إعلان الهاتف

يوم وضح لحظة ابعاده والله اني له شفوق (4) - روايات ملاك

من روايات ملاك إليكم قراءة الفصل الرابع من رواية يوم وضح لحظة ابعاده والله اني له شفوق للكاتبة ملاك، على مدونتنا كلام كتب للقراءة والتحميل، ولقراءة الفصول السابقة عبر الروابط التالية:
  1. قراءة الفصل الاول من هنا
  2. قراءة الفصل الثاني من هنا
  3. قراءة الفصل الثالث من هنا
 وهذا الفصل يحتوي على البارت العاشر والحادي عشر والثاني عشر.
 
يوم وضح لحظة ابعاده والله اني له شفوق (4) - روايات ملاك 

البارت العاشر من رواية يوم وضح لحظة ابعاده والله اني له شفوق

 قدومك فجر ما شمّو هواه الناس
ياويـل الناس لو شمّو هوا فجرك

في بيت أهـل ام عبدالرحمