رواية نصيب ليبيا الحلقة الثالثة للكاتبة بنت الزاوية
رواية نصيب الحلقة الثالثة 3
صابرين : احترم نفسسك كان انتي معندكش امالي هذا باش متحسسش
ايمن تعففلك و وجعععته هلبا وهو يتيم
قرب منها و ضربها كففف
صابرين : ياحيوان تكييف تمد يدك عليا
ايمن : تعزري فيا لاني يتييم تي والله مك قاعدتلي ف حوش
صابرين : 😭
لوح عليها عبايتها و طلعت ركبت معه و لوحها ف حوش اماليييها
* عبرج البنوووت**
طققق الباب جت فادية تفتح
فادية : صابرين
صابرين : حولي من قدامي يااامي 😭
جت سالمة تجرييي
سالمة : خيرك يابنتي حي عليا علاش تبكي
صابرين : ايمن ياامي لوحنيي قالي معاش تقعديلي ف الحوش
سالمة : علاش يابنتي شنو درتي كيف يرميك
صابرين : ناديلي نادر ياانادر تعالي ياوخيي
جي نادر طبعاً كان يغير بيمشي لتوكته في الخدمه
نادر : شن فييي خيرك صابرين
صابرين : ايمن الكلب حدفني قتله نبي حوش اماليا قالي اول امس عندهم و لما اصريتتت ضربني ياخوي ضربني بروحي لمن بنششككي ياخوي قريب قتلنييي
نادر : ضرربك ضربككك الكلببب !!
فادية : بس وجههك ميبانش مضروب انتي
سالمة : ياوقحهه تكذبي ف بنتي بري اصلا ليش تسمعي ف خصوصياتنا اطلعي من وسط الحوش
بكت فادية و مشت لدارها 💔💔
——————
نادر : تييي لما نربيه كيف يمد عليك
و طلع من الحوش و صابرين قربت تحتضن ف امها و طبعاً مع دموع تماسيح 😆
—————
نصيب : قسم بالله زي مقتلك تعبت لأختي
هلبا كان انيي بس
ميسون : باهي يانصيب هدي روحك هذا نصيبها ياحبيبتي الله غالب
نصيب : تشن هذا تقعد معاه طول العمر
ميسون : شن بتديري هييي
نصيب : الله غالب و خلاص لكن مفروض متسكتش فادية
ميسون : ياودي كان عليك انتي تربيهم
و حطت يديها علي كثفها و جاها اتصال
ميسون : اني جاني ولد عمتي شن رأيك تروحي معاي
نصيب : لا بوي ميبيش
ميسون : غير كلمييه هي نوصلك علي طريقي
نصيب : باهييي توا نكلم امي
اتصلت بامها طبعاً وافقت لان متبيش تروح بروحها
ميسون : خلاص قتلك باهي تعالي هيي
ميسون ركبت من القدام و نصيب من الخلف
ميسون : روحتت معاي صحبتي ياايمن
ايمن : تمام سكري الباب كويس
و سكرت و انطلقوا طول الطريق و ايمن وجهه ف الطريق ام نصيب نوعيتها هدرزة متسكتشش بس من لما ركبت ساكته و كل متتكلم معاها ميسون ترد بكلمة بس
ميسون : ايمن وخيي شن صار ف مرتك متبيش ترجعها
ايمن : خلي تقعد لين يطيب مافي خاطري
ميسون : عارفه ياوخيي انها حرفه بس مش باهي من امس مش ف الحوش
و شبح ليها شبحححة
ايمن : فوتيه الموضوع !!
