رواية يامقيدني وأنا حر الجناح كاملة

رواية يامقيدني وأنا حر الجناح الرواية الجديدة للكاتبة السعودية روز، وسوف نشاركم جميع فصول الرواية كاملة من الفصل الأول إلى الفصل الأخير عبر مدونة كلام كتب للقراءة والتحميل (pdf)

مقدمة رواية يامقيدني وأنا حر الجناح

لقد حاولتُ الموت سابقاً ، ما زلت أذكر ذلك المشهد جيداً
يأسٌ .. وحدةٌ .. حزنٌ .. فراغٌ .. ضياعٌ .. وجعٌ كبيرٌ و ملامة ..

فقدت بريق السعادة في لحظة واحدة ، لا أريد التكلم عن تلك اللحظة لأنها تجعلني أشعر أني أخسر كامل حقوقي ، ثم ما عدت أعرف ما الذي أريده !
أنتهيت هناك عند ذلك الصندوق الذي يحتوي على العديد من الأدوية

أبتلعتها غير مبالية ، لا أشعر إلا بالحزن ..
غفوت و استيقظت ، أدركت أني لا أزال على قيد الحياة
فتضاعف حزني ، تجاوزت الحزن ، انتهيت منه بأسوأ النهايات
ليس بإرادتي أنا ، بل بصدفة ضعيفة جداً ..
كانت تلك الصدفة متخمة بالهموم مما أدى لتداعي كل شيء
لكني لم أفز بالرضى المنشود بعدها ..
الآن رحل الحزن السابق كي تتراكم أخرى جديدة
فقدت حتى رغبتي بالموت ، ليس تفاؤلاً ، لكني تعديت الرغبة
و أصبحت لا أرجو أي شيء حتى الخلاص ..
لدي ما أريد ، بل لدي أسوأ ما أريد

“مثلا” أصبحت أمتلك أصدقاء
لكنهم يمتلكون العديد من الوجوه القبيحة
بعضهم يمتلك وجه ذئب يكاد أن يلامس الوفاء المطلق لك أنت حصراً
لكن إن استعمر الجوع جوفه فلن يتردد في أن ينهش لحمك ..
بعضهم يمتلك وجه ثعلب وسيم الملامح ناعم الفرو
يأخذك باحتياله لأي مدىً ترغب فيه
ثم يظهر مكره عندما تطرق مصلحته الأبواب
فتذهب وسامته لتحل مكانها ابتسامة خبيثة ماكرة ..

"مثلا” أمتلك حبيباً أستطيع أنتظاره مدى العمر
لكن يبقى السؤال الذي أخشى طرحه :
لو تبادلنا الأدوار ، هل سيحتمل انتظاراً ؟

“مثلا” أمتلك عائلة لكن لكل فرد منها مدينة يسكنها في غرفته
لغات مختلفه نتحدث بها ، أراء لا نقطة إلتقاء لها
رأفة لا تظهر إلا ساعة المآسي ..

لا شعور حقيقي لدي سوى هذا الحزن الرخيص
كل شيء يحتاج لثمن إلا الحزن ، رغم ثمنه البخس
إلا أنه يؤدي بنا أحياناً إلى الموت
فما هذه المفارقة الغريبة ، هل تعني أننا أيضا لا نساوي قروشاً ؟
بدأت بأني حاولت الموت سابقاً ، أردت أن أصل لقول أني الآن فقدت رغبتي بالموت ، لكن ، لو عادت لي تلك الرغبة فأنا لا أريد أن أموت عبثاً
أريد لموتي أن يحدث كارثة ، كأن أترك خلفي وجعاً كبيراً
صدمة تفوق التصورات ، صديقاً يجن جنونه ، حبيبا يتقطع قلبه
صحوة لكل ما سيغيب من بعدي ، كيف أفعل كل ذلك ؟
ثم أنتبه لحزني الرخيص ، حزني الذي يحتضني الآن
أقبله بحنان وأقول له :
“يا لك من حقير ولئيم تبحث عن بقاء عظمتك من خلالي
الليلة لن أموت .. فقط كي أثير غضبك”

البارت الأول

إنّ الشدائد لا تدوم .. مهما تطاول ليلها
‏سرعان ما تأخذ في رفوف الذكريات مكانُها ؛
مهما تراكمَت الغيوم الثقيلة في سمائك
وحجبَت ضياء الشمس عنك
وشعرت بأنك في ضيقٍ شديد من أمرك
وأحسست بأن اليأس يأكل بقايا الأمل في روحك
أُبشّرك أن الغيث يهطل عندما يعتم الأُفُق
وأن الشمس تُشرِق عندما يبلغُ الظلام ذروته
وأنك ستبتسم عما قريب " ابتسامةً من أعماقك "
تُنسِيك مرَّ ما مررت به .
حتّى أوجاعك التي لم يلتفت لـها أحد
( هي تحت عناية الله )
اللطيف الذي لولا تلطّفهُ بنا
لما كانت هذه الحياة مستطاعة
الرحيم الذي لم يخلقك للحزن ..
‏إنما خلقك للفرَح ، للأمَان ، للاطمِئنان
‏ وقد أودَع فيكَ الحياة بقدرتـه
فكيف لا يكفيك همًّا تحمله في صدرك ؟
ثق بالله، إستعن بالله، توكّل على الله
فهـو حسبُك ونعم الوكـيل ..

" هذهِ الكلمات ليست مجرد كلمات إستفتاحية
لهذهِ القصّة ، ولم تكتب لتعبئة المساحات الفارغة
‏ إنّما كُتبت لأن الله يريد لك أن تقرأها
فأعِد قراءتها بقلبك لا بعيناك.
---
هدف لا بد من تحقيقه
رحلة لا بد من خوضها
إنكسار لا جبر لـه
مكان غير مألوف
و أشخاص بأقنعة
و حياةٌ لا بد من عيشها

في احد البيوت الكبيرة، غرفة يسكنها الظلام والهدوء
كانت ماسكة بين يدينها رزمة من الأدوية ، ويدينها ترتجف وانفاسها مابين علوُ وإنحدار ، طاحت من يدينها كل الأدوية
ورفعت يدينها لراسها وشدت شعرها بكلّ غضب : ماراح اموت
الليلة ماراح اموت ..
مرت دقيقة صمت، ارتخت وارخت يدينها عن شعرها، ونزلت كفها لعينها ومسحت بطرف أصبعها دمعتها اللي بطرف عينها ،قبل تنزل لإنها حالفة إنها ماتنزل مهما حــصل لها.
أنفتح باب غرفتها ورفعت راسها، ماشافت شخص غريب
شافت اقرب إنسانة لها رغم غرابتها و"أحنّ شخص" عليها
رغم وجود من هم الأحنّ "مفترضاً" ..
حسّت بالعبرة تخنقها من جديد ، وبلعت غصّتها ونزلت عيونها وقالت برجفة : فاطمة ليش دخلتي ؟ انا ما قلتلك مابي آكل شيء ؟
فاطمة : ماسمعتك لما قلتي
جلست قدامها ونزلت الصينية بينها وبينها ، وسرحت ثواني بالأدوية اللي قدامها وحست بوخزة بقلبها، عرفت النيّة والمقصد وفهمت كل شيء .
زمجرت بغضب : هدا إيش يا نجـلاء ؟ نفس المرة الماضية صح ؟
لا ردّ من نجـلاء ، حسّت بكبر غلطها رغم ايمانها التام والمطلق انها راح ترتاح بعد هذا الغلط.
فاطمة بحرقة قلب : ليش كذا ؟
نجلاء برجفة : خلاص خلاص مااكلت شي منهم ، إرتاحي
سكتت ، وسكتت فاطمة وهي تحاول تستعيد هدوئها وتخفف توترها ثواني وردت بهدوء : ليش سويتي كذا ؟

