رواية عشقت قوتها كاملة بقلم مريم مصطفي للقراءة والتحميل
رواية عشقت قوتها كاملة
أدهم باشا الدفعه الجديده وصلت
أدهم:طب دخلهم يامدحت مستني ايه
(أدهم الشرقاوي من أكفئ الضباط في المخابرات المصريه برتبة مقدم شاب في اواخر العشرينات طويل وملامحه هاديه وحلوه عينه رمادي وهو اسمر وشخيصته قياديه محدش يقدر يكلمه دا غير انه راجل اعمال ناجح جدا وله شركات في جميع الدول واللي يدرب عنده دا كدا عدي جامد )
مدحت:حاضر يافندم
ليخرج مدحت وينادي علي الخريجين من كلية الشرطه
ليدخل شباب كثيرون مازالو في ريعان شبابهم
أدهم:امممم انتو بقا وكاد ان يكمل كلامه حتي لفت انتباهه هذه التي تقف بينهم
أدهم:انتي مين
لتتلفت هي حولها وتقول:قصدك عليا انا
أدهم:هو فيه غيرك هنا ممكن اكلمه بصيغة المؤنث غيرك
مريم:اممممم انا مريم رفاعي ستوووووب
(مريم بنت جميله وهاديه وشخصيتها قويه جدا ودا سبب من اسباب انها تبقي ظابط واجهت كتير جدا في حياتها ودا ولد انسانه قويه مبتتهزمش بسهوله دايما الاولي في كل حاجه عمرها مبتخسر معندهاش حاجه تخاف عليها غير والدتها احوالهم الماديه كويسه جدا يعني مش محتاجه حاجه وطبعا هي جميله ويبان عليها انها بريئه)
أدهم:تشرفنا بتعملي ايه بقا هنا
مريم:يعني حضرتك داخله مكتبك مع الظباط الجداد هكون بعمل ايه اكيد يعني معاهم
أدهم:ايوا بس انتي بنت
مريم:يعني هي شغلانة الظباط للرجاله بس حرام تبقي للبنات
أدهم:مش قصدي بس دي صعبه ومحتاجه قلب ميت مش قلب امها
ليضحك جميع الموجودين بالغرفه ماعدا مريم التي احست بالاهانه من كلامه
مريم:يعني المفروض اعمل ايه دلوقتي
ليرد احد الموجودين:تروحي تقعدي جنب ماما
نظرت مريم لأدهم:ممكن ارد عليه
أدهم بخبث:اتفضلي
مريم:وانت بقا ياقلب ماما مش انت اللي ابوك شغلك بواسطته عشان محدش قبل يشغلك وانت خريج كليه خاصه صح ولا مش صح
(الواد وشه قلب الوان😂😂)
عبد الرحمن:مين قال كدا
مريم بخبث:يابني كل الناس بتقول كدا وبعدين مال وشك اتخطف كدا ايه خايفه يابيضه
ليضحك الجميع حتي أدهم
عبد الرحمن:انتي انسانه مش محترمه وانا هعلمك الأدب يابتاعه انتي ليقترب عبد الرحمن منها وكاد ان يلمس وجهها ولكن هو لايعلم ان ايامه اصبحت معدوده بعد هذا الخطأ
أدهم كاد ان يتدخل ولكن وقف عندما شاهدها وهي تلوي يديه وتمسكهم بتمكن
مريم:انت عارف لسانك الطويل كان ممكن اعديه عادي انما كله كوم ومد الإيد دا كوم تاني انت عارف الراجل اللي يمد ايده علي واحده ست ميبقاش راجل ولا عمره هيكون راجل
لتقوم بإلقائه علي الأرض بشده
مريم:كدا علي مااظن حضرتك عرفت البنات ممكن تشتغل ولا لا
أدهم:منكرش انك قويه ودي حاجه كويسه بس مش اوي
مريم:حضرتك مشوفتش عشان تحكم
أدهم:شغلانتنا بتعلمنا نقرا عين الواحد ونعرف امكانياته من اول نظرة
مريم بثقه:طيب جرب وان معجبكش قول البنات كلهم فاشلين
أدهم:عجبتني ثقتك في نفسك طيب طبعا انتو عارفين اني هختار من مابينكم اربعه طبعا انا باخد علي حسب التقديرات في الكليه بس مش المواد انا باخد علي حسب التقديرات الجسديه سواء التدريبات او العملي تمام
الجميع:تمام
أدهم:اتفضلو انتو دلوقتي وانتظرو برا عشان تعرفو انا اخترت مين
*****************************
في الخارج
مريم كانت تقف في زاويه منعزله عن الباقي وممسكه بهاتفها ليقترب احدهم منها
كريم:بصراحه قويه
مريم:نعم
كريم:بقولك انك فعلا قويه وشاطره
مريم:امممم شكرا
كريم:وانتي بقا بتروحي جيم زينا ولا مينفعش عشان انتي بنت
مريم:بص هو انا مش عايزه افتح معاك حوار بس هرد عليك اه كنت بروح في الأجازه لما بفضي
كريم:اممممم تمام
مريم:عن اذنك بقا عايزه اعمل تليفون
كريم:اتفضلي
مريم:لا انت فهمت غلط انت اللي تتفضل عشان انا اتكلم
ليشعر كريم بالإحراج:طيب عن اذنك
لتقوم مريم بإتصالها
مريم:صباح الخير ياست الكل
نجلا:صباح النور ياست البنات هاا عملتي ايه
مريم:ولا حاجه مستنيه اشوف هتدرب مع مين
نجلا:يارب تدربي مع اللي انتي عيزاه كان اسمه ايه
مريم بضحك:أدهم ياماما
نجلا:اه يارب تدرب مع ادهم ابن ام ادهم
مريم:طب بصي ياماما انا هقفل معاكي عشان هيقولو ماشي سلام
نجلا:سلام
أدهم:كريم ومصطفي ومحمد ومريم دول اللي اخترتهم تعالو ورايا علي مكتبي
لتشعر مريم بسعادة كبيرة لو كانت شيئا ماديا لوزعته علي الجميع من فرحتها
دلف الجميع الي المكتب
أدهم:طبعا انتو من أكفئ وافضل الطلاب عشان كدا انا ليا شرف تدريبكم
مصطفي:احنا اللي لينا الشرف اننا نتدرب عند حضرتك
أدهم:متقولش كدا انتو شاطرين والمخابرات تتشرف انكم تشتغلو فيها
كل هذا الحديث ومريم تشاهد بصمت
أدهم:طبعا احنا هنتدرب خمس ايام في الأسبوع ماعدا الخميس والجمعه تمام
الجميع:تمام
أدهم:تدريبنا هيبقي شامل حاجات كتير ازاي تفهم اللي قدامك وتقدر تعرف هو بيفكر ازاي وانت المفروض تعمل ايه حاجات كتير انا مش عايز اعوق عليكم ان شاء الله تيجو بكرا وهتشوفو
ليغادر الجميع وتبقت مريم
أدهم:خير ممشتيش ليه
مريم:هو انا ينفع اسأل حضرتك سؤال
أدهم:اتفضلي
مريم:اوعي تفتكرني غبيه اني مثلا مكنش فاهمه انك عصبتني وشديت معايا في الكلام عشان حد يتدخل وعارف اني هعمل كدا وانا متأكده انك عارف ان الامور هتوصل لكدا
أدهم:ليه فكرتي كدا
مريم:انا قبل ماجي هنا انا عامله دراسه عن كل الموجودين وقرأت عنك كتير وعرفت انك بتقدر المرأه جدا وعمرك مابتقلل منها عشان كدا قلت اسألك لان انا متأكده انك عملتها عمدا بس ليه
أدهم:تعرفي انتي مينفعش تدخلي حاجه غير المخابرات انا برفعلك القبعه مبدأيا كدا انا عارف انك الأولي علي دفعتك وانا سبق وقلت محدش بينول شرف تدريبي غير اللي يستحقو وانا كان لازم اتأكد من كدا بنفسي عشان كدا قلت اختبرك وان شاء الله تبقي عند حسن ظني
مريم اتبسطت من كلامه وشكره فيها:ان شاء الله عن اذن حضرتك
أدهم:اتفضلي
*************************************
مريم خرجت من عند أدهم وهي هتطير من الفرحه ازاي أدهم الشرقاوي يشكر فيها ومتتبسطش وقررت تتصل علي صاحبة عمرها
مريم:الو يامزه
مي:ايه ياقلب المزه
مريم:حلمي اتحقق ياميوشتي
استووووب
(مي صاحبة مريم الانتيم من نفس سن مريم روحهم في بعض مي جميله جدا وهاديه ورقيقه جدا عكس مريم)
مي:مبرووووك ياقلبي
مريم:الله يبارك فيكي ياحبي
مي:لازم نحتفل
مريم:أكيد هنحتفل
مي:تعالي اخرجك النهارده خروجه مفيش زيها
مريم:اشطا هروح اغير وهعدي عليكي
مي:اشطا
********************************************
في بيت مريم
مريم:ماما ياماما
نجلا:ايه يامريومتي
مريم:هاخرج انا ومي نحتفل
نجلا:ماشي ياحبيبتي بس متأخريش
مريم:ماشي هدخل اغير وهروح اعدي عليها
نجلا:ماشي انا نازله
مريم:رايحه فين
نجلا:هروح اقعد مع صاحبتي في النادي
مريم:تمام
ذهبت نجلا الي النادي ودلفت مريم الي غرفتها واخرجت من دولابها بلوزه باللون الكشمير وبنطلون باللون الاسود وربطت شعرها علي هيئة كعكه مبعثره ولم تضع اي مساحيق وخرجت لتمر علي صديقتها
***************
مريم:يازفته اخلصي واقفه في الشارع بقالي ساعه
مي:يابنتي نازله اصبري بقفل الباب
مريم:طب اخلصي
وماان انهت الجمله حتي وجدت صديقتها تقف امامها سنه عشان تنزلي
مي واحتضنتها:مبروووووك ياحبي وان شاء الله تبقي احسن ظابطه في البوليس
مريم:ثبتيني يلا بقا هتوديني فين
مي:تعالي بس واشارت الي تاكسي ليقف
************************
في بيت أدهم
أدهم:لولو يالولو
لميس:دومي حبيبي واحشني
(لميس أخت أدهم وكل حاجه ليه في حياته في كلية طب تاني سنه ليها )
أدهم:انتي اكتر
لميس:أدهم انا مخنوقه
أدهم:ياخبر ليه مين مزعلك
لميس:مفيش بس انا عايزه اخرج
أدهم:طب ماتخرجي ايه اللي مانعك
لميس:انا عايزه اخرج معاك
أدهم:بس كدا اطلعي البسي واحنا نخرج
لميس:قلبي يارب طياره
أدهم:طب يلا
*****************************
مريم:ايه دا كافيه
مي:بس مش اي كافيه مبيدخلوش غير ولاد الناس
مريم:ادخلي يامي ادخلي متوجعيش دماغي
مي:يلا
دلفت الاثنتان الي الكافيه
مي:تعالي نقعد هناك
مريم:يلا
********************
لميس:أدهم تعالي ندخل هنا
أدهم:هنا فين
لميس:في الكافيه دا
أدهم:يلا
ودلفو الي الكافيه
وقعدو علي ترابيزه قصاد مريم ومي كان وش مي في وشهم ومريم ضهرها ليهم
مريم:هقوم ادخل الحمام
مي:اجي معاكي
مريم:مي اترزعي مش هتوه
دخلت مريم الي الحمام
عند أدهم
لميس:انا رايحه التوالت وجيالك
أدهم:تمام
لميس راحت الحمام وجت وهي طالعه
شاب١:ايه المزه دي
شاب٢:يابني مزة مين دي مكنه ماتيجي
ولحسن الحظ مريم كانت ورا لميس
مريم:في حاجه ياانسه
شاب١:ايه دا مزه كمان يلا
مريم:اممم طب ابعدي انتي كدا معاكم مريم رفاعي ظابط في المخابرات
الشابين بصدمه:ايه
مريم:هو ايه اللي ايه غورو من هنا
وبالفعل ذهب الشابان
لميس:بجد انا متشكره جدا مش عارفه اقولك ايه
مريم:متقوليش حاجه دا واجبي
لميس:هو انتي بجد ظابط
مريم:اه وربنا ظابط
لميس:تشرفت بمعرفتك اسمك ايه بقي ياقمر
مريم:مريم وانتي
لميس:لميس
مريم:تشرفنا يلا بقا نطلع عشان صاحبتي مقعداها برا
لميس:يلا
خرجت مريم ولميس وقابلو أدهم
أدهم:انسه مريم
مريم:ازي حضرتك