وصلوا قدام حوش نصيب
نصيب : هييي سلام سامحوني تعبتككم
ميسون : عادي حبيبتي سلمي علي العيله
نصيب : يوصل
و نزلتتتت و ايمن كيف حرك سيارته
نصيب : استننيييب استنييي
و بدت تجري وراه 😂
ف الشارععع قدام الناس
كيف بيطلع من الشارع شافها ايمن ابتسم علي جنب
ايمن : خيرها صحبتك هذي تجري ورانا
ميسون : حي خيرها مش عارفه
وصلت فيهم نصيب
نصيب داهشه : سسامحونيي كححكححح تليفوني قعد التيييي 😂
فتحت الباب و خداته و طلعت مشت تجري ثاني
ميسون : غبية البنت اهيا
ايمن طلع بالسيارة ويضحك
ميسون : باهيي يلي شوفنا ضحكتك
ايمن شاف ليها و رجع وضعية البرود
————————
نصيب خاشت داهشه للحوش و رمت شنطتها طول
نوال : شن يابنتي خيرك خاشه تتنفسي بسرعة
نصيب : يام شيء قتلهم حطوني ف راس الشارع و وصلت نجري درت رياضه 😂
نوال : ربي يهدييك بري بدلي و تعالي تغذي
نصيب : معنديش نية 😂
نوال : ديما ونتي معندكش نية
و ركبت للدار
نصيب اتكت علي السرير
نصيب : اه ياربي تعبانة من الجرية اهيا باهي يلي مشافنيش سراج كان هذا رهو قتلني
نصيب : بس خيره ولد عمتها هيكي يبان كانها بارد نوعاً ما مهمم شن دخلي فيه اني
——————
وصل ايمن و ميسون و نزلو من السيارة قدام حوش خاله لقيي نادر قدام الباب
ايمن : تشنو اتدير هنايا انت 😒
نادر هجمم عليه طول و شدله سوريته
نادر : كيف تمد يدك علي اختي بالطريقه هذيي كيف تضربها
ايمن ابتسم ببرود و يشوف ليه و مرة ثانية كذبت عليهم و قالت ضربها
ميسون : مضربهاش اختك تكذب ايمن ميأذيش نملة بيضرب اختك !؟
ايمن : ميسون خشي الداخل
خافت ميسون و خششت
نادر : بتفهمني ان اختي مضربتهاش اههه ردي عليييا
ايمن : اختك ممامديتش عليها يدي ضربتها كف بس
نادر : ومن يسمحلك تضربها كف
ايمن : اول شيء هذا مرتي ثانياً انت سامع نص القصة برا قولها عليش مد عليك يده و ضربك كفف
نادر : شن تقصصد هي غلطت فيك
ايمن : اختك ربييها يانادر مش كان اني ايتيم يعني نبدا تعزيرة ليها ليل و نهار اتذكر الشرع محللي اربعه و نقدر ناخد معندها من وين بتشدني
نادر قعدد ساكتت و ايمن خش و رد الباب وراه
—————
عبد المولي : ياللله هيي بنوض نأذن العصر اني وين بنتك
نوال : راقدة من بكرييي
عبد المولي : نوضيها ياسرها هي اني ماشي
نوال : ف حفظ الله
و طلع عبد المولي
————
سالمة : شن تقول ياولدي لا يمكن انها تقوله الكلام هذا يكذب عليك
نادر : الراجل قالي بنبره تهديد انه يقدر ياخد عليها ياوخيتي عيب كلامك ليه
صابرين : انت توا معاي ولا معاها
نادر : اني مش مع حد بس يااختي انتي يلي غلطتييي
صابرين : 😭
سالمة : تيي والله كيف تصدق كلامه بنتي لا يمكن تغلط هيكي
نادر : ياامي بدل لا تعقلها واقفه علي الغلط معها
سالمة : لاني ام هذي بنتي يمشي الكلب عطينه نوراه الحوش يضربها المتخلف
فادية طالعه و جابـــت الغديي لنادر
نادر : قعمزي كوليي
فادية : معنديش نية صحتين
و مشت للدار
نادر : خيييرها هذي ياامي
سالمة : تتدللععع
نادر قعد يأكل و مش معدل و لا عارف هي خيرها
—————
ايمن : خلاص ميسون ياسر كلامك ف الموضوع هذا
ميسون : اني كنت ساخفه عليها بس بعد ماتبعتلك خوها يمرعشك و نت مكش داير شيء هذي وحده لفعيي
ايمن : تشنو يمرعشني اهيا تحسابني عايل !
ميسون طارت ليها و طلعت من وسط الحوش لعند غرفتها
وليد *خال ايمن* : ياولدي شني مصارش شيء
ايمن : لا ياخالي مشيت و عالجنا اكثر من مرة الدكاترة نفس الشيء
وليد : باهي ياولدي بتقعد من غير ضراري*صغار*
ايمن : يا عمي هذا يلي ربي كتبه
وليد : ياولدي مش تقعمز تحت الميزاب متع الميه و تقول الحال حال الله
ايمن ساكت معرفش شن يرد
وليد : ياولدي تزوج ياولدي الشرع محللك و جيب صغار متقعدش هيكي
يتبع ❤️.. الحلقة الرابعة اضغط هنا