رواية نصيب وهي رواية ليبيا بقلم الكاتبة بنت الزاوية ونشاركم جميع فصول الرواية عبر مدونة كلام كتب
رواية نصيب الحلقة الأولى
اني اسمي نصيب يلي صار معاي كله نصيب مكنتش نفكر لو مره بيكون ربي كاتب نصيبي بالطريقه هذي او كنت نفكر اني ناخد بالطريقة هذي ممكن يلي درته كان شيء نفتخر بييه و مرات لا بس يلي نعرفه اني ف يوم من الايام اني واجهه حقيقه اني ارتكببت خطأ بس كنت بنت كويسة ❤️
تبدا حكايتنا ف حوش ف ارجاء المدينة يعيش فيه ف الجيهه عمي عبد المولي يلي معروف بمكانته بين الناس شيخ جامع كبير راجل حافظ كتاب الله و ماشي علي حاله ف الجيهه و الكل يستشير فيه ف الصغيره و الكبيرة كان انسان طيب ينصحح من الجامع للحوش ومن الحوش لجامع
طبعاً عمي عبد المولي لما تزوج نوال مرته كان زواج تقليدي و بسيط جداً حيث كان يوم واحد بس و عاشت معه نوال كانت من اطيب الناس يلي عاشرها صانت رجلها و كلمه العيبه ميسمعيها منها عمي عبد المولي رزقه ربي ببنية المره الاولي سماها علي المرحومه امه "فادية" و بعدها بثلاثه سنين رزقه ربييي ببنيه ثانيه سماتها امها "نصيب" لان متوقعتش تجيب بنت ثانيه بكل و لما حملت قالو ليها وليد بعدين طلعت بنت
قعد عمك عبد المولي يكبر فهذم البنات فرحان بيهم و ربي مرزقاش بولد بكل من غير الهزوز هذم تحمد لربي انه نعمه بالذرية الصالحه مرته عرضت عليه يتزوج بس رفض اكثر من مره يبيي عشرتها و ميبيش غيرها و ربي اعطاه احسن بنيات يلي عارف انه بيرفعوا راسه بين الناس ❤️
———————
فادية طبعاً زي مقتلكم البنت الكبيره مشت مع امها لعرس و عجبة بيها عمه ولد يدورله و حددت معاهم موعد انهم بيجوا يخطبوا
انخطبت فاديية و جوها امالي العريس و لبسها و كمل فيها ♥️💍
فادية هذكا الزين يلي جاها تشكر ف ربي و تتحمدله العريس كان اسمه نادر و كان كويس معها
جاي عرس فادية و بوها طلعها بي بثاث احسن مايكون و طالعت راضيه دمعتها علي خدها بستاحش حن بوها و عيشتها الهانيه ف حوش اماليييها
فادية وقت خشت علي الحوش الجديد نادر سكنها ف حوش امه و اخته متزوجه بس ديما عندهم كملت شهرين كويسن مع تنفر امه منها بس معدلتش و لكنن لما خشت ف الشهر الثالث فادية حملت و مكانش يعرف حد بالخبر
سالمة "ام نادر" : توا يابنت انتي علاش مكش ناشطه الايام هذممم
فاديه : ياعمتي نبي نقولك علي خبر رح يفرحك و نشاء الله يكون فال كويس لينا
سالمة : شن قاللوك حوشنا شووم و لا شنو
فاديه : لا ياعمتي مقلتش هيكي لكن اني حاسه روحي حامل
سالمة : من وين جاك هالاحساس من الهواء ياربي ؟
انصدمت فاديه معقوله حت لو كان تخمين مفروض الجده تكون سعيده لحفيدها ام
سالمة كان وجهها يبين انها متبيش لا حفيد لا تبيها هي اصلا
فاديه : ياعمتي اني قلت حاسه بس انشاء الله
