إعلان الهاتف

رواية العاجز والحسناء بقلم اميرة جمال كاملة

رواية العاجز والحسناء بقلم اميرة جمال

رواية العاجز والحسناء كاملة - الحلقة الأولى

يلا اخلصى اهل جوزك مستنيينك بره هاتى هلاهيلك دى وحصلينا خرج بعدها ماستناش رد

كفايه عياط يابنتى
ابويا ليه بيعمل فيا كده ياامى
هترتاحى من هنا يا ليل
ارتاح ازاى وانا بعيده عنك اخاف يعمل فيكى حاجه
ماتقلقيش اهل جوزك دفعوا كتيير اووى وده هيسكته عنى
ابتسمت بسخرية وايه اللى يخلى ناس أكابر زى دول يبصوا لواحده زيى
انتى جميله ياليل من جوه ومن بره ياحبيبتى مش اقل من حد
اه جميله بس جنبهم شحاته واحده ابوها باعها علشان خاطر الفلوس تفتكرى هيعملوا فيا ايه
امها حضنتها وهى بتعيط صعبان عليها بنتها واللى بيحصلها
ابوها خبط الباب برجله اتخضوا الاتنين وبعدوا عن بعض واتكلم بتهكم هتفضلوا فى المناحة دى كتير ماتخلصوا
انا جايه معاك يا سيد
اخلصى
حاضر خدت شنطتها وحضنت امها وخرجت بره
انا جاهزة
تمام يلا كان صوت واحدة من الهوانم اللى جايه تاخدها
ليل ركبت معاهم العربيه هى ماتعرفش مين دول ولا مين جوزها كل اللى تعرفه ان ابوها باعها كالعاده بس بمقابل كتير رجعت براسها لورا وهى بتفتكر كام مره باعها علشان تخدم فى البيوت وياخد منها مرتبها يصرفه على الخمره اللى بيشربها كانت بتستحمل علشان خاطر امها اللى تعبت علشانها وكانت دايما تدافع عنها فاقت على صوتهم وهم بيقولوا إنهم وصلوا
نزلت من العربيه مش مصدقه المنظر اللى قدامها ده قصر ده بيتهم كله كان اصغر من اوضة الكلب اللى عند الجنينه مشت وراهم وهى مبهورة بكل حاجه شايفاها الجنينه اللى مش بتنتهى ومزينة بشكل خلاب دخلت جوه للقصر وهى مبهورة اكتر من التصاميم والجمال اللى حواليها والواضح ان كل حاجه غاليه
هى دى
اه هى ياماما
اسمك ايه ياشاطره
.........
ايه مابتسمعيش
ماخدتش بالى اسمى ليل
اممم مش بطال اسمك ولا شكلك
طبعا انتى عارفه انتى جايه هنا ليه
لا
ماتعرفش ياماما باباها باعها أول ماشاف الفلوس وكتب الكتاب
بلعت غصه فى حلقها من الوجع اللى دايما حاسه بيه بسبب ابوها
امم قولتيلى يعنى أهلك مش عايزينك طيب كويس علشان مش عايزين دوشة انتى هنا زوجة لسائر سليم الاسيوطى من أكبر رجال الأعمال فى الشرق الأوسط طبعا اللى زيك مايسمعش عنهم ولايقدر يوصلهم وهتبقى خدامه ليه
ليل فى نفسها ليه وهو اتشل مايخدم نفسه
قطع تفكيرها صوت تكسير فوق وعبير(زوجة عم سائر وهى اللى بتكلم ليل من بدرى واللى راحت جابت ليل كانت غادة بنت عبير ) بتقولها اطلعى بسرعه شوفى ده سائر
ليل مش فاهمه حاجه بس طلعت تجرى على الاوضه اللى شاورت عليها عبير وفتحتها واتفاجئت من اللى شافته........

رواية العاجز والحسناء الحلقة الثانية 2


ليل فتحت الاوضه بسرعة اتفاجئت من المنظر واحد عاجز على كرسي متحرك والاوضة مافيهاش حاجه سليمه تقريبا كسرها كلها
انتى مين وازاى تدخلى هنا
انا..انا..
ايه ماتنطقى ولا خرسه
اانا ليل
عرفتك انا كده مين ليل يعنى وازاى تقتحمى اوضتى كده
ليل مراتك يا سائر بيه
انتى بتقولى ايه اكيد اتجننتى
دى الحقيقيه
باباااااااااااااا
صوته خضها فرجعت خطوة لورا وفجأه دخل راجل كبير فى السن باين من ملامحه الطيبه طبعا استنتجت ان ده والده
مالك يا سائر
يعنى ايه أتجوز من غير مااعرف للدرجه دى معرفتى مابقتش مهمه
للحظه صعب عليا لدرجة اتمنيت أكون انا عاجزة وهو لا
يابنى ماتقولش كده هى بس هتشوف طلباتك وتراعيك
ودفعتولها كام بقا اكيد كتير
للحظة الكلمة وجعتنى بس افتكرت فعلا ان ابويا باعنى فعنده حق
سائر عيب كده دى مهما كانت مراتك
مراتى جايبلى واحده جاهلة من الشارع وتقول عليها مراتى
اه مراتك وتعاملها كويس مش بنجيب بنات الناس نمرمطهم عندنا
ناس قالها سائر بتهكم
انا مش جوايا فرحت جدا اخيرا لاقيت حد فى صفى والواضح أنه حنين اووى فوق على صوت والده وهو بيكلمنى بشئ من الحنيه
تعالى يابنتى ورايا عايزك فى كلمتين
حاضر ثوانى بس ارتب الاوضه دى
انتى مش خدامه يابنتى انتى مرات المهندس سائر سليم الاسيوطى أكبر رجل اعمال فى الشرق الأوسط هتساعديه فى لبسه وحاجته جوه اوضتكم غير كده اى حاجه فيه ناس شغاله بتقوم بدورها
لوهلة اتخضيت من الإسم الواضح أنهم عيلة كبيره فعلا اللى عايزه افهمه ازاى وصلولى بس
يلا يابنتى
حاضر خرجت معاه ونزلنا تحت لاوضة المكتب

قولى السؤال اللى محيرك ياليل
مافيش حاجه يابيه
اولا انا حماكى يعنى ممكن تقوليلى عمى او بابا كمان
بالله بجد
ابتسم اه بجد يلا قولى السؤال بقا
عرفت ازاى انى عايزه أسألك فى حاجه
الشعر ده ماشبش من قليل ياليل
ربنا يديك طولة العمر ياعمى
يلا اسألى
حضراتكم يعنى ماشاء الله عيلة وسلطة وفلوس ازاى وصلتوا لواحده ازاى
اولا انتى مش قليله علشان تقولى كده ثانيا شوفتك ياستى لما سائر كان رايح المستشفى وانتى بتتعاملى مع حد من المرضى ومن ساعتها دخلتى قلبى
حضرتك عارف انى اخدت كليه تمريض
اه طبعا عرفت انك كملتى تعليم من ورا سيد والدك وانك من أوائل دفعتك كمان وان شاء الله تبقى معيده وكنتى مخبيه على سيد علشان مش هيوافق تكملى تعليم ده اولا وثانيا كان هياخد منك فلوس شغلك كلها وانتى كنتى بتحوشيهم لعلاج مامتك المريضه
ليل فتحت عنيها بصدمة من أنه ازاى عارف كل ده
غمزلها وقالها ماانتى قولتى عندنا سلطة ونفوذ
عندك حق ممكن اعرف ايه دورى بالظبط
مش هقولك اكتر من أن سائر ابنى امانه فى رقبتك
وانا قد المهمه دى بإذن الله
ربنا معاكى ياحبيبتى معتمد على الله ثم عليكى
ربنا ييسر ياعمى عن أذنك هطلع لابنك ده لو اتأخرت شوية اعرف انه قتلنى
هههههه لا ماتقلقيش سائر حنين جدا
هنشوف وطلعت ليل عند سائر تانى

ياترى ايه اللى هيحصل بينهم؟

رواية العاجز والحسناء الحلقة الثالثة 3



طلعت لثائر وانا بقدم رجل وبأخر التانيه مش خايفه منه لأنه عاجز مش هيقدر يأذينى بس خايفه مااكونش قد المهمه الصعبه اللى اختارنى ليها عمى سليم خبطت على الباب سمعت صوته بيسمح بالدخول
دخلت الأوضة لاقيتها مترتبة كأن ماكنش فيه زلزال حصل فيها من شوية فهمت إنهم متعودين على تقلبات حالته المزاجية بسبب مرضه اللى عرفت من عمى سليم ان ليه عمليه وجلسات علاج طبيعى وعايزنى اقنعه بيهم
انتى يابتاعه انتى
لا واضح انى هقنعه بسرعه فعلا
مش بكلمك
.............
انتى ياللى ماعرفلكيش اسم
اسمى ليل
يعنى سمعانى اهو مش بتردى ليه
علشان ليا اسم تنادينى بيه
ماشاء الله بقا ليكى صوت
اه الحمد لله محتاج حاجه
هاتيلى علاجى
حاضر الواضح أنها أيام سودة على دماغى
بتقولى ايه
ولا حاجه
احسن برضو مابحبش البرطمة
مابحبش البرطمة نينيييي
وبعدين
خلاص اهو اتفضل
شكرا
اخد علاجه وهو ساكت الحمد لله طلع حنين زى ماوالده بيقول
طبعا هتنامى على الارض
منى لله على تسرعى ده والله
روحتى فين
ماروحتش موجودة
سمعتى انا قولت ايه
اه سمعت
وايه رأيك
هنام على الارض زى ماانت عايز متعودة فعادى
ثائر حس ان قلبه وجعه عليها من كلامها وشكلها تعبت كتير فى حياتها بس فكر نفسه بانها من جنس حوا وكلهم زى بعض
احم ليل
نعم
الكنبه اللى هناك دى افرديها هتبقا سرير ونامى عليه
ابتسمت من جوايا على طيبته الواضح ان مرضه هو السبب فى عصبيته وسوء معاملته للى حواليه
روحت عند الكنبه بحاول افردها مافيش فايده وقفت عليها وفضلت اتنطط يمكن تتفرد سمعت صوت ضحكته اللى ملاء المكان كله شكله وسيم اووى زى الأفلام هو أحلى منهم كمان انتبه انى مركزة فيه وهو بيضحك
حلو
هو ايه ده
شكلى حلو وانا بضحك علشان كده مركزة اووى معايا
خدودى كانت بتطلع نار وبصيت فى الأرض
بقيتى طماطم
لافروالة
لا طماطم
قولتلك فروالة
طماطم وبس
دبدبت برجلى فى الأرض بغيظ
ضحك عليا تانى
ماتضحكش عليا
حاضر قالهاوهو بيكتم ضحكته افردى الكنبة صح بقا من تحت كده
هى هى فردتها
برافو عليكى اقفلى النور بقا ويلا ننام بقا صدعتينى
انا اللى صدعتك قالتها بتهكم وهى بتقفل النور
هتنامى بهدومك
اه
ماينفعش ابقى خلى غادة تشتريلك لبس علشان تبقى براحتك
منا أغلب الوقت هبقا بالاسدال
ليه
مش عمك وابنه عايشين معاكم هنا
اه فى الدور اللى فوق
طيب
طيب ايه
انا محجبه اكيد مش هقعد قدامهم براحتى يعنى
غمزلها تقعدى قدامى انا
احم تصبح على خير
وانتى من اهله
************يوم جديد**********
صباح الخير
صباح االنور انتى صاحية من بدرى
اه
ليه كده
بصلى الفجر وبقرأ ورد القراءن ومش بنام تانى
ربنا يزيدك
يارب هااا تحب تفطر فين
يعنى ايه
يعنى تحب تفطر فى الجنينة ولا معاهم تحت على السفرة
انا مش بخرج من ااوضتى خالص
ليه
ايه اللى ليه يعنى مش شايفه
لا شايفه واحد ربنا عطاله حاجات كتير اووى ومركز على الحاجه الوحيدة اللى ربنا اخدها منه ووقف حياته عليها
الكلام سهل
عندك حق واللى بيسمعوا كتيير بس اللى بينفذوا قليل
..............
هنزل اجيبلك فطارك ومشيت ماستنتش رد منه
ثائر كان بيفكر مع نفسه من وقت الحادثه وفعلا حياته وقفت الشغل مابقاش يسأل عليه حتى رغم أنه يقدر يعمل كل حاجه من مكانه بس سايب الهم كله على والده مابقاش يخرج ولا يطلع من اوضته حتى مش بيضحك من وقتها أول مرة كانت إمبارح مع ليل ابتسم تلقائى لما افتكر الموقف
اتفضل فطارك
احم ليل
نعم
هو انا يعنى هنزل ازاى تحت
ليل ابتسمت من قلبها أنه ممكن يستجيب ليها انا هساعدك وحد من الخدم هنشيل كرسي
ثائر بأسي بس ده هيبقا صعب عليكم وكمان كل يوم وماينفعش انزل كذا مره تحت
اممممم انا هظبطها ماتقلقش ثوانى أنادى حد ينزل الأكل تحت ويساعدنى
ثائر ابتسم بعد مانزلت على لطفها وأنها بتحاول تساعده من قلبها مش بيشوف حد كده غير والده ودلوقتى ليل
ليل طلعت ومعاها حد من الخدم وساعدوا ثائر لحد مانزل تحت الكل اتفاجئ بيه وقاموا وقفوا
وقفتوا ليه كملوا فطاركم وحشنى اتجمع معاكم تحت
سليم بص لليل بامتنان وهى ردتله النظرة
قعدوا يفطروا كلهم واتفاجئوا بواحده دخلت عليهم

مين دى وايه اللى هيحصل؟؟؟؟
#العاجز_والحسناء
#اميرة_جمال💛🌼

رواية العاجز والحسناء الحلقة الرابعة 4


دخلت عليهم بنت لابسه قصير ومشطبه وشها ميكب كتيير ليل لاحظت تغير ملامح سائر مافهمتش ملامحه بتدل على ايه بس شكله فيه ضيق فاقت ليل من تركيزها على البنت وهى بتقرب ناحية سائر وباسته من خده وبسرعه سائر كان بعدها عنه
ايه اللى جابك هنا
ايه يا سائر مش عايز تشوف ريم حبيبتك
ريم حبيبتى دى ماتت واتدفنت خلاص
واهون عليك ياساسو
(ليل بداخلها ايه الدلع ده هو فرخة )
اسمى سائر وبس
انا عارفه انه من حقك تزعل بس انا كنت مصدومة
ماشاء الله وفوقتى بعد سنه
كنت تعبانه نفسيا من اللى حصلك وسافرت بره بابا اصر على ده علشان اعصابى تعبت
والكلام اللى قولتهولى فى المستشفى بابا برضو اللى اصر
كنت طايشه يا سائر
وكبرتى متأخر
يعنى ايه بتطردنى من حياتك
انتى طلعتى منها بمزاجك ومش هسمحلك ترجعيلها تانى
أرجوك ادينى فرصه اثبتلك حبى ليك
سليم قطع كلامهم واتكلم هو مش تباركى لسائر ياريم
على ايه يااونكل
اتجوز ياحبيبتى ودى ليل مراته
ايه البتاعه دى مراتك يا سائر
رييييم قالها بعصبيه لدرجة أنها خافت ورجعت لورا اياكى تغلطى فى مراتى انتى فاهمة دى ست البيت ده يبقا تتكلمى عنها باحترام
بتتعصب عليا يا سائر بعد كل اللى كان بينا وخرجت من الفيلا وهى بتعيط وبتجرى
سليم:اقعدى ياليل واقفه ليه ياحبيبتى
ليل:كنت بجيب مياه لسائر ياعمى
يابنتى قولتلك مية مرة فيه خدامين لكل ده
وايه يعنى ياعمى ده جوزى وخدمته واجب عليا حضرتك عارف يعمى ان اللى تنام وهى مزعلة جوزها الملائكة تلعنها
ربنا يباركلك فى عقلك يابنتى
تسلم ياعمى
انا شبعت الحمد لله
تحب اطلعك أوضتك
لا ياليل طلعينى الجنينه لو سمحتى
حاضر عن اذنكم
****************
حابب أتكلم
وانا حابه أسمعك
ريم تبقا بنت صديق لبابا عرفتها عن طريق شغلهم مع بعض حبيتها جدا شدتنى ليها رغم ان لبسها زى ماانتى شوفتى كده بابا كان رافض تماما رغم ان فيه شغل مشترك مع صديقه ده والجواز بينى انا وريم هيقوى العلاقات اكتر بس قالى انه مش فارق معاه الشغل وأهم حاجه انا وبس وانى لما أتجوز لازم اختار صح مش اهتمام بالشكل وبس لا واحده تصونى وتقف جنبى وتراعى ربنا فيا بس انا صممت على اللى فى دماغي وكل ما بابا يرفض كنت بعند اكتر واتمسك بريم علمتنى اروح الديسكو وانى اسهر معاها ماكنتش برضى أشرب مع أصحابها ويفضلوا بقا يتريقوا عليا وكنت بستحمل علشانها وهى طبعا كان عندها ده كله عادى بمإنها عايشة فى لندن واتربت هناك وفي يوم قالتلى نخرج قولتلها مش هخرج تانى مع شلتها كنت خلاص جبت أخرى منهم فضلت تتحايل عليا وانا رافض واتعصبت عليها فعيطت وطبعا بمإنى بخاف على زعلها وافقت وكالعاده أصحابها قعدوا يتريقوا على موضوع الشرب ده بس زودوها بقا فااتضايقت وحبيت اثبتلهم انى راجل واستحمل اكتر منهم شربت كتير رغم ان دى اول مره أشرب خلصنا قعدتنا واحنا راجعين ماكنتش عارف أركز فى الطريق وفعلا العربية اتقلبت بينا كنت حاضنها خايف يحصلها حاجه والحمد لله فعلا ماحصلهاش حاجه بس انا اللى بقيت عاجز وبعد كل ده جاتلى المستشفى بعدها باسبوعين بتقولى سورى مش هقدر أكمل يا سائر انت عاجز وانا مااقدرش استحمل ده ومشيت خلت نفسيتى اتدمرت وحالتى بقت تتأخر اكتر وجايه دلوقتى عايزه ترجع
سائر خلص كلامه ودموعه نازلة على وشه
لسه بتحبها
بتقرف منها ياليل
طيب زعلان ليه دلوقتى
إنها ورا كل اللى حصلى
هى مجرد سبب واللى حصلك ده كان هيحصل بيها او من غيرها ده ربنا كاتبهولك عايز يختبرك
وانا فشلت فى الاختبار ده
لا لسه فيه فرصه تانية
بجد
اه والله ابتسمت علشان تطمنه
انتى جميلة اووى ياليل وقلبك ابيض
كلك ذوق
بس كده
اه انا ليا فى الخناق لكن فى الرومانسيه مش قد كده
طيب مش هتحكيلى حكايتك انتى كمان
انت ناقص غم ده انا حكايتى مأساوية تخليك تنتحر
ياساتر يارب للدرجادى
واكتر والله بس انا بطمنك
اه واضح اطمنت
اى خدمه
طيب مش هتروحى مع غادة علشان تجيبلك لبس
بنت عمك المقشفه دى
هههههه فضل يضحك بصوت عالى وهى كالعاده سرحانه مع ضحكته
غادة مقشفه دى قمر
ليل زمت شفايفها وقالت بتهكم تحب اروح اخطبهالك
لا شكرا ماهو انا متجوز
طيب كويس انك فاكر
بتغيرى ولاايه
انت فاكر علشان طول بعرض وعندك وعيونك بنى كده وشعرك طويل تبقا حلو واغير لاطبعا
عندك حق مش حلو خالص طيب هتروحى مع مين يجبلك لبس
لو هروح يبقا مع جوزى
ليل انتى بتقولى ايه
اللى سمعته
هخرج ازاى وانا كده
تانى نفس الكلام
ايوه نزلت هنا فى الفيلا بيتى لكن بره قدام الناس
ماتولع الناس احنا مالنا
صعب ياليل
مش مستحيل
برضو لا
خلاص خلينى بلبسي وخلاص مش عايزه حاجه
بلاش عند
مش عند عايزه جوزى معايا يختارلى اللبس ايه المشكلة
ان جوزك عاجز
مش عيب فيه وانا متقبلاه
ماشى هنروح وهتشوفى الناس هتبصلى ازاى
هيعجبوا بيك يا قمر انت
ضحك تانى لا انتى مش طبيعيه يلا نتمشى
يلا
**************
خليكى وراه ياريم
منا روحت وعملت اللى قولتى عليه ومافيش فايده
برضو زنى عليه خليه يقع فى حبك مره تانيه
سائر هيحب ليل
ايه اللى بتقوليه ده
انا عارفه نظرات الحب فى عنيه كويس وهو كان بيبصلها بيها لما قال مراتى واتمسك بيها
مافيش الكلام ده لازم انتى اللى تملى قلبه علشان نوصل لخطتنا وماتقلقيش من ليل ليها سكتها ولو فعلا حبها هخليه مش طايقها
اشمعن انا
علشان انتى حبيبته من قبل كده ومش لوحدك برضو هبعتله حد تانى
مين يعنى
مش مهم ليكى تنفذى اللى اقولك عليه
تمام طيب وليل
هتصرف معاها وهحاول اخليها فى صفنا
اوك

ايه اللى هيحصل لسائر ومين متفق مع ريم وعايزين منه ايه؟؟
#العاجز_والحسناء


رواية العاجز والحسناء الحلقة الخامسة 5

ليل خرجت هى وسائر علشان تشترى لبس زى مااتفقوا مع بعض كانت مبسوطة جدا إنها قدرت تخرجه من اللى هو فيه وأول مره يطلع بره البيت بعد الحادثه بدأوا يدخلوا محلات كتير
ايه رأيك
لا
طيب وده
ده كده رايحة كبارية
طيب خلاص ده
تؤ
وده
تؤتؤ
ده حلو
تؤتؤتؤ
انتى قعدتى ليه مش هتكملى
فهمنى بس هو انا بعمل عرض ازياء تعبتنى
ليه ده انا اتسليت اووى وانتى كل شوية تقيسي
ياسلام تمام
خلاص حقك عليا ماتزعليش
........
خلاص بقا خلي قلبك شبه وشك قمر كده
ابتسمت على كلامه
ضحكت يبقا قلبها مال وخلاص الفرق مابينا اتشال
خلاص خلاص مش زعلانه
بجد
اه والله بس هتصالح لما تختارلى لبس
طيب المحل ده كله بدل رقصات اصلا تعالى هنروح واحد حلو انا عارفه
هو بيبع رجالى وحريمى
لا بنات بس
امال عارفه منين
غمزلها منا كنت شقى قبل كده
ليل اتضايقت من فكره انه يكون عارف بنات كتير قبلها وكان علاقه بيهم
ليييييل
بتزعق ليه
بنادى عليكى من بدرى يابنتى سرحتى في ايه
لا ولا حاجه معاك
طيب قيسي الفستان ده هيبقا جميل عليكى
حاضر
نسيت اقولك ماكنش ليا علاقة ببنات ولا حاجه
هاااا وانا مالى
ماكنتيش سرحانه فى ده يعنى
لا خالص عن إذنك وراحت تقيس اللبس وهى حاطه ايدها على قلبها وابتسامة مرسومة على وشها بعد شويه خرجت لسائر
ايه رأيك حلو
........
هو وحش ولاايه
.........
كنت عارفه انى مش حلوة
تجننى ايه الجمال ده
بجد قالتها وهى بتلف بفستناها
بجد جدا قمر اوووى
ليل اتكسفت ويصت فى الأرض طيب انا هغيره
ماشى وهختارلك الباقى
ماشى
بعد لف وقت طوييييل على المحلات الاتنين تعبوا والسواق اخد منهم اللبس للعربية
انا جعانه
وانا اكتر منك اللف ده جوعنى
طيب هنأكل فين
فيه هنا مطعم فى المول فى الدور اللى فوق
كويس جدا يلا واخدت سائر بالكرسي للدور اللى فوق ودخلوا المطعم
تأكلى ايه
مش عارفه اختار انت على ذوقك
ماشى ياستى وطلب الأكل
بعد فترة قليلة الأكل وصل وسائر بدأ يأكل بالشوكة والسكينة وهى محرجه تأكل علشان مش بتعرف تاكل زيه فضلت باصه فى الأرض وساكته
ليل مالك
مافيش
مش بتأكلى ليه طيب مش كنتى جعانه
مش هعرف اكل زيك بالشوكة والسكينة
لو حابه أعلمك
دلوقتى جعانه مش هعرف أركز معاك
طيب كلى بالطريقة اللى تعجبك
بجد
اه طبعا
بعد فترة بسيطة سابت الاكل
ايه تانى
الناس بتبصلى
ماحدش ليه عندك حاجه كلى براحتك مايهمكيش من حد وانا كمان هاكل زيك بدل الشوكة والسكينة
ليل فرحت جدا بكلامه وأنه ماتضايقش منها وكمان شاركها فى الأكل براحتهم بصوا لبعض وابتسموا وكملوا اكل فى صمت وبعدها رجعوا على الفيلا تانى
كانوا داخلين مبسوطين جدا وسليم شايف ابنه وحالته النفسيه بتتحسن عرف ان اختياره لليل كان صح وفى صالح ابنه
عملتى ياليلى اللى قولتلك عليه ايوه ياست ليل كله تمام
ايه هو ده
نقلت حاجتك كلها فى الاوضه اللى تحت
ليه كده ياليل انا بحب اوضتى جدا
علشان تقدر تخرج براحتك وتأكل معاهم هنا واوضتك مافيش حد هيدخلها بإذن الله اول ماتمشى على رجلك هتطلع تانى مكانك
امشى قالها بتهكم
اعمل العمليه يابنى وريح قلبى
بابا اتكلمنا فى الموضوع ده قبل كده وقفلنا
انت اللى قفلته لكن انا لا انا محتاجك معايا تبقا عكازى
شوفلك عكاز تانى علشان ابنك عاجز قال جملته وطلع على الجنينة وسليم دخل مكتبه بحزن ولم يتبقى سوى ليل وعبير وغادة
غادة:ايه الشنط دى ياليل
ده لبس ساائر جبهولى
اممم ورينى كده واخدت الأكياس وقالتلها هشوف لو حاجه عجبتنى واجيبلك الباقى لانى مشغولة اووى مش فاضية اعمل شوبينج وماستنتش رد وطلعت على اوضتها بالاكياس
ليل واقفه مصدومة من اللى عملته غادة ومش عارفه تقول لسائر ولالا
واقفه عندك ليه
ده كان صوت عبير اللى فوقها من سرحانه
هااا ولا حاجه هروح اشوف سائر
هو صغير هتعمليلوا ايه يعنى بقولك ايه اصحابى جايين شوية كده روحى ساعدى ليلى فى المطبخ
حاضر بس عمو سليم قالى..
عمو ايه انتى نسيتى نفسك ولاايه يلا على المطبخ
حاضر ودخلت ليل تساعد ليلى
عبير لنفسها بعد مامشت ليل انتى لسه شوفتى حاجه

سائر كان فى الجنينة ومستغرب ان ليل سابته متضايق وده ضايقه اكتر ساعد نفسه بالكرسي ورجع تانى الفيلا علشان يتخانق مع ليل بس اتصدم من المنظر اللى شافه وسليم خرج من مكتبه واتصدم زى سائر

ايه اللى شافه سائر وسليم وايه اللى هيحصل ل ليل من عبير؟؟؟؟
#أميرة_جمال💛🌼

رواية العاجز والحسناء الحلقة السادسة 6

سائر دخل شاف ليل وهى بتمسح الأرض وفضل بصصلها فى صمت وسليم صعب عليه ليل ولسه هيتكلم قاطعه صوت سائر اللى سمع الفيلا كلها
لييييييل
نعم يا سائر
ايه القرف اللى بتعمليه ده مش عارفه تنسي أصلك
سليم:سائر ازاى تكلم مراتك بالشكل ده
مراتى قولها كده وعرفها هى تبقى مرات مين علشان شكلها مش مصدقة من التصرفات اللى بتعملها دى
كل ده وليل ساكته بتسمع وبس
يابنى مش كده بالراحة
طيب اسألها يابابا ايه اللى خلاها تعمل كده
عبير كانت نازلة وسمعت الحوار كله واتكلمت قبل ليل ماتتكلم وتقول أنها اللى طلبت منها تعمل كده...قولتلها ماتتعبش نفسها يا سائر بس مافيش فايدة عايزه تبقى ست البيت بقا
سليم:خلاص بقا ياعبير الموضوع ده اتقفل وبص ناحية ليل الساكتة وعرف أنها ماسكه دموعها بالعافيه وطلب منها تدخل اوضه من الاوض اللى فوق تغير ههدومها اللى كلها ميه علشان ماتتعبش وليل طلعت تجرى على فوق
سليم بص لسائر بحزن وخرج راح الشركة وسائر دخل اوضته اللى تحت اللى ليل جهزتهاله وعبير بتبتسم بانتصار

ليل دخلت الأوضة قعدت على الأرض وفضلت تعيط بقهرة من كلام سائر ليه وبتضحك على غبائها لما عاملها كويس فى المول افتكرت ان فيه أمل فى يوم من الايام يبقوا زى اى زوجين عادين بس كانت غلطانه ما عداش ساعه وكل حاجه اتقلبت ضدها وافتكرت اللى عملته عبير وأقسمت من جواها إنها هتردلها ده وكده هى فهمت إنها مش طيقاها وده اكيد لسبب هى مش عرفاه بصت لنفسها وصعب عليها إنها بتطلع من عذاب لعذاب تانى جات تغير هدومها افتكرت ان لبسها فى الأوضة اللى تحت عند سائر واللبس الجديد كله عند غادة قررت تنزل عنده تاخد لبسها من غير ولا كلمة

ليل خبطت على الباب وسائر سمح بالدخول دخلت فتحت الدولاب اخدت من لبسها ودخلت الحمام غيرت هدومها كل ده تحت أنظار سائر اللى افتكر إنها مش راضية تلبس من اللبس الجديد بسبب اللى عمله واستنى يسألها علشان يتأكد بنفسه
كانت خارجه من الاوضه لكن وقفها صوته اللى بقت تعشقه
ليل
وقفت مكانها من غير ماتبصله
ممكن تبصيلى
التفتت ناحيته
مش لابسه اللبس الجديد ليه
عند غادة
نعم وايه اللى وداه هناك
هى اخدتهم قالت هتشوف لو حاجه تعجبها منهم لأنها مشغولة مش عارفه تنزل تعمل شوبينج
وانتى سيبتلها حاجتك
مالحقتش اتكلم اخدتهم وطلعت بسرعه على اوضتها
طيب طلعينى بره فى الصالة
حاضر وزقت الكرسي وخرجته بره
سائر بصوت عالى خرج بسببه كل اللى فى الفيلا غاااااادة
نعم يا سائر فى ايه
انتى اخدتى هدوم ليل ليه
عادى مااحنا اخوات
ماتأخديش هدومها اللى انا مختارهم ليها
ح حاضر
اطلعى هاتى اللبس كله
طلعت غادة بسرعة اوضتها
ليل مصدومة شايفه انه مافيش داعى لكل ده ولا لعصبية سائر
اتفضل
قيستى حاجه منهم
اه الاتنين دول
خديهم لبس مراتى ماحدش يلمسه غيرها مفهوم
تمام يا سائر وبصت لليل بحقد وخرجت من الفيلا كلها
سائر طلب من ليل تطلعه الجنينه وتقعد معاه هناك
انا اسف
........
حقك عليا اتعصبت من اللى شوفته ماكنش ينفع تبقى بالمنظر ده
منظر ايه علفكرة الزوجة المفروض بتبقا المسؤلة عن بيتها من غير شغالين ولا حد يساعدها وبتبقا مبسوطة وهى بتعمل ده كمان
اخيرا حنيتى عليا واتكلمتى
.............
شكلى حسدتك انا عرفت ان عبير اللى طلبت منك ده وهفهمها انك هنا مش خدامه وانتى لازم تعرفى الكل ده وماتسمحيش لحد يستغلك
بس انا مش زعلانه من شغل البيت
كفايه عليكى جوزك العاجز
انا راضية بيه هو اللى معترض على قضاء ربنا
الكلام سهل
اللى يسمع سهل واللى ينفذ صعب بعدها بصينا لبعض وضحكنا علشان قولتله الجمله دى قبل كده
ممكن اطلب منك طلب
طبعا
فكر فى موضوع العمليه وخبت وشها بايدها علشان عارفه انه هيتعصب بس اتفاجئت برد فعله
سائر ضحك على اللى عملته واتكلم ماتخافيش مش هعمل حاجه اوعدك هبقا افكر
بالله
بالله ياغالية
ليل حبت الكلمة وماعلقتش عليها احم يلا علشان ميعاد العلاج
تمام يلا بينا
******************
انا واحدة زى دى تخلى سائر يفرج عليا الفيلا كلها
اهدى ياغادة
اهدى ايه بس يا ماما البيئة دى تنتصر عليا انا
خلاص بقا انا هشوفلها حاجة تغورها من هنا علشان ماتكتشف لعبتنا
برضو هتصرف انا معاها
هتعملى ايه بس
هتشوفى ياماما
انتى يابنت
غادة خرجت من غير رد
هتفضل غبية ومتسرعة كده