أدهم:أنا تمام انتي ايه اللي جابك هنا
مريم:انا جايه مع صاحبتي
أدهم:طب وتعرفي لميس منين
لميس:لا هي وقصت عليه ماحدث بالتفصيل بس ياسيدي
أدهم:شكرا ياأنسه تعبناكي معانا
مريم:لا عادي ولا يهمك
لميس:مريم ممكن رقمك
مريم:اه طبعا ممكن اتفضلي ٠١١
لميس:ماشي سلام
مريم:سلام
ذهب كلا منهم الي منزله ليفكر كلا منهم في يومهم التالي الملئ بأحداث كثيرة وتوقعو معي كيف سيكون يوم مريم الأول في التدريب
اتي الصباح محملا بأحداث جديده لتشرق الشمس وتذهب بأشعاتها علي وجهها الملائكي وشعرها الذهبي لتفيق مريم من نومها وتنظر في ساعتها لتجدها الثمانية والنصف اللعنه لقد تأخرت علي التدريب لتقوم بسرعه وترتدي ملابس مكونه من بنطلون وسويت شيرت وتربط شعرها علي هيئة كعكه مبعثرة
بعد نصف ساعه وصلت مريم الي مكان التدريب لتجدهم لم يبدأو بعد لتتنفس بأريحيه
مريم:الحمد لله لسه مبدأتوش
ليأتي صوت أدهم من خلفها:لأ وحياتك بدأنا بس سعاتك اللي اتأخرتي
مريم:والله راحت عليا نومه
أدهم:نعم
مريم:بص الخلاصه انا مش من الناس اللي بتلتزم بمواعدها يعني متستناش اني اجيلك في الوقت اللي انت حددته
أدهم:ودا ليه بقا ان شاء الله
مريم:انا اتعودت علي كدا من صغري مش بعرف التزم بمواعيد
أدهم:اول واخر مرة عشان لو جيتي متأخرة تاني مش هدخلك
مريم:تمام
بدأ أدهم الكلام وتدريبهم وتعليمهم صد العدو ومريم سرحانه في اد ايه هو جنتل وأمور وليه شخصية
أدهم:يلا يامريم
مريم بتوهان:يلا ايه
أدهم:تعالي ادربك
مريم وهي تقترب بحرس لتفاجئ بلكمه في وجهها جعلت الدماء تسيل من فمها
مريم بعصبيه:ايه اللي انت عملته دا
أدهم ببرود:انتي شايفه ايه
كادت مريم ان تبكي وهذه ليست عادة فيها ولكنها حاولت التماسك لتفشل وقامت بالجري خارج الساحه بسرعه وذهبت الي الحديقه كل هذا تحت اعين اصدقائها المستغربين للوضع
لما حس بهذا الشعور احس بالذنب اتجاه مافعله بها شعورا ساما جعله يموت من تعذيب ضميره له لما فعل هذا قلبه لا يعجبه ولكن عقله يخبره بأنها يجب ان تركز فهي تكون احد اهم مراكز الأمن في الدولة وهو اراد ان يعلمها ان تنتبه جيدا فالخطأ في عملهم يوودي بحياة الكثيرين ليخرج الي الحديقه ويجدها تجلس علي العشب وتنظر الي السماء
أدهم:مريم
مريم:نعم
أدهم:انتي سيبتي التدريب ليه
مريم:حاضر داخله اهو
وكادت ان تمشي ولكنه امسكها من يدها وجذبها اليه بشدة:انا مخلصتش كلامي عشان تمشي
مريم:اديني وقفت خير
أدهم:انا ليقاطعه صوت رنين هاتفها
مريم:ممكن ارد
ادهم:اتفضلي
مريم:الو
........................:
مريم:يخربيتك واحشني وربنا انت بتيجي في الوقت الصح دايما
..........................:
مريم:مخنوقه وعايزه اتكلم معاك طبعا هستناك دا انت هتنورني وهشيلك فوق راسي المهم اني محتجاك جنبي اوي
............................:
مريم:ماشي سلام
لتغلق مريم الخط معه وتنظر الي ادهم
مريم:استاذ أدهم انا خلصت
أدهم:تمام
مريم:حضرتك كنت عايز تقول حاجه