سالمة : توا من ثالث شهر بتحملي و ف بدايته بنتي صابرين محملتش الا نهايه السنه و طيحت
فاديه : ياعمتي ماهو البنات مش كيف بعض ف يلي تحمل بكري و ف يلي ربي ميعطيهاش من الاول
ناضت سالمه يديها مربطات و ووجها ميتفرش
سالمة : شن قصدك ياماما شن بنتي عقيمه !👿
فادية : لا يعمتي بس اني مقصديش نقصد ان ربي يرزق الناس و توا يعطيها
سالمه شافت ولدها يخش للحوش ناضت تدير ف الدراما
سالمة : تي شنو هذا تهيني ف بنتي قدامي انتي قعدا حت محملتيش و تعايري فيها بالعقم
خش نادر مستغرب
نادر : شنو في خير اصواتكم عاليه
سالمة دارت روحها تبكي : شوفت مرتك ياولدي تعيب علي اختك انها محملتش بري انشاء الله ميثببتلك ف بطن
و ناضت مشت لدارها
نادر : شن الكلام يلي تقولي فيه هذا صح يافاديه
فاديه تبكي و ترعش مع بعضها
فاديه : لا يانادر اني قلت ربي رزاق و يرزق اختك انشاء الله شنو فيها كلمتني
نادر حط الخضره يلي ف يديه و قرب منها شد شعرها
نادر : شنو قصدك بالكلام هذا معنته صح اختي كان مرزقهاش ربيي معنته خلاص تعزريها هاك محملتيش زيها
فاديه : اييي نحي اديك قتلك امك تزيد ف الكلام والله مقلته الكلام هذا
نادر : و تكذبي ف امي ثاني تعالي نربيك تعالي
و جبدها من شعرها و دخلها لدار طاح ضرب فيها مسكينه لين شبع 💔
———————
عبد المولي كان يسلمم ف الجامع من الصلاه بعدين بدي يستغفر فجئه بعد مكمل جاب غفير الجامع تليفونه
الغفير : ياشيخ عبد المولي
عبد المولي : استغفر الله خيرك ياولدي مش نستغفر قدامك
الغفير : ياشيخ تليفونك يتصل من بكري
عبد المولي : هاته خلي نشوف و توكل ياولدي
خدي عبد المولي التليفون و مشي الغفير
عبد المولي : الو
نوال : عبد المولي امتا بتوليي
عبد المولي : خيرك يامرا اني كيف كملت صلاه العصر علاش تبيني ؟
نوال : لا شيء اتصلت والله قلبي قابضني علي فاديه بنتي
*قلب الام كيف يحس مسكينه بس اكيده مسحتش انها واكله طبخه باهييه 😂*
عبد المولي : توا متصله يامرا باش تقولي استحشتي بنتك بري زوريها اوني يرفعكم حت سراج ولد مختار
نوال : لا ميكبتها عليا ربي نخش لبنتي عروس مسكرتش سنه
عبد المولي : امالا نديها عندك و توا يالله عندي جلسه قرآن بنقري الصغار سكري هي في حفظ الله
نوال : في حفظ الله
و سكر الخط و حطه و ناض قعمز ف وسط الجامع و تلقطوا عليه الصغار بالواحد باش يجود السوره من راسه ♥️
—————
نصيب : تسمع فيا ياسراج قتلك معاش نقدر نشوفك ديما لوطا نخاف الفرخ عماد اهو يلي ف اخر الشارج يعاود لبوي
سراج : تباهي قتلك يانصيب بوي يكلم بوك و حتي نديرو خطبه مهم تبدي علي اسمي
نصيب : لا ياسراج قتلك اني صغيره قعده اولي ثانوي تبيني نكبث روحي من توا
سراج : يابنتي خطبه بس مزال الزواج نستناك لامتا متبي
نصيب : قتلك لا مش توا
خشت عليها نوال
نحت نصيب من يدها التليفون
نوال : من يلي تقولي لا لييه !
نصيب بضحكه صفره : لا يام مفيش شيظ هذي صحبتي تبينا نمشوا لكافي بعد الثانويه
نوال : كافي شني هذا
نصيب : هذا زي القهوه زي ريو ياامي فيها كريب و فيها ملك شك و فيها هلبا حاجات شكلاوته دنياالله خاطري نمشيها 🤤🔥
نوال : تقعمزي عينك كافي شني هذا فسطه التريس و مختلط مستحيل اصلا بوك مستحيل يخليك هو باهي يلي يخلي فيك تمشي للثانوي
نصيب : يام حتي اني قلت لا تسمعي فيا
نوال : اه ايه ايه باهي تعالي كان بتتغدي
نصيب : مخاطريش توا ناكل امتا نجوع
نوال : علي راحتك بنمشي نصلي العصر و راك تنسي تصلي و تاخدك الهدرزه ع تليفون
نصيب : باهي يام
و طلعت نوال و سكرت الدار وراها
ردت التليفون لودنها تسمع ف وصت سراج يضحك
نصيب : شن يضحك فيك !😒
سراج : لا شيء كملي تبي كريب و تقعمزي ف ريو و شن تاني
نصيب : ايه حلم عمري نخشله صحباتي كلهم خشوله
سراج : ايه ايه تخشي عينك نلقاك غادي نحشلك رجليك
نصيب : تي خيرك انت شن الملاقه هذي و تحشلي راجليا تحساب روحك قري فيها الفاتحه
سراج : تي غير نخطبك بس توا تشبحي شن درلك علي طوله لسانك
نصيب : امتا تخطبني قلتها بلسانك
و كملوا تليقح علي بعض 😂❤️
______________________
سراج ولد ف 23 من عمره طويل هلبا و جماله علي الابيض شعره اصفر شويه و واخد فيه النص قريب يكمل هندسة طيران
و يبي يسافر برا ❤️
——————
فاديه كانت مكسره بعد مسيبها نادر ليها فتره لا حد دخللها الميه لا حد جابلها شيء لا حد كمد الجرح يلي عليها تسمع فيهم البرا يتهزو عليها و شامتين و بس
سالمة : قسم بالله زي مقتلك ولدي كسرها تكسير
صابرين : عطيه الصحه هذا الراجل مش زي يلي عندي بالله ياامي اصلا قتلك اني محبيتهاش من خطبتها لخوي نادر
سالمة : تي اوني ياخد ثاني الشرع محلل اربعه مش حنمنعه ولدي
صابرين : ياخد ليش لا خير من فييه ام عيله عبد المولي اهما الزوز مشكله اختها الصغيره لفعييي لو ف مكان هذي راهي
مسكتتش لكن جاب ربي خديتي الكبيره
سالمة : تي هادي و متعبتني ياودي هده تهدهمم ميكلوش عيش راجل
صابرين : ايه والله
💔فاديه تسمع بكسره و مقدرتش حت تتكلم سكتت و خلاص
جي الليل و مطلعتش حتي من غرفتها و لا روح نادر
مع الساعه خمسه حاولت تتحرك بروحها و ناضت و لبست عبايتها بصعوبه و طلعت شقت الطريق بروحها الساعه خمسه لين وصلت الحوش كان مش بعيد
اول موصلت طقت الباب طبعاً عبد المولي كان فايق بيطلع زي العاده ياذن صلاه الفجر
استغرب من يطق عليه ف وقت زي هذا مرات الغفير متع الجامع
تقدم من الباب و فتحهه لقي منظر فاديه بنته وجهها دم و مزرقه كلها و تبكي
و حالتها حاله
فاديه : يابوي
عبد المولي بصدمه : فاديية !! من دار فيك هيكي يابنتي
يتبع ❤️.
رواية نصيب الحلقة الثانية 2
عبد المولي بصدمه : فاديية !! من دار فيك هيكي يابنتي
خشت طول حضنته و سكر الباب بعدها عليه يشبح ليها قلبه وجعهه بكرته يشوف فيها هيكي و كانت معزته ليها خاصه اكثر من نصيب لانها علي اسم امه
عبد المولي : يانوال تعاليييي
طلعت نوال علي اصواتهممم
نوال : شن صاير ! ياعبد المولي خيرك تعييط
شافت منظر بنتها و حطت يديها علي خدها
نوال : خيرك يابنتييي منو داير فيك هيكي ياحليليييي
عبد المولي : خيرك يامرآءه خلي البنت تتكلم
فاديه : نادر ضربني يابوي
عبد المولي : ضربببك هيكييي و علاش
نوال تندب : عطيه كسره ف يدييه هذا ضرب
عبد المولي : اسكتي يامرآءه خلينا نفهموا
فاديه : اني تعاركت مع امه اليوم و بدون منقصد قللت ادبييي عليها و سبيت بنتها
عبد المولي : ليش اتدريي هيكي يابنتي شنو سبب العركه
نوال : اكيده عجوز الحرففه اهيا درتلها العار و استفزتها
فادية : لا ياامي هي طيبه هلبا معاي اني مش عارفه شن جاني و قلت هيكي و سبيتهم
عبد المولي شد بنته و قعمزها جنبه
عبد المولي : لاه عليك توا يابنتي تديري هيكي شوفي وجهكك كيف ضربك ضرب مبرح بسبب وقاحه كلامك يابنتي اني منلومش عليك لكن حت انتي غالطه
نوال : شني ياعبد المولي بترد بنتي غالطه شوف وجهه الرجل مش مخلي عظم مش مطلعهه
عبد المولي : الراجل يكسر تكسير و الفم ساكت و بنتك تسمعييي فيها ردت الخبر علي امه
نوال : يابنتي معقوله انتي رزينه تديري هيكي اني مش مصدقه اكيده الموضوع فيها حاجه ؟ بنتي و نعرفها
عبد المولي : خلاص غدوه ندي راجلها و نفهم الموضوع لو طلعتي غالطه يابنتي لابده تتحملي نتيجه عواقبك حت ف هروبك الساعه خمسه
فاديه هزت راسها و هي تبكي
فادية : حاضر يابوي يلي تشوفه
عبد المولي ابتسم ليها بحنان رغم قلبه يلي بيتقطع علي بنته
عبد المولي : نوضي ترفعك امك دوشي و ارقدي و استريحي يابنتي
نوال : هيي تعالي يابنتي
ناضت فاديه و باست راس بوها ورمشت مع امها يلي تسب و تكفر ف سالمه ف الطريق
———————
ناضت نصيب علي السته دوشت و طلعت تغني بصوتها يلي تحبه و فجئه يجيها صوت
فاديه
فاديه : اسكتي خليني نرقد
نصيب : اسم الله تحصن بالله منو هذا
فاديه : اني ياغبييه
نصيب : فاديية حي زي صوتها شورني نتخيل
فاديه ناضت من السرير
فاديه : لا اني مش تتخيلييي
نصيب اختضنت اختها بفرححح
نصيب : الله فادييية مش مصددقه امتا جيتي
فاديه : امس ف الليل ونتي راقده
نصيب : تي بلا وهم اني رقدت الساعه ثلاثه امس
فاديه : جيت مع الخمسه نادر عنده توكه
نصيب : اه
بعدين شافت وجهها يلي كله كدمات
نصيب بصدمه : من داير فيك هيكي فاديه
فاديه : اه ننادر ضربني
نصيب : ضربك تكيف مش قلتي جابك عنده توكه
فاديه : ماهو امس اني سبيت امه و تعاركت مع صابرين
نصيب : انتي سبيتهمم لو كنت اني ف مكانك ايه بس انتي متاديش حتي ذبابه كيف بتسبيهم
فاديه : لا انفلتت مني الكلام فجئه وو قلت كل شيء جارح ليهم
نصيب ضحكت : ايه مشيها علي سوداني مش علي اني مستحيل تكوني قلتي كلمه لو صغيره اختي و نعرفك
فاديه : نصيب انت مش فهمه الموضوع
حطت نصيب ايديها علي كثاف اختها و قعمزتها
نصيب : ثانويتي الساعه تسعه بس نمشي حت العشره عادي احكيلي شنو صاير
فاديه : شنو تمشي العشره يفوت عليك
نصيب : فاديية ؟ قولي شن فييي
بلعت ريقها فاديه و بدت تحكي لنصيب كل شيء صار من الالف لحتي الياء مدست شيء مع صدمه نصيب و تلعن داخلها
فاديه : ايه و بعدها ضربني و جيت الصبح مع خمسه هربت منهم
نصيب : حي علي ام امهممم الكلاب علي بكره ابيهم صابرين النم اهيا كان نشدها حبه نطلقها ميته اه بس لو اني الكنه
فاديه بضحكه : تي خيرك هبلتي اني يلي ضربني وسمعوني الكلام مسبيتش زيك
نصيب : مك سكسوكه و هبله تي كان اني لنا نحط ف جلدها الملح من العرس ناكل عليها ف الكتكوت
فادية : شن بندير انتي تعرفني ماشيه علي حالي اول مخطبني نادر حبتيه بالرغم من انه مزرنيش الا مرتين ف حوش بوي بعد الخطوبه تعلقت بيه
نصيب : ولد الكلب اهو حسابه عندي تشن يحساب روحه
فاديه : لا ياوخيتي متكلميشي بكل
نصيب : شن يحسابنا بنسكتوله هالتافهه هذا والله ماهو راجل
فاديه : الله غالب هذا نصيبي من عند ربي و راضيه بيه انت وقت ربي يكتبلك نصيب و يجيك ف ظروف مش كويسه او عافن معندك شن بتديري بتطلقي مثلا
نصيب : تي خلي بوي يربيه انشاء الله ملقيتش لبوي ؟
فاديه : لالا مستحيل منبيشي ياخد فكره غلط عليه
نصيب : ياروح امك هو يكسرك من هني ن نتي خايفه علي مشاعره من هني مزال و الودن تسمعع !