البارت الثاني

فاطمة : ليش سويتي كذا ؟
نجلاء ببرود مُعتاد : المهم اني تراجعت
مو انا المفروض اموت، مفروض هم يموتون !
فاطمة : مايصير، كذا غلط، انسي كل شيء حصل وعيشي حياتك خلاص
عمّ الصمت بالمكان ونجلاء تراقب ملامح فاطمة
اللي بان فيها الضيق والألم رغم الظلام الا انها شافتـه.
فاطمة بغصة : قولي حمدلله عشان اهلك معاك، وانتي معاهم وحاسة بوجودهم ، شوفي انا صار لي٣٠ سنة بدون أهل
ولو رجعت لهم ماراح يعرفون مين انا .
حسّت نجلاء بوخزه بصدرها من كميّة الألم بكلام فاطمة
وكمّلت فاطمة بحزن : انا ماعندي اهل ولا اولاد ، بس انتي بنتي
واذا تبين تحرقين قلبي عليك ضري حالك !
قامت عنها ومسكت بعض من الأدوية وحطتهم بين يدين نجلاء
وكمّلت : يالله انتحري ، سوي اللي تبينه
نجلاء مسكت يدينها وقالت بأبتسامة ذابلة : اسفة والله اسفة
ماكان قصدي ازعلك، بعدين حتى انا مثلك مالي اهل
صدق انهم موجودين بس مابيهم، انتي امي وأهلي .
رجعت فاطمة جلست ويدينها لازالت بيدين نجلاء
وقالت وهي تتصنّع الزعل : ليش ، ليش كنتي تفكرين تنتحرين ؟
نجلاء غمّضت عيونها بقوة من ذكرى أليمة داهمتها وقالت وهي تحاول تطرد هالذكرى من كيانها رغم إنه صعب : ولا شيء .. عبط بنات بس !
فاطمة : ان شاءالله كذا وبس ، يالله ماما افطري كويس
لإن العصر ابوك يبي يشوفك بإجتماع العائلة
ضروري تكونين موجودة لإنه ملزّم يشوفك .
نجلاء اعتفست ملامحها من طاريه وردت بضيق : مالي خلق له
قولي له اني معزومة
فاطمة بحرص : مافيه مجال، راح يدخل لغرفتك ويسحبك بالقوة .
نجلاء : مابي اشوفه ياربي مو غصب .
فاطمة : قولي هذا الكلام له ، تعرفين ابوك زين
من مايعرف ابو راكان، عيسى الغـانم !
اسم ابوها رغم هيبته الا انها تشائمت من ذكره وردت بملل : طيب .

طلعت فاطمة من غرفة نجلاء، وإتجهت لغرفة ثانية ، وكانت مترددة بدخول الغرفة لكنها دخلت وهي تتصنع الإبتسامة .
طاحت عينها بعين صاحبة الغرفة اللي كشّرت من وجودها
وقالت بحدة : وبعدين يعني؟ ليش ماتستأذنين قبل الدخول ؟
فاطمة : معليش ، انا جيت اقول لك ان ابوك وصاني اخبرك
ان العصر في إجتماع وضروري تكونين موجوده.
افنان بضيق : هو قال لك كذا ؟
فاطمة : اي ، حرّص علي اقولك انتي ونجلاء وثريا
افنان : غصب يعني ؟
فاطمة : انتي ادرى بأبوك ، عن اذنك .

طلعت فاطمة وإتجهت لغرفة ثالثة ودخلت بهدوء ، كانت الغرفة ظلام وباردة ، حست انها لو دخلت راح تمرض من شدة البرد .
طقت الباب واعتلى صوتها : ثريا قومي صلي الظهر
ثريا بصوت خافت : صليت ، وعندي خبر بالإجتماع ، وماراح احضره .

البارت الثالث

في أحد المصانع القديمة المهجورة
مكان لايسكنه الا السكون و" أفراد عصابة "

وقف بصمت ، قلبه ينزف ألم وقهر، حاول انه ياخذ نفس لعلّه يطفئ ماإشتعل في داخله، لكن انتصر عليه شعور الإختناق
قطرات العرق وضحت على جبينه ، قبض على كفه بقوّة
و نطق بصعوبة : تبيها براكان، ولا سليمان؟ ولا تبيها براسه هو ؟
طال الصمت من الطرف المقابل اللي كان سرحان بالسلاح بين يدينه، كان يحركه يمين ويسار وفي باله من الشرّ مايصعب على الشياطين.
ردّ بصوت هادي يعكس ماتأجج داخله من براكين : اذا قتلنا راكان وسليمان ، ولا حتى لو قتلنا عيسى الغانم ، تظن اننا بنرتاح ؟
بناخذ حقوقنا؟ جاوبني يا جابر
جابر صد عنه وهو يحسّ انه بدأ يفقد السيطرة على نفسه، طاحت عينه على كرسي خشب صغيره، وسحبه بقوة الى ان صار مقابل للطرف الآخر ، جلس قدامه وجمع قبضة يده وضرب فيها على الطاولة الخشبية الصغيرة وقال بصوت حازم ونبرات صارمة : ابي يبرد غلّيلنا ، ماعاد نبي هالحقوق اللي تسولف عنها ، انا ابي راسه ، مابي حتى روس عياله ولو انهم اخذوا كل شي ..
سكت شوي ورفع كفّه لراسه ومرر أصابعه بشعره الكثيف، والحقد يتغلغل داخله : يارجل تكفى، تكفى خلنا نتسلح ونهجم على بيته، ناخذ كل المستندات اللي نبيها واللي مانبيها، نفضح تاريخه ودناسته
تكفى ياسعود لاتخليها جمرة في كبدي .
سعود وقف وإتجه بخطوات بطيئة ، وقف قدام النافذة الصغيرة وعينه سرحت بالمكان الفاضي خارج المصنع ، طلّع باكيت الدخان من جيب بنطلونه ، حطها بين اصابعه وشغلها وجلس يدخن دقيقتين بدون توقف الى ان حسّ بخمول فضيع وارتخاء وطاحت السيجارة من يده على الأرض وداس عليها .
جابر كان يراقب تصرفاته بملل ، كان يحسّ بيأس من برود سعود ، وقف بيطلع ويبعد عن هالمكان قبل يصير اللي مايبيه .
استوقفه صوت سعود الهـادي : جهّز نفسك، وعلم الشباب يتجهزون، خلهم يتحرون ويترصدون له ويراقبون بيته ويحددون لنا متى نقدر ندخله ..
جابر وقف، ابتسم شبه إبتسامة وهو يتخيل ان عدوّه اللدود ميّت على ايدينه، او على الأقل مسجون وراسه بالأرض.
كمّل طريقه ورفع جواله ، اتصل على "ثالث أفراد العصابة"
: جهّز نفسك يامحمد ، بدينا الحرب على عيسى وعياله
محمد : لاتوصي حريص، مراقب كل تحركاتهم
جابر : بكرة قبل الفجر لازم نكون منتهين من موضوعه .
محمد : صار له يومين مختفي واليوم قبل صلاة الظهر وصل بيته، اعتقد انه يخطط لشيء !
جابر : مايبي لها تفكير ، لكن لازم نكون حريصين ، ان راح من يديننا هالمرة بنفقد كل اللي سعينا له طول السنين
محمد : ماراح نخسر ولانفقد اكثر من اللي فقدنا .