ايه اللى غادة هتعمله الحلقة الجاية؟؟؟
#العاجز_والحسناء

رواية العاجز والحسناء الحلقة السابعة 7

ليل طلعت الجنينه تسقى الزرع وسائر دخل اوضته ياخد علاجه ويرتاح شوية
رجعت ليل بعد فترة فكرت تدخل الاوضه تطمن على سائر فتحت الأوضة لقت غادة شبه مش لابسه حاجه وفى حضن سائر اللى راقد على السرير فضلت واقفه مصدومة حست بحاجه سخنه على وشها كانت دموعها اللى مسحتها بسرعة هى ماتعرفش ايه سببها أساسا هى عارفه ومتأكدة أنها وسائر مستحيل يكونوا لبعض هيفضلوا مع بعض فترة مؤقتة لحد مايتعافى مش اكتر قربت منهم غادة مثلت انها اتفاجئت بيها وبعدت فى صدمة
ليل انا يعنى
انتى ايه ياغادة
انا وسائر بنحب بعض
غادة ايه اللى جابك هنا وايه المنظر المقزز ده اللى انتى فيه ده كان صوت سائر اللى قطع كلامهم
خلاص بقا ياسو ياحبيبى ليل عرفت العلاقه اللى بينا
علاقه ايه وزفت ايه ايه التخاريف اللى بتقوليها دى
ايه ياسو ليل عرفت اللى فيها
ايه اللى فيها ده بقا ياغادة هانم
إننا بنحب بعض وهنتجوز
ده فى أحلامك انا اتجوزك انتى واتجوز ليه اصلا امال ليل دى تبقى ايه
يعنى ايه يا سائر هتتخلى عنى
انتى عبيطة يابت انتى يلا اطلعى بره بدل مالم عليكى الفيلا كلها
عايز تفضحنى
الله ينور عليكى فغورى بقا مش وشى قال جملته الاخيره بزعيق وغادة طلعت بسرعه على اوضتها قبل حد مايشوفها
كل ده وليل ساكته مش بتتكلم كانت بتسمع حوارهم من غير كلام
ليل انتى عارفه انا ماخونتكيش
.......
ليل انا بهدومى اصلا
.......
طيب بالله فى عاجز هيخون ازاى يعنى
عادى تقدر وانت عاجز
بجد على كده بقا نقدر نخلى جوازنا حقيقى قالها وهو ينظر لليل بخبث
ليل اتوترت لانها فهمت كلامه
ايه رأيك
اخدت علاجك
ليل ماتغيريش الموضوع
تصبح على خير
لييل انا بكلمك
.........
لما اكلمك تانى تردى عليا مفهوم قال جملته بعصبيه خلتها تتخض ورجعت لورا وهى ضامه نفسها وبدأت تعيط
سائر ماستحملش دموعها ساعد نفسه وقعد على الكرسي وراح ناحيتها ماتكلمش حضنها وفضل يطبطب على ضهرها وهى اتمسكت بيه وزادت فى عياطها كأنها كانت مستنية اللحظة دى...بعد فتره لما هدت سائر خرجها من حضنه وبصلها بحزن وندم
انا أسف والله حقك عليا ماكنش قصدى بس كنت عايزك تتكلمى ماستحملتش فكرة انك تصدقى انى بخونك انا والله عمرى مااعمل كده اخلاقى ماتسمحليش بده وانتى ماتستاهليش منى كده انا رجعتلى ضحكتى فى اليومين بس اللى انتى جيتى فيهم هاجى اضيعك من ايدى بسهولة كده ازاى بس ياليل
كنت طفلة شاطرة جدا فى التعليم كل المدرسين كانوا بيحبونى امى كانت بتشتغل فى المدرسه اللى انا فيه واحده من العمال كانت دايما جنبى بتشجعنى كانت تشتغل علشان تخلينى أكمل تعليمى وأبويا كان بياخد منها فلوس شغلها ويضربها علشان الزفت اللى بيشربه جبت مجموع عالى فى تالته اعدادى كنت فرحانه جدا وامى كانت طايرة بيا بس ابويا قطع فرحتنا قرر انى مش هروح مدرسه تانى كفايه تعليم لحد كده وأطلع اشوف رزقى واصرف على البيت لان الفلوس اللى بتجيبها امى مش مكفياه فضلت اعيط فى البيت وامى تحايل فيا لحد مادخل علينا فى يوم وقالى خلاص شاف بيت هخدم فيه وقالنا نبطل المناحه دى تانى يوم امى جاتلى قالتلى إنها قدمتلى فى ثانوى من وراها هاخدها منازل وازاكر فى البيت واروح على الامتحانات بس ولما سألتها هزاكر ازاى قالتلى هتشتريلى الملخصات بالقسط وهى عرفت الست اللى هشتغل عندها وقالتلها إنها هتساعدنى ماكنتش مصدقة نفسي وكرم ربنا عليا فضلت اخدم فى البيوت والست اللى كنت عندها كانت حنينة اووى وطيبه كانت بتدى لابويا جزء من المرتب على اساس ده كله والباقى تديهولى تقولى خليه معاكى علشان تقدرى تشترى ملخصات وكانت بتوفرلى وقت للمزاكرة فضلت كده لحد الثانوية العامة ماجبت93% حسيت انى حققت حلم امى والست إلهام اللى فضلت سندانى وكانت افضالها عليا وقدمت فى كلية تمريض وكملت لحد ماخلصت بتقدير كنت خلاص افتكرت انى حلمى اتحقق ممكن اتعين فى الجامعه وحياتى هتتغير وفى نفس اليوم برضو فرحتى اتكسرت وسيد قالى ان خلاص هروح لبيت جوزى ابتسمت بتعب وكملت ابويا باعنى بس بصراحه بفلوس كتيير اووى ودخلت فى نوبة عياط وسائر فضل حاضنها وهو حزين عليها حس بانفاسها هديت فهم انها نامت وقطع وعد على نفسه أنه مش هيخليها تزعل أبدا وهيفرحها على قد مايقدر

ليل صحت لقت نفسها نايمة جنب سائر افتكرت اللى حصل مش عارفه ازاى حكت كل ده هى بطبعها مش بتتكلم وخصوصا على حياتها اكيد دلوقتى نزلت من نظره اكتر فضلت تلوم فى نفسها وهى باصه لسائر اللى بدأت تركز فى ملامحه قد ايه هو وسيم بشعره الأسود الناعم ورموشه الطويلة لو حد كان حلفلها إنها هتتجوز واحد زى ده عمرها ماكانت هتصدق
للدرجه دى شكلى وسيم
اوووى فاقت ليل من سرحانها وركزت فى اللى قالته حطت ايدها على وشها بسرعه
ضحك سائر بصوت عالى على منظرها واخدها فى حضنه وهى بعدت بسرعه
امممم ماكان حضنى حلو امبارح
انت قليل الأدب علفكره
هااا وايه كمان
ومش محترم
قولى براحتك هاخد حقى منك لما اقف على رجلى
يعنى انت
ابتسملها وهز رأسه بالموافقة
طلعت تجرى على بره وهى بتنادى ياعمو سليم

ايه اللى هيحصل مع سائر وهيمشى فعلا ولالا؟؟
#العاجز_والحسناء

رواية العاجز والحسناء الحلقة الثامنة 8

مالك ياليل
سائر وافق على العمليه
بتتكلمى جد ياليل
اه والله
الحمد لله اخيرا يابنتى انا مش عارف أشكرك ازاى
على ايه ياعمو انا ماعملتش حاجه هو اللى قرر لوحده
طيب عايزين نوديه للدكتور بسرعه النهارده بدل مايرجع فى كلامه
عند حق الاحتياط واجب والله
الاحتياط واجب نينييييي ده كان صوت سائر اللى قاطعهم
ههههههه ماانت مش مضمون الله
كمان مش مضمون لا ده انتى محتاجه عقاب بقا
هههه خلاص بقا ياولاد اتخانقوا فى اوضتكم هحجز ميعاد مع الدكتور النهاردة يا سائر
ماشى يابابا اللى تشوفه
ربنا يريح بالك يابنى ويطمنا عليك اخدت علاجك
لسه والله
كده ازعل منك ياليل
اسفه ياعمو العلاج سائر بياخده بنفسه
ليه كده ياليل دى وصيتى ليكى
انا اللى قولتلها يابابا انى متعود باخده لوحدى
ماشى ياحبيبى حقك عليا يابنتى
ولا يهمك ياعمو
طيب يلا بقا من غير مطرود خلونى اشوف شغلى وهتصل على الدكتور احجز معاه النهارده
ماشى يا بابا يلا يا ليل كفايه اتطردنا
ابتسمت و اخدته على اوضتهم
*******************
مالك ياليل
انا قصرت معاكى اووى يا سائر ونسيت المهمه اللى انا موجودة علشانها هنا
وايه هى بقا مهمتك دى
انى اراعيك واخد بالى من علاجك
لا انتى مهمتك هنا زوجة
بس انا....
اشش وقصرت فيها فعلا
ازاى
مش بتدلعينى ليه
ليل فتحت عنيها بصدمة
وكمان مش بتردى عليا لا ده كده الموضوع محتاج شدة
ادلعك!!!
ايوه يامدام ايه مش وش دلع انا ولا مش وش دلع
ليل ضحكتك بصوت عالى على كلام سائر وهو سرح فى ضحكتها اللى خطفت قلبه
انت تستاهل تدلع بصراحة علشان وقفت معايا ومااحرجتنيش مع عمو سليم بس ادلعك ازاى
اقولك انا وتنفذى
لو حاجه هقدر عليها هنفذها اكيد
هتقدرى بس اوعدينى الأول تنفذيها
لا قول الأول
اوعدينى يلا
خلاص اوعدك عايز ايه بقا
انتى ليه دايما بتقعدى قدامى بالاسدال والحجاب
عادى متعودة دايما أفضل بيه وكمان فيه رجاله فى الفيلا
انا بتكلم عن اوضتنا ياليل مش قدام حد
ليل ارتبكت وماعرفتش ترد
واللبس اللى اشتريناه مش بتلبسيه ليه هو انا ذوقى وحش للدرجادى
لا والله ابدا مش كده
طيب ممكن تثبتيلى انى ذوقى حلو
ازاى
تلبسي منه دلوقتى
دلوقتى
اه
طيب هجيبلك علاجك وبعدين البس
ادخلى البسي وانا هاخده
طيب البس ......
بيجامه ياليل انا قولتلك اهو
حاضر اووف
مشيت وهى بتدبدب برجلها فى الأرض وهو بيضحك عليها