فادية : نصيب ردي بالك تجيبي سيره لامي و بوي ردي باللك روهو منبيش يصير اي عدواه بينهم بالله عليك حكيتلك لان مندسش عليك ف شيء
نصيب : طبعاً حبيبتي بالك بدسي عليا و خليها السنكوحه صابرين تي لاما نديوهالها
توا لازم نمشي باست فاديه و طلعت
——————
مع ١١ و نص :-
صابرين : يا ايمن اني منيش مروحه قتلك بنقعد اسبوع ف حوش اهليي اميي بروحها
ايمن : تشن بروحها متاعك هيا مش واخد خدي مرااءه
صابرين : ياشينك مراءه خدها قسم بالله لتوا منضتها
ايمن : شن ليك علاقه بيها الهي ف روحك و زي مقتلك مفيش بيتان ياسرك
صابرين : تي قتلك انييي ....
سكر فوججها الخطط
صابرين : اعوذ بالله منك موت ترفعك انشاء الله
سالمه : ف مني تسبي ع الصبح
صابرين : راجلي الخرا هو مباش يخليني نبات
سالمه : لا يبنتي روحي لحوشك متباتيش
صابرين : شوفي حالتك ياماما الوقحه هذي لتوا مناضتش علي شلطين اعطاهم ليها و قعده دايره روحها مضروبه
** ايه شلطيين ايه كان تجربيهم بس 👿😂**
ايمن راجل صابريين عمره 27 عام تزوج صابرين لانه عجب بشكلها نوعا ما و لكن خداها و حصل فيها ايامات حرف دايرتهم و تقعد بالاسابيع ف حوش اهلها
سالمه : والله مني عارفه كيف اني مدلعهه
خش نادر للحوش
سالمه : اهليين بوليدي زراتنا البركه
نادر : اهلا يام صابريين جتينا مرحبتين
صابرين شافت لامها و بدت عاد
صابرين : ايه ياوخي امس كلمتني امي تبكي و مرتك مطلعتش من الدار بكل حابسه روحها جيت اني نعاون فيها
نادر : علاش مطلعتش قعدت يوم كامل وتوا وينها هيييي
سالمه : اندري عليها ياولدي اكيده مبطوحه قعده تبني اني العجوز اخر الوقت نجيب السفره لعندها
*الكذب هي مدخلتلها شيء *
نادر : قصصة خلي نشوفها شن تحساب روحها
و ركب للغرفه فتحها و كان بيسبها بس تفاجيء الغرفه كانت فاضيه و مرتبه
نادر : فادييه يافاديه
طق ع الحمام مرد حد
نادر : فاديه انتي الداخل
استني شويه برضو مفيش رد فتحه و كان مفيه حد
نادر عقد حواجبه و الدم رقاله و نزل تحت
نادر بعياط : وين امها هذي ويين مشت
سالمه : شن فيي ياولدي
نادر : فاديه مهناش ف الدار
صابرين : حييي هربت 🤭
نادر : هربببت تي كيف تطلع من دون علمي و شورها ف نص الليل
سالمه : قليله التربيه هذا غير بوها شيخ
نادر : ف حوش اهلها اكيده بتحتمي ببوها لما نغبرها علي راس امها
و طلععع
سالمه : هربتت كنتي هربه ووه بيكربلي السكر
صابرين : يام شنو توتي للمشهد الجديد
سالمه : تبري العبي يابنت اني نبيه يطلع حق وشورني صدقت روحي 🤭🔥
—————
وصل نادر قدام الحوش و بدي يطق بترقبييع
نوال كانت تصلي ف صلاة الظهر و كملت صلاتها و قامت المصليية قربت من الباب
نوال : منو منو يطق
نادر يعييط : افتحيييي ام الباب ياعمتييي
نوال : لا حول ولا قوه الا بالله نادر علاش تعيطط
نادر : طلعييي مرتي نبييي مرتي
فادية تسمع ف الصوت و ترعشش نزلت لوطا
نوال : استني عندك منيش فاتحههه
ياولدييي منقدرش نفتح كلامك مع التريس و مولي الحوش تلقاه ف جامع و هنايا نساوييين بس
نادر : تييي اني لا نبي نحكي لا نبي ناخد و نعطي نبي مرتييي طلعيها
نوال : تييي شنو انت نقولك مهناك حد خلي يوليييي راجل الحوش قبلل
نادر خبط ع باببب
و بعد علييييه
