمه لين هو يجي 
فادية : باهي يابوي يلي تشوفه اصلا منبيش نروح معاه اني 
عبد المولي : استغفر الله بس ربك يجيب الخبر الكويس و يجيب الخبر الشين نسيت حتي ليش جاي 
فادية : سامحني يابوي 
عبد المولي : علي شني يابنتي هو الغالط اخته لو مرزقهاش ربي ف اوني دار الايتام يستحقو انهم يتربو و تكسب فيهم اجر 
نوال : والله مش تبي تاخد حفيدي 
عبد المولي : شن بنقول ف ناس غدوة جاين باذن الله 
نوال : ناس منو ياعبد المولي 
عبد المولي : الحق الشيخ وليد جاي غدوة هو و ولده بيشوف ولده رؤية شرعية 
فادية : لنصيب ؟ 
عبد المولي تنهد : ايه ايه باذن الله الشيخ انسان محترم و ولد اخته اكيده نفسه 
نوال : انشاء الله علي الخير هذا الكلام الزين ياعبد المولي 
فادية : الله انشاء الله ربي يتمم عليها وخيتي و تستاهل 
نوال : ايه والله امالا مع العشيه خلي نطلعوا نبضعوا لناس 
عبد المولي : انشاء الله توا نكلم سراج يرفعكم 
نوال : انشاء الله 
———————
سالمة : شنو هديكا المدلعة وين ياولدي 
نادر : يام بعتها لحوش اماليها 
صابرين : شنو دارت ثانييي
نادر : تعاركت معاها و معاش نبيها تروح 
سالمة : افتكينا منها اعطيني ياولدي مهله توا ناخدلك يالي تريحيك 
نادر : يام معاش نبي حد اني بنركب نرتاح عندي توكه ف الليل 
سالمة : باهي ياولدي برا مربوحه نشاء الله 
ركب و سالمة تضحك ف ضحكتها الصفره و صابرين تضحك بخبث ليها 😏
——————
ايمن : سلممم يديك ياعمتي نجية 
نجيه : صحيتين ياولدي 
وليد : قتلك ياايمن غدوة باش نمشوا للناس 
ايمن : ناس منو 
وليد : مش بنخطبلك غدوة 
ميسون : تخطبلههه حييي يابوي و صابرين 
وليد : اسكتي هذي مش مرآءه لو مرآءه مش مسيبه راجلها 
نجية : صح والله 
ايمن : ايه ياخالي غدوة كان سخر الله نمشوا باذن الله 
——————
مع الساعة ٥ :- 
نصيب روحت ليها ساعتين و تكلم ف سراج 
سراج : ايه قتلك رفعت اماليك مع ١١ مش عارف خدو هلبا بضاعه و يتشاورو ف السيارة 
نصيب : اه والله مني عارفة علاش 
سراج : ايه ايه 
————
جي من غدويته و نوال توتي كان يوم جمعة و الجماعة علي وصول و نصيب توتي حتي هي مش عارفة شنو بيصير و 
نصيب : يام متقولوش مني الناس يلي بيجو 
نوال : اه ناس يابنتي متعرفيهمش 
و توترت مبتش تقول ليها لانها رح ترفض
نصيب : فادية تعالي نبيك شوية 
فادية : مش فاضية 
نصيب : اوف من ها الناس بسس 
وصلوا الناس وتوا كل شيء و نصيب وتتت روحها و فادية حتي هي نوال فتحت الباب 
نجية : مساء الخير كيف حالكم 
نوال : اهلين زارتنا البركة تفضلوا 
خشت نجيه و معها ميسون و ميسون حست روحها شايفه الحوش الشارع قبل و الرجالا خشو للمربوعة 
نجيه : كيف حالكم و حال اخباركم 
نوال : بخير ونتي مشاء الله هذي بنتك 
نجيه : ايه بينتي ميسون هذي تقرا اولي ثانوي 
نوال : مشاء الله ربي يحفظها يارب 
نجيه : وهذي بنيتك المعنية 
نوال : لالا هذي بكرتي متزوجة قريب تسكر سنة 
نجيه : اه ربي يهنييها 
فادية : سلمك ياخالتييي 
و خشت نصيب تممتممم شادك صفره العصير 
نصيب : السلاممم عليكم 
و شافت بصدمة لميسون و ميسون تشوف ليها 
حطت الصفرة و ناضت سلمت عليها 
ميسون : نصيب انشاء الله حوشكم هذا 
نصيب : ايه حوشنا الصدفة الحلوة 
نجيه : تعرفو بعض 
جت نصيب سلمت علي نجيه و مدت العصير و قعمزت 
ميسون : ايه هذي صحبتي نصيب ياامي ديما نحكيلك عليها 
نجيه : ايه مشاء الله ربي يحفظك يابنتي و انشاء الله يكمل كل شيء علي الخير 
ابتسمت نوال و شافت نصيب لميسون و ميسون انصدمت اذكرت سبب ميجئهم و ان نصيب هي البنت يلي بتخش لايمن 
عبد المولي ينادي مشت نوال قالها ان تجيب نصيب 
نوال : نصيب تعالي بنيتي نبيك شوية 
مشت نصيب معها بابتسامة مزيفه مش فاهمه شنو فييي 
خشو للمطبخ 
نصيب : يام خيرك و نبي تفهميني عليش ميسون عندنا و شن معناها كلمة انشاء الله يكمل كل شيء علي الخير 
نوال : يابنتي اليوم جايين باش يخطبوك و مكلمين بوك من امس 
نصيب شافت بصدمة 
نصيب : يخطبنووا شن تقولييي !!