بعد وقت قليل خرجت ليل وهى باصه فى الأرض من الكسوف وحاطه شال على كتفها وحجاب على شعرها
ايه القمر ده
احم شكرا
معلش ممكن تكملى جميلك طيب
عايز ايه
شيلى الشال ده
لا طبعا
مش قولتلك ذوقى مش عجبك
يوووه بقا اخدت الشال ورميته بإهمال
بتتعصبى عليا ياليل تمام
لا انا اسفه والله
لازعلت
خلاص يا سائر بالله
سائر كان عاجبه قرب ليل منه وهى بتعتذرله فقرر يستغل الموقف
لا انتى مش طيقانى خالص
لا والله ابدا
منا عاجز فمش عاجب
بالله ماتقولش كده بكره تمشى احسن مننا كلنا
يا مين يعيش
خلاص بقا يا سائر هعيط
سائر بصلها لقى الدموع متجمعة فى عنيها فعلا حضنها بهدوء خلاص مش زعلان ياليلى
ليلك؟؟
ليلى ونهارى وحياتى كلها
ليل ابتسمت
ممكن آخر طلب
امممم
ممكن تشيلى الحجاب
طلباتك كترت
خلاص شكل شعرك مش حلو او قرعه فمخبياه
نعم يااخويا مين دى اللى شعرها مش حلو ورفعت الحجاب شعرها كان اسود زى الليل ومغطى ضهرها كله سائر فضل بصصلها بصدمة من جمال شعرها
ماشاء الله عندك حق تخبيه
احم ممكن ننام بقا
طيب تعالى فى حضنى
هااا
عادى يابنتى زى جوزك والله
طيب ونامت جنبه
قولت فى حضنى مش كل واحد فى اتجاه كأننا ضاربين بعض بالجزم
ليل ضحكت وفى لحظه كان شدها وبقت فى حضنه وناموا
*************
انتى اتجننتى يابت
اعمل ايه ياماما قولت لما تدخل تلاقينى مع سائر تمشى وتطلق منه بس هو اللى ماسك فيها وطردنى لا وكمان كان هيلم عليا الفيلا كلها لولا خرجت بسرعه
علشان غبيه مابتفهميش
اعمل ايه بس ياماما الحمد لله انى خرجت وماحدش شافنى
هتفضلى طول عمرك هبله كنتى سيبتيه يصحينا كلنا ساعتها كنانقول لعمك سليم يدارى الفضيحة ويجوزكم
طيب أعملها تانى
لا ماخلاص بقا انتى كنتى لابسه مغرى
جدا ياماما
وهو ماتأثرش
كان نايم اصلا ولما صحى على كلامى انا وليل طردنى وحصل وحصل قولتلك عليه
عايزاكى على قد ماتقدرى تحاولى تغريه
ده حجر مابيحسش وسمعت كمان انه وافق يعمل العمليه
انتى متخلفة ازاى ماتقوليش حاجه مهمه زى دى
معلش نسيت
عايزاكى تركزى كويس ياغادة
ياماما هو لما يعمل العمليه يبقا خلاص على كده
عبير ابتسمت بشر ومين قالك انه هينفع يعملها اصلا

سائر هيعمل العمليه ولالا وايه اللى تقصده عبير؟؟
#العاجز_والحسناء

رواية العاجز والحسناء الحلقة التاسعة 9

سائر
اممم
اصحى بقا الساعه10
ايه انا نمت كل ده
حصل
طبعا بابا مشى
اه راح الشركة وكان بيفكرنا النهارده بميعاد الدكتور
تمام يلا نفطر فى الجنيه
يلا
بعد ماخلصوا الفطار
هروح اجيبلك علاجك
انا لما ادخل هاخده
لالا عايز عمو سليم يزعل منى ولاايه
لا ياستى خلاص براحتك انا عامل على تعبك
تعبك راحة عن اذنك ومشيت ليل
عليا الطلاق متجوز قمر يخربيت جمالك ياليل
ليل جابت العلاج لسائر وهى راجعه شافت من بعيد غادة واقفه عند سائر وواضح إنها بتتدلع عليه وشكل سائر مش طايقها وهى عماله تقرب منه بلبسها اللى بيكشف اكتر مابيستر اتحركت ليل بعصبيه ناحيتهم
اتفضل العلاج
شكرا اقعدى ياليل
لا ورايا حاجات جوه بعملها قالتها وباين عليها الغضب
اى حاجه تتأجل ياليل وانتى ياغادة اتفضلى عايز اتكلم مع مراتى شوية
حاضر ياسو باى ومشيت غادة
حاضر ياسو نينيييي
ههههههه بتغيرى
على مين ومن ايه اصلا
على جوزك ومن غادة مثلا
لا انت مش جوزى ده على الورق بس وانا هنا لعلاجك وغادة ايه القرف دى اللى اغير منها عامله زى البلياتشو
اممم قولتيلى جايه علشان تساعدينى بس
اه
كك اوه وجوازنا على الورق
بالظبط
طيب تمام نخليه رسمى ايه رأيك بقا
ليل وشها أحمر واتكسفت وطلعت تجرى على جوه وسابت سائر فى الجنينه وسامعه صوته بيضحك
ليل دخلت اوضتها ايدها على قلبها وبتنهج ووشها بيطلع نار وبتكلم نفسها يانهارى جوزى طلع مش محترم وعايز حاجات قليلة الأدب اقول لعمو سليم ربى ابنك
ابنه اللى هو جوزك وانا اللى مش محترم ده
ليل اتكسفت ان سائر سمع كلامها وبصت للارض باحراج
ياختى حلوة بتتكسف
بطل بقا
ماشى علشان رايحين للدكتور بس
دلوقتى؟؟
اه بابا اتصل قال نجهز وهيعدى علينا دلوقتى بالعربيه
تمام على خير
البسي دريس من الجداد
حاضر
دخلت ليل جهزت وسائر وراحوا عند الدكتور
سائر يقدر يعمل العمليه امتى يادكتور هو جاهز للسفر خلاص
يا سليم بيه فيه حاجه غلط
حاجه ايه يادكتور ماتقلقنيش
مافيش استجابه خالص من رجل سائر كأنه مش بياخد علاج والأعصاب كأنها واقفه
ازاى ده هو بياخد العلاج كل يوم مش كده يا سائر
اه يابابا ملتزم بيه علطول مش بضيع يوم واحد حتى
سليم:طيب يادكتور طمنى فيه أمل للعملية
فيه بس ضعيف عن الأول
طيب غيرله العلاج
ده أفضل علاج وكمان مستورد علشان كده هخليه يكرره تانى وبعد أسبوع يجيلى العلاج ده اصلا المفروض بيجيب نتيجة سريعه
شكرا يادكتور عن أذنك قالها سليم بحزن على حالة ابنه
كل ده وليل ساكته دموعها نازلة فى صمت وسائر ماتكلمش نهائى لحد ماوصلوا الفيلا دخل سائر اوضته وطلب ان ماحدش يقعد معاه ولا يدخل عليه
ليل ماستحملتش تسيبه لوحده فى الظروف دى ودخلت عنده
انا مش قولت مش عايز اشوف حد
انا ليل مراتك
مراتى انتى مجرد ممرضة فاهمة
حاضر مجرد ممرضة ممكن تهدى
ياريتك مادخلتى حياتى منا كنت مرتاح وراضى بحالى جيتى خلتينى اخد امل فى الدنيا تانى ليه حرام عليكى
حرام عليك نفسك أرجوك اهدى هتتعب
وانا كده مرتاح وفضل يلف فى الأوضة يكسر فيها ورمى العلاج على الارض وخرج للجنينه بسرعة
ليل دموعها نازلة مغرقة وشها حاسه بالعجز مش عارفه تعمل ايه نزلت تجمع علاج سائر من على الأرض وقع تحت الانتريه اتصدمت من اللى شافته.........
(البارت قصير مش قادرة اكتب النهاردة كنت مشغولة طول اليوم مارضتش الغى الحلقة )
#العاجز_والحسناء