نادر : هيييين توا نوريييك يافاديييه توا نوريييك انيييي
يصيييح ف الجييههه و ناس مورححه من الجامععع تشببح ليييه
نصيييب مروححه من الثانويه و تشبح نادر طالع من الكنشيلو متع البابب
نصيب : انت شنو جابك هنايا
نادر : ابعدي يافرخه غادييي ابعدي
نصيب : منيش فرخه انت الفرخ و قليل الادب مكش متربييي
نادر : اني قليل الادب بعدي ياعيله خير ميتخلط شري و شرك
نصيب حطت يديها ع خصرها و دمها فار
نصيب : انت شن تحساب روحك جاي هنايا حوش عيله و ناس محترمه و كنت تصيح عند الجييران
سراج فايت من الشارع و فتح عيونه علي نصيب
نادر : ونتي شنو دخلك جاي بناخد مرتي
نصيب : كسرها و قل مرتك ياعديم الشرف و التربيييه
جييي بيهجمم عليها نادر وقففه سراج جاه يجرييي
سراج : اييييي انت اعقققل شنو تدييير احترم نفسسك 😡
نادر : احترموا نفسكم انتم جيهه خامره
ضربه سراج بونيييه و بدو يتعاركو الجماعه تتفرج و عمك عبد المولي قالو ليه جيي يجريي
عبد الموليي : اعقل يانادر اطلققه
مختار بو سراج : ياولدي اعقل نوض من عليييه
و قعدو يحزو فيييهم
سراج فنص ف نصيب : خشيييي للحوش 😡😡
خشت نصيب تجرييي للحوش
نوال فتحت ليها و شافت العراك
نوال : حييي عليا شنو فييي
نصيب : هذا الكلب نادر تعركت معاه و قتاتل هو و سراج
نوال : حيييي سراج ولد مختار و بوك ويين
نصيب : بوييي معاهم يحزز
نوال : ونت ليش مكلمتييه يافرخه ياحليلك من بوك بتشيبيني قبل عمري
نصيب هزت راسه بمعني عادي : هو استفزنيي و ني منسكتش 🤷🏻♀️
و مشت للدار
——————
❤️"روايـــات بنت الزوايـــة" ❤️
عبد المولي بعد مفض العركه
عبد المولي : يلا كل واحد علي حوشه مهوش مسرحيه هنايا
مشوا الناس بعد محضرو العركه
عبد المولي : شنو يانادر عليش جاي هني ياولدي
نادر يمسح ف الدم علي فمه : جاي بناخد مرتييي مبوش يفتحولك
عبد المولي : تكييف ياولدي نت تعرف اني مش موجوود
سراج : يحسابها اردميسه الكلب 😡
مختار : اسكت ياولد
عبد الموليي : يكفييي ياولدي هيي تفضل خش نحلو الامور مع بعض
نادر : منبي نحل شيء ياشيخ جاي بناخد مرتي و نروح
عبد المولي : باهي تفضل متقعدش هني
مختار : ياولدي يلي بيجيي يروح بمرته باحترامه يحل الامور مش يصيح هنايا جيهه محترمه و ناس يخافو ربي معنداش هيكي
نادر : شنو اني كافر
سراج : تيي نحلف عليك متصليي بكل
نادر : تي والله لما نفضالك انت
سراج : علاش تفضالي شن رايك توا نتفاهموا
و بقربو من بعض ثاني
مختار : سراج امشيييي قدامييي عبد المولي ياسر كلام هنايا خلاص حلها ف الحوش
و مختار جبد ولده و نادر يتهدد علي سراج و سراج خاطره يضربه ثانيي
عبد المولي : هي تفضضضل
مشي معه نادر و فتح الحوش بالمفتاح
عبد المولي : فضو الطريق الراجل بيخش
خش عبد المولي مع نادر للمربوعه
عبد المولي : يامرآءه يامرآءه
جت نوال تجري لابسه سترتها
نوال : نعم
عبد المولي : نادي فاديه و ديرو قهوة
نوال : حاضر هييي
و طلعتتت ركبت نوال للغرفه
نوال : فادية نوضي بوك يبيك لوطا معه نادرر
فادية بدت تبكي و خايفه
نصيب : يام علاش تطلع العيل اهو ضربها باي وجهه يبي يقابلها
نوال : مدخلكش انتي معاش تحشري نفسك ف اشياء متخصكش
نصيب : يام شني اشياء متخصيني توا هو ضربها و كلههه ...
قاطعتها فاديه : خلاص نصيب شويه يام نلبس عبايتي و نطلع
نوال طلعت البرا
نصيب : معقوله بتشبحي وجهه الكلب هذا
فادية : شن بندير انييي تبيني نقول لا
نصيب : لو حكيتي الحقيقة رهو بوي درالك حل
فادية : علي شويه و قلتي لامي نصيب اني حذرتك منبيش نقول لحد اكيده مره و معاش تتكرر بعدين مهما صار هذا راجلي
و لووت الوشاح و طلعت
———————
طقت فادية الباب و مدخله صفرة القهوة
عبد المولي : خشي يابنتي
خشت و نادر يشبحلها بغللل من هروبها
حطت الصفره و جت بتطلع
عبد المولي : قعمزي يابنتي
قعمزت فادية و عيونها لوطا
عبد الموليي : ياولدي اهيا نزلت نبي تحكولي الموضوع زي ماهو و نبي نعرف و نفهم و ني سمعت من فاديه امس و روهو قتلها انها غلطت
نادر : ياعميي الموضوع و مفييه انها قالت كلام بدون منقوله يعني مع احترامي ليك اهانت اختي لعدم مقدرتها انها منرزقتش و هي اهيا مرزقهاش ربيي روحت و لقيت امي تبكي و بس هي كذبت امي قدامي يرضيك ياعمي هيكي
عبد المولي : لا ميرضينش ياولديي بس ياولدي حت انت غالط معقوله هيكي تضربها بنتي وقت عطيتهالك كنت نبيك تحافظ عليها معطتهالكش باش تقتلها
نادر : ياعمييي انت طلعت من حوشك توا هذي مرتي و اني المسؤول عليها و برضو ندير شن نبيي فيها
عبد المولي : تكيييف ياولدي تدير شنو تبييي روهو بنتنا عطينهالك بنت اصول معطينهالكش باش تستر عليها و لا مدايره شيء
نادر : بنت الاصول ياعمي تسب امي يرضيك يعني ؟
عبد المولي : ميرضينيش طبعاً و سبق و عاركا البنيه لكن ياولدي حت انت غالط
ميصحش هيكي تضربها
نادر : ياعمي اني وقت سمعت الكلام غلييي فشيته فيها اني راجلي عصبي و منتفاهمش
عبد المولي معاش عرف كيف معاه يجيه من هني يقلب كلامه من هنييي
عبد المولي : خلاص ياولدييي يلي صار صار توا نبيك ياولدي معاش تككرره يصير شيء اني بوها تفاهم معاي الوحها هنايا بس مدان اليدييينن بالطريقه هذي لا يمكن ياولدي "عشرهنن بالمعروف" ياولديي تسمع فيا و نشاء الله ربي يرطب القلوب بينكم و الوالده اهي تسمع فيا تستمح منها
ولا يابنتي ؟
فادية : انشاء الله يابوي
نادر : ايه ضروري تعتذر من امي كان بترجع
عبد المولي : ايه اهيا بتعتذر هي يابنتي وتي روحك باش تروحي مع راجلك
فادية : حاضر يابوي
و طلعت من الدار
نادر : هي امالا ياعمي خلي نطلع نستنها برا
عبد المولي : خيرك مش طايق روحك قعمز ياولدي الغدي علي النار
نادر : لالا مره ثانيه عندي مندير
و طلعععع
عبد المولي : ربي يهدييه و خلاص
———————
نصيب : وهه بتروحي للعار غادي قسم بالله اني من توا ساخففه عليك
نوال : اسكتي انتي ياخرابه اطلعي سلم بنتي وقت راجلك يستنا و زي مقتلك امه اخطيها حت تناشبك مشي براسك و خلاص معاش تخليها تشد عليك شيء ويلي طلبه منك حاضر ياعمتي و بس باهي سلم بنتي
فادية : انشاء الله ياامي حاضر هيي سامحوني
نوال حضنت بنتها ❤️
نوال : علي شني بنسامحوك يعلم الله حتي بوك امس مرقد يفكر فيك انتي بنتنا و حتي نبوك تروحي لانك تهميني و نبو الهني ليك
فادية : ايه عارفه ربي يخليكم ليا هاني طالعه
و طلعت فادية باست راس بوها
فادية : سامحني يابوي
عبد المولي : معذوره يابنتي هي بري راجلك يستنا
هزت راسها و طلعت ركبت معه
نادر ابتسم علي جنب و شاف ليها و طلع بالسياره و هو ساكت 🔥
———————
نصيب : يابوي سامحني لان طلعت والله هو استفزنيي هي باهي
عبد المولي : كلامه معاي اني مش انتي طالعه تندبيلي البرا معاه شن بيقولوا عليا الناس
نصيب قربت باست يد بوها و ابتسمت ليه
نصيب : سوري يابوييي معاش نكررها بس هو خرا
عبد المولي : شني سوري ؟ شني هذا
نصيب : اه يابوي هذا مصطلح انجليزي يايعني اسفه انت قتلك سامحني مبيتش تقولي سامحتك جربت سوري يلي هي اسفه بالك تصدفف
عبد المولي : 🤦🏻♂️
نصيب : هههه خيرك يابوي سامحتني ولاه
عبد المولي : ايه سامحتكك
جت نصيب باست خده و اتكتت عليه
عبد المولي : مش قتلك معاش تديرها الحركات هذي
نصيب : يابوي نحبك اني شن بندير 😂
نوال : ربي يلطف بيك يابنتي نوضي
نصيب : اسكتي ياامي
عبد المولي : خلييها و حطيلنا الغدي
نوال : حاضر هيي
و عبد المولي حط يديه يمسح علي راس بنته ❤️
حطت نوال الغدي و عبد المولي تغدي بدون ميفيق بنته لانها رقدت عليه
بعدين حركها بالشويه و ناض مشي للجامع باش يصلي و ياذن صلاه العصر
——————-
فادية باست راس سالمة
فادية : سامحيني ياعمتي غلطت حقك
سالمة مطرمه وجهها و كانها مسمعت شيء
نادر : ياامي زي مقتلك جيبتهالك تستسمح منك
و فنص ف فادية طبست باست يديها
سالمة : باهي باهي قبلت اسففك المهم تشدي لسانك المره جايه
فادية نزلت راسها
نادر : تي ايييه ياامي خلاص مستحيل تدير هيكي مره ثانيه
سالمة : ايه بري حطي الغدي ع نار اني تعبانه
فادية : حاضر ياعمتي
و مشتتت للمطبخ و تسمع فييهم
نادر : تييي قتلك ياامي اني لما نجيبها حتي بوها تعرفي تقول مضايق منها عركها عراك قدامي موقففش مع بنته بكلل
فادية تسمع و حست روحها مرخصصه نفسها
سالمة : امالا شنو شوره حتي هو طايق منها و نت ياولدي طهققه و تمشييي
نادر سكتتت و سالمة ابتسمت عارفه انها تسمع فيهم
————————
نصيب : ايييه ماهو قتلك انيي طلع ف وجهه الكلب هذا
سراج : ونتي شن دخلكك تكلميه
نصيب : تييي بلا جو ياسراج نبي ناخد حق اختي اني
سراج : لا حق شيء ناقص غير تضربيه انتي
نصيب : ياريت الزففتت
سراج : باللهييي شن ناقص مزال
——————
صابرين : توا نبي حوش اماليا اني
إيمن : تي شن عندك بتديري غادي مش اول امس مروحه منهمم
صابرين : اني منقدرش منشوفش امي كل يوم
ايمن : تشني ترضع فيك ولللتتت
صابرين : احترم نفسسك كان انتي معندكش امالي هذا باش متحسسش
يتبع.. الحلقة الثالثة اضغط هنا