نوال : نقصيي صوتك مقدرتش نقول ليك بوك قال متقولوش لان انتي مش رح توافقي من البداية 
نصيب : اصلا مش حنوافق دايرناها من تحت لتحتت و تبيني نوافق يام كيف تدرو فيا هيكي 
نوال : يانصيب نقصي صوتك هيي وقت البسي حجابك بوك يستنا و دخلي صفره القهوة معاك 
نصيب تشوف قعده بصدمة و نوال خايفة نصيب تشوف ليها 
نصيب : قصدك درتوها هيكييي 
نوال : يابنتي افهميني رهو الولد كويس 
نصيب : اني خاشه لكن مدامها هيكي درتوها حتي اني توا نعرف شن نقول 
و لبست حجابها و رفعت صفره القهوه و طلعت 
نوال : ياحليلييي 
فردت وجهها بعدها و طلعت لناس 
طقت نصيب علي الباب متع المربوعة و خشت بعدها 
موطية راسها 
عبد المولي : خشي يابنتي 
خشت نصيب ضيفت القهوة 
عبد المولي : اني طالع خلي نخليكم بروحكم شوية 
طلع هو و وليد و خلوهمم 
نصيب مقعمزه موطية راسها 
ايمن : كيف حالك 
نصيب : الحمد لله 
ايمن : اممم اني ايمن و انتي شنو اسمك 
نصيب : اسمي نصيب 
ايمن : اني يابنت الناس جاي رهو لا نعرفك لا تعرفيني و ناوي الحلال و نبي نكون اسرة و عيلة مدرتش اول مرة بس لو وافقتي و مشت الامور بينا صدقيني كل شيء اني موافق عليه حتي بتسوقي عادي 
نصيب قامت راسها : شن تقصصد باول مره مدرتشش 
ايمن : نقصد ان انيي كنت !!.. اصبري انتي مش الفرخة متع خبزة الساعة ستة
و ضحك 
نصيب : انت نفسه البارد ولد عمة ميسون يلي توري ف عضلاتك علي صبح ربي 
ايمن : هههه شوفتي النصيب لوين جابني يانصيب 
نصيب : هذا كان صار نصيب 
ايمن : علاش تسكري فيها من الاول 
نصيب : انييي ف الحقيقة منفكرش ف الزاوج توا و لا نبي نتزوج مزلت صغيرة 
ايمن : عادي نستناك ونعطيك قداش متبي 
ايمن كان معجب بيها نوعاً ما و استطلطفها 
نصيب : اني بنقعد هلبا سنين زي هيكي 
و فتحت ايديها و خلت بينهم فراغ كبير ضحك عليها ايمن 
ايمن : باهي عادي نستناك لين يتسكرو ايديك و ناخدك 
نصيب :😒😒💔السلام عليكم هي طولت 
و طلعتتت 
ايمن مبتسم و الضحكة باينه عليه و معتقدش ف حياته انه رح يقابلها ثاني 
—————
خش عمي عبد المولي و الشيخ وليد 
وليد : شن صار ياولدي 
ايمن : مستريح ياخالي 
عبد المولي : انشاء الله يتم كل شيء بالخير امالا 
————
ميسون و نصيب مقعمزين ف تريكنه يوشوشو 
ميسون : نصيب تعرفي مفكرتش ان ايمن ولد عمتي يفكر ان يقابلك انتي و نجو لوحشكم 
نصيب : حتي اني متوقعتش بسس انتي تعرفي اني مرتبطه 
ميسون : هذا يلي كسرلي قلبي و خلاني مصدومة اول مشوفتك بس نبي نقولك حاجه ايمن ولد عمتي مش كيف اي حد 
نصيب : بس اني مستريحه مع سراج 
ميسون : والله متدري علي النصيب 
نصيب شافت ليها و سكتتت 
——————
روحوا الجماعة و عبد المولي خس الداخل و قعمز جنب بنته نصيب يلي تفرك ف يديها و تشوف للفراغ يلي قدامها 