البارت الرابع

العصر ، بيت أبو راكان :
كان يجلس بصدر المجلس العربي الفخم، وعلى يمينه زوجته أم راكان وقبالهم المقهوية وبيدينها الدلّة والفناجيل وتقهويه
دخل راكان ببدلة الشرطة وكان يمشى بخطوات ثقيلة ، لما شاف أمه وابوه ارتسمت إبتسامة على محيّاه وإرتفع صوته بكل المجلس : السلام عليكم .
ابو راكان : وعليكم السلام.. وين اخوانك
راكان وهو يجلس : مدري عنهم
أخذ فنجال القهوة من المقهوية وناظر لأبوه وقال بهدوء : ياليت ماتتأخر يبه تعرف دوامي بعد نص ساعه يبدأ
ابو راكان : ماني متأخر، موضوع لازم تعرفونه
إتجهت نظراتهم للباب لما سمعوا صوت خطوات ، دخلت ثريّا
بأبهى طلة وكأنها حاضرة جمعة بنات مو إجتماع اهل بسيط .
ابتسمت لهم وسلمّت على راس ابوها وجلست بالكنبة المقابلة لكنبة راكان ، وكانت فرصة راكان انه يرمقها بنظرات حادة
لكن ما إهتمت له ثريّا والتفتت لأبوها : من زمان مو جامعنا يبه
ان شاءالله خير ؟
ابو راكان : خير وانا ابوك ، بسيط الموضوع
ثريّا كأنها عرفت وش هو وقالت بإندفاع : اذا سفرة فكنا منها
انا بعد يومين تدشين كتابي
ناطر لها بنظرات قاسية الجمتها وكمّل راكان : مشكلة جنون العظمة
تبيني أحرق معرض الكتاب بكبره ؟
ثريّا كانت تدري انه صادق ويقدر يسويها بكل سهولة
لكنها ماوضحّت خوفها منه : خير ان شاءالله استاذ راكان ؟
وين عايشين حنا ؟ وخير وإذا ضابط ونقيب؟
وربي لو حصل هالشيء لأبلغ عليك !
اتسعت إبتسامة راكان ورجفت ثريا ورفعت جوالها لاشعورياً : مع الدليل طبعاً، انا مسجلة كلامك !
ناظرت لأبوها بعيون تلمع وصوت راجف من القهر : يبه ليش ساكت ؟ تخيل انه مستعد يحرق ويضر الناس ويدمر مستقبلي ومستقبل غيري لإنه خايف من كلام الناس !
سكتت ثواني وناظرت فيه وكملت : على فكرة ابوي راضي ، انت ليش تتدخل !
استفزته بتحديها له وإستحقارها له ولمكانته ، فضّل الصمت على انه يجادلها أكثر ويزيد بأفكاره الضادّه لها.‏
ابو راكان بحزم : راكان ؟ هالكلام تقوله لأختك وانا جالس ؟ ياحيف عليك
تبيني افصلك واخليك تعرف شلون تستخدم سلطتك ؟
قطع حوارهم دخول نجلاء، كانت تتمخطر بمشيتها وكأنها أميرة ، وقالت وهي تتجّه لهم : خله يسيئ استخدام سلطته ، ولا حرام على راكان وحلال على ابوه اللي مابقى ادمي ضعيف ماظلمه ونهَب حقّه !
ابو راكان حسّ الدم يفور بعروقه ووقف لاشعورياً ومسكته ام راكان بقوّة ووقفت جنبه وهمست بحذر : ماعندها الا الكلام ، اتركها عنك، لاتخليها تحقد اكثر ويصير شي مانبيه ..ترا ماهي مثل ثريا ، هذي باسها شديد وماينقدر لها !

البارت الخامس

سكت أبو راكان وحاول يهدي أعصابه ، وعيونه بعيون نجلاء الساخرة
كانت تخفي ضعفها بنظرات حادة ، وتّرتها نظرات ابوها ولمّت عبايتها على صدرها بقوة وقالت بهدوء : عموماً مايلزمني إجتماعكم
وسياسة عائلتكم ماتعنيني ، انا معزومة مع صديقاتي وبطلع .
عطتهم ظهرها ومشت خطوتين ، وقفت وإلتفتت لهم
وقالت بإستحقار : اذا في شيء مهم مرة مرة اكتبوه بورقة و..
سكتت شوي وكمّلت : وانقعوها واشربوا مويتها، على بالكم بقول عطوني اقرأها ، ماتهموني كلكم ، الله ياخذكم ولايبقّي منكم احد .
حوّلت نظراتها لـ ثريّا وقالت بقهر : حتى اختي بنت امي اللي نست حق امي وفجأة سبحان الله صار ابوي غاليها ، حبيبتي ابوي يعطيك فلوس ويدعمك معنويًا ومادياً عشان تنطمين وتسدين حلقك عن مصايبه .
ثريّا رجفت ونزلت عيونها بالأرض ، ابو راكان ماتمالك أعصابه ووقف واتجه لها بخطوات سريعة ورفع كفّه وبرمشة عين هبط على خدها الأيسر ، وبعدها ماشافها قدام عينه لإنها طاحت وارتطمت بالأرض بقوّة ، حست جسمها كله تخدر من الضربة وغمّضت عيونها بقوّة لما ارتفع صوت ابوها بالبيت كلّه : فاطمـــة ، يازفت يافاطمـــة
بلمح البصر كانت واقفة قدامه فاطمه وهي تنتفض من خوفها وبصوت مرتبك : سم طال عمرك..
ابو راكان رفس نجلاء برجله وقال بإحتقار : خذي هالكلبة ، قفلي عليها وان شفتها طالعة برا غرفتها قفلت عليك معاها وذبحتكم كلكم وريّحت راسي منكم !
فاطمة حست نار تسري بجسمها من الخوف والغبنة وقلة الحيلة وانحنت بدون شعور وتردد لمستوى نجلاء ورفعتها عن الأرض وساعدتها لين وقفت قبال ابوها.
كان شعر نجلاء منتثر على وجهها ومغطي ملامحها ، أستجمعت صوتها وقالت بضعف : تشبه إبليس بكلّ شيء .. طويل عمر وظالم .
ابتسمت بتشفّي : حتى نهايته تشبه نهايتك ..
اسوء نهاية على وجه الأرض ، وهذا وعد ربّاني .
انحنت وأخذت طرحتها من الأرض ،وانحنت معاها فاطمة وجمعت بعض أغراضها اللي انتثرت من شنطتها وقت ماطاحت ، وطلعوا من المجلس بنفس الوقت اللي دخلت فيه أفنان وكانت مستغربة أشكالهم، وكانت بتسأل شفيهم لكن لما شافت ملامح ابوها معصب واخوانها ساكتين عرفت السبب ، جلست جنب ثريّا وهمست : وش صاير ؟
ثريا : ماتعرفين نجلاء ولسانها
افنان : هذي مو صاحية ؟
ابو راكان التفت لراكان وقال بحدة : دق على الزفت الثاني شف وينه، ليش هالتأخير
راكان : جاي بالطريق .
خمس دقايق ودخل عليهم سليمان ، سلم على ابوه وأمه وجلس جنب راكان وكان مستغرب عصبية أبوه لكن ماتوّقع انه بسبب نجلاء .
راكان : هذا حنا اكتملنا ، اسلم يبـه .
إتجهت نظراته الجميع له ، وكل واحد يخمن من عنده ..

البارت السادس 6 أضغط هنا

مدونة كلام كتب

إعلان الهاتف

رواية يامقيدني وأنا حر الجناح كاملة - بقلم روز