رواية العاجز والحسناء الحلقة العاشرة 10


ليل كانت بتجمع العلاج اللى سائر رماه على الارض اتفاجئت ان العلبه اللى رماها سائر الأقراص اللى فيها مش بتاعتها هى عارفه العلاج ده كويس جدا كانت بتجيب منه لوالدتها وكان غالى عليهم لأنه مستورد زى مالدكتور قالهم بس لون الأقراص ماكنش ده خالص فيه حاجه غلط قررت ليل أنها لازم تفهم الموضوع ده وتعرف سبب تأخر حالة سائر فاخدت العلاج وراحت عند مكتب سليم

ممكن ادخل
اتفضلى يابنتى
محتاجه اتكلم مع حضرتك فى حاجه مهمه
سائر فين الأول
بره فى الجنينه
وانتى سيباه لوحده ياليل
علشان يهدى ياعمى رمى العلاج كله وماكنش مستحمل كلمة منى
سليم عنيه بدأت تتملى الدموع وبدأ يتكلم بحزن الأمل اللى كان عندنا راح يابنتى
لا ياعمى مش حضرتك اللى تقول كده ربنا موجود وهيشفيه بإذنه
ونعم بالله يابنتى بس انتى شوفتى حالته اتأخرت ماكناش عاملين حسابنا على كده خالص
منا عايزه اتكلم مع حضرتك فى الموضوع ده
انا مااعرفش فى الطب ياليل انا مهندس
عارفه طبعا بس عايزه افهم مين اللى بيجيب لسائر العلاج
الصيدليه
مش فاهمه
احنا بنكلم صيدليه معينه معرفينها كل آخر الشهر تبعت العلاج بتاعه ومعاهم نسخه من الروشته هناك
اه فهمت طيب حضرتك واثق من الصيدليه دى
ازاى يعنى هى عموما أكبر صيدليه وكمان العلاج اللى بيبعتوه هو نفسه اللى فى الروشته قرأته قبل كده لان الدكتور بيكتبه بخط واضح
هو فعلا نفس العلاج اللى فى الروشته كاسم مش كنوع
مش فاهم تقصدى ايه
بص ياعمى دى علبه العلاج اللى سائر رماها والنوع دى لتقوية الأعصاب ومستورد وغالى جدا ونتيجته كويسه مع كل الناس ممكن تبقا ضعيفه مع ناس تانيه حسب استجابة جسمهم بس عموما تأثيره إيجابي ودى الأقراص اللى فى العلبه بس مش هى دى اللى المفروض تبقا موجودة ده مش العلاج المظبوط بس موجود فى العلبه الصح حضرتك فهمتنى
انتى بتقولى ايه دى كارثه يعنى العلاج علشان يتعب ابنى
أرجوك اهدى
اهدى ازاى ياليل ناس بتدمر حياه ابنى وعايزينه عاجز دايما
احنا لازم نفهم مين بيعمل ده وايه مصلحته فى عجز سائر
اكيد كده الدكتور الصيدلى المسؤل
مش لازم ياعمى
ازاى
ممكن العلاج بيتبعت مظبوط وحد بيستلمه ويبدله قبل مايوصل لسائر
مستحيل يابنتى العيله اه طماعه بس مش لدرجة الموت
الطمع يعمل اى حاجه ياعمى وعموما ده مجرد احتمال
طيب هنتأكد ازاى
هنروح نسأل الصيدليه اللى بتبعت العلاج
وهم هيعترفوا على نفسهم
حضرتك مركزك يخوفهم عايزاك بس بكره تاخدنى على اساس زيارة لاهلى علشان اطمن على امى ونطلع على الصيدليه
تمام يابنتى عمرى ماهنسالك اللى بتعمليه مع سائر ده
ده واجبى ياعمى المهم نعمل ده بسرعه
بكره بإذن الله ننفذ اللى قولتى عليه ده
تمام عن إذنك اشوف سائر وهحاول اخليه ماياخدش من العلاج النهارده وهو مش مركز اووى فده فى صالحنا
ماشى يابنتى ربنا معاكى
**************
سائر هديت
لسه فاكره
انا سيبتك علشان..
اششش خلاص مابقتش فارقه
سائر خلى عندك امل
ابتسم بسخرية من غير كلام
بالله مايبقاش تفكيرك كده
لو عايزه تطلقى
ماتكملش انا اخدمك بعيونى
بصلهابحزن وسكت
ليل اقسمت من جواها إنها هتساعده وبكره هتفهم كل حاجه وهتبدأ تديله علاجه المظبوط
دخلينى اوضتى
حاضر عايزه استأذنك اروح بكره اشوف والدتى اطمن عليها همشى مع عمو سليم الصبح يوصلنى
تمام مافيش مشكلة

ليل هتوصل لحاجه وهتقدر تساعد سائر ولا حد هيمنعها؟؟؟
(الرواية ناس بتنزلها باسمها مش مسامحه نهائى فى اللى بياخد مجهودى وفكرت اوقفها فعلا ونشوف هيكملوها ازاى😌💔 نكمل ولا نستنى شوية😖)
#العاجز_والحسناء

google-playkhamsatmostaqltradent