عبد المولي : شنو يابنتي 
نصيب : شنو يابوي مدخليني علي راجل منعرفاش و لا قولتوا ليا 
عبد المولي : اولا مقلتش ليك لان عارفه حتديري لقطه تفضحيني مع الناس ثانيا بالك بتديري معاه علاقه يلي بيجيك 
نصيب : يابوي انت حطيتني ف الامر الواقع و اني منبيش هيكي منبيش نتزوج بالطريقه هذي و لهذا اني مش موافقه 
عبد المولي : كيف مش موافقه بتحشميني مع الناس 
نصيب ناضت : كيف يابوي امالا نوافق باش منحشمكش او كيف هذي حياتي 
عبد المولي : انتي تعرفي اني كل شيء مخليك زي متبي ولكن ف هذي لا الناس نعرفهم و ني منقدرش نخجلهم هيكي و نقولهم لا بعدين الراجل شن ناقصه 
نصيب : شني شن ناقصه متزوج يابوي و مخاشش لراسي تبيني نجي علي ضره 
فادية : كيف متزوج يابوي 
عبد المولي : قالك الاولي ميبيهاش واصلا ف حوش اهلها يابنتي الراجل طيب يابنتي والله ناس كويسه نشهد بالله ليش تديري هيكي 
نصيب : يابوي اني بنعيش معاه 
عبد المولي مد صبعه بتهديد : وني كلمتي وقلتها 
و طلعععع نصيب قعمزت تبكييي 
فادية : معليشي حبيبتي مرات يطلع كويس 
نصيب : منبيش يافادية انتي عارفه لو سراج عرف يديرلي العار 
فادية : حتي سراج لو يبيك رهو تقدم ليك 
نصيب : اني مواقفتهه منبيش نتزوج توا قلته 
نوال : يابنتي اني مش عارفه لو انتي تبي حد او لا ولكن البنت يخطبوها ميه و تبات عند واحد مرات كويس يابنتي و نتي ورايك 
و ناضت للمطبخ 
ناضت نصيب خشت لدارها و تلود ف هديكا الدار 
ايمن يسوق بيهم ف السيارة 
ميسون : ايمن شوفت كيف جاك النصيب ف صحبتي 
وليد : هذي صحبتك 
ميسون : ايه يابوي 
نجية : البنية والله عينك متتواطا منها 
وليد : ربي يكتب يلي فيه الخير 
طبطب علي ايمن 
—————
#تسريع_الأحداث 
بعد ستة شهور 
نصيب الفترة هذي كلها كملت السمسيتر الاول و معطتش الموضوع اهمية و ايمن حاول انه يكلمها اكثر من مره حصل رقمها من ميسون بس مقدرش تحشممم شن بتقول عليه مثلا اممم فادية يلي حامل و الدكتوره بدت تديرلها ف تخطيط الحمل و نادر مش مدورها بكل لكن كان الندم باين عليه و صابرين مرجعتش لحوشها بس تاكل ف روحها شن يخلي ايمن هيكي متغير عليها 
فادية كانت بتقيم الكوب متع الشاهيي : اهههه يااممم 
نوال جت تجري : خيرك يابنتييي شنو فييي 
فادية : يام وجعع من طبييعي شورني بنجيبب
نوال : ياعبد المولي ياعبد المولي زود
جي عبد المولي و جنبه نصيب 
عبد المولي قام بنته و نوال لبست عبايتها رفعت عبايه لفادية و نصيب مشت حتي هي 
وصلوا للمستشفيييي و خشت للعمليات طول 
وصصصل نادر لان عبد المولي كلمه ف الطريق 
نادر : عمي عبد المولي شنو صار جابت ؟
عبد المولي بدون ميشوف ليه : لا ياولدي قعده ف العمليات 
نصيب : انت شن جاي تدير هني 
عبد المولي : اسكتييي بو العيل هذا 
نصيب : بوها يلي سته شهور مقامش سماعة حتي علييي خاطر باش يسأل علي حاله 
نادر : انتم تعرفو علاش متصلتش فادية بنتك ياعمي 
عيد المولي مد يده بمعني اسكت ساد الصمت لفتره و طلعت الدكتورة 
عبد المولي : يابنتي شنو صار 
الدكتورة : الحمد لله نجحت العملية و المولود بخيير 
نادر : بنت ولا ولد 
الدكتورة : ولد مشاء الله كامل مكمل 
فرحح نادر و نصيب فنصت فيه 
نصيب : مش هامهه حتي شن صحتها 😒
نوال : و بنتي كيف حالها و نقدور نشوفها
الدكتورة : الحمد لله بخير ايه تقدورو 
خشو كلهممم اما نادر مشي مع الممرضه باش يشوف ولده قبل 🤷🏻‍♀️🔥
عبد المولي : الحمد لله علي سلامتك يابنتي 
فادية : الله يسلمك يابوي 
نوال : خوفتينا عليك 
نصيب : شنو تحسي ياوخيتي 
فادية : كويسة نصوبة وين ولدي 
خش نادر و جايب ولده ف حضنه وراه الممرضه جايبة سرير الحضانة 
خدته منه فادية و بدت تشم فيه و تشكر ف ربييي عليييه 
نادر : ياعمي عادي نكلم فادية كلمتين بروحنا 
عبد المولي شاف لنصيب طلعت تشبح لنادر قريب تاكله 
نادر : فادية اني اسف 
فادية تمسح علي راس ولدها : متأخر ياخوي اسفك ره 
نادر : سامحيني يافادية بالله عليك اني معرفتش قيمه ضناي الا لما شوفته توا سامحيني 
فادية : اني مسامحتك بس يانادر صعب نزجعو 
نادر : اني مستعد ندير اي شيء باش تولي بالله عليك متحرمنيش من ولدي يافادية 
فادية شافت ليه و كلام نادر يبان انه نادم بالفعل 
و قعدت ثلاثة ايام ف المستشفي و طلعت طول لحوشها هيي طبعاً استقبال سالمة ليها كان يدره الكبد و صابرين قامت خشمها و حتي الولد مشبحته و حبست روحها ف دارها اما سالمة مقدرتش حفيدها شدته و لعبت معه شوية 
طبعاً دارت لمة بسيطة فادية عزمت الجيران و الناس يلي يعرفوهممم 
نصيب كانت تسلم علي الناس و تمد ف العصير و الحلويات و تبتسم ابتسامتها الصفره المزيفة تدور بعيونها علي صابرين بلكشي تنصب معاها عركه باهيه 😏🔥
الحاجة فاطمة : هذي بنتك يانوال 
نوال : ايه الصغيره 
الحاجه فاطمة : مشاء الله مشاء الله مخطوبه يابنتي انتي 
نصيب : ايه ايه مخطوبببه 
نوال شافت ليها 
نوال : عطيين فيها كلمة بس مصارش شيء قاعد 
الحاجه فاطمه : خسارة والله 
نصيب ضحكت و ناضت قامت الطواسي من الناس و خشت تغسل فيييهم 
نصيب : ووك مبردهمم ناسهمم زي واجهمم واككك مخيبه الحوش حتي الشيشمه باش تغسل تدرهلك كبدك 
ايمن : نبي متعييش من الكلام و الشتم طول الوقت 
نصيب : انت شن تدير هنايا 
ايمن : انتي شن تديري هني هذا حوش نسيبي 
نصيب : وهذا حوش اختي 
و سكتوا الزوز شافو لبعضضض 
نصيب : انتتت راجل صابرييين 😟
ايمن : انتييي اخت مرت نادر 
يتبع الحلقة السادسة اضغط هنا
google-playkhamsatmostaqltradent