أدهم:كنت عايز اقولك أنا اسف عشان اللي حصل بس انتي لازم تفهمي انك حاجه مهم في الدولة ومينفعش تسرحي ولو للحظه
مريم:حاضر
أدهم:طب اتفضلي ادخلي جوا
وبالفعل استجابت له مريم ودلفت الي الداخل وعادو الي التدريب مرة اخري وتعلمو الكثير من أدهم الذي علمهم فهم الذي امامهم من عينيه وفهم نوياه بالإضافه الي تدريبات بدنية وتوقع الضربة من العدو
محمد:بجد يامريم انتي فظيعه اللي يشوفك يقول عليكي بنت ملكيش في اي حاجه ولا مخابرات ولاشرطة ولا اي حاجه
مريم:عادي مش ضروري نظهر كل حاجه في حاجات بنحب نخبيها
كريم:انتي غامضه أوي
مريم:لأ خالص انا كتاب مفتوح وربنا بس مش كل اللي حواليا يقدر يشوف الكتاب
مصطفي:طب يلو نمشي عشان اتأخرنا
كريم:ماشي يلو
وذهب الثلاث شباب وظلت مريم وأدهم
أدهم:يلا يامريم مستنيه ايه
مريم وهي تمسك بالحقيبة:اهو خلاص خلصت
أدهم:طب انتي معاكي عربية
مريم:حاليا لا بس انا معايا هناك عند البيت
أدهم:اممممم طب تعالي أوصلك
مريم:لا مانا مستنية عملي الإسود
أدهم:عملك الاسود
مريم وهي بترن علي مي:استني بس
مريم:يازفته انتي فين
مي بنوم:ايه حد يرن ع الصبح كدا
مريم:الساعه واحدة الضهر ياقلب أمك
مي:طب انتي عايزه ايه
مريم:انتي عبيطة يابت احنا مش متفقين هنخرج
مي:يالهوي نسيت
مريم:نسيكي الموت ياقلب أمك اخلصي البسي هروح اغير هدومي واعدي عليكي اشطا
مي:ماشي ياختي متأخريش
مريم:شوف مين بيتكلم عن التأخير
مي:خلاص اسكتي
قفلت مريم مع مي لتفاجئ بأدهم ينظر اليها
مريم:في ايه
أدهم:مفيش يلا هوصلك
كادت مريم ان تذهب ولكن هناك سيارة مرت من جوارهم وفيها شاب ظل ينظر الي مريم فترة طويلة
مريم:رقبتك هتتلوح يابابا بص قدامك
أدهم بصلها:ضايقك
مريم:ميقدرش بس مش بحب حوار انه يبص كتير بيضايقني اوي
أدهم:امممم طب اركبي
ركبت مريم السيارة مع أدهم وأخرجت هاتفها والهاند فري
أدهم:انتي هتعملي ايه
مريم:هسمع اغاني
أدهم:طب ماتسمعيني معاكي
مريم:انت بتحب تسمع مين
أدهم:الناس بتوع زمان وأجنبي يعني عبد الحليم أم كلثوم الناس دي يعني
مريم:طب بص بلاش تسمع معايا
أدهم:ليه يعني
مريم:ذوقك غير ذوقي خالص انا بحب فيجو الدخلاوي وحسن شاكوش وطبعا حمو بيكا
أدهم:ايه دا مين دول
مريم:استني هسمعك
وشغلت اغنية انا حبيتك وجرحتيني قعدت تردد معاها انا حبيتك وجرحتيني انا صنتك لكن خونتيني انتي أكيد مش بتحبيني ليه من الأول عشمتيني انا في سنيني بيطلع عيني واجب عليكي انك تراضيني
أدهم:بس ايه الصداع دا
مريم:طب اسمعك عصام صاصا
أدهم:انا آسف وغلطان اني سألتك وطلبت منك انك تسمعيني
مريم بضحك بين غمازتها:خلاص معلش تسمع تمورة
أدهم:تمورة مين
مريم:تامر حسني قلبي
أدهم:لا شكرا مش عايز
مريم:خلاص انت حر
وبعد قليل من الوقت وصلو الي وجهتهم
مريم:تشكر ياباشا
أدهم بضحك:العفو
وما آن انهت جملتها حتي وجدت من يناديها من الخلف
:مرمريكا
التفتت مريم وصدمت لتلقي نفسها بين أحضانه لتصيح مريم:وحشتني يامالك الكلب
- تابع الرواية كااااملة جميع الفصول عبر الرابط التالي:"رواية عشقت قوتها" اضغط على اسم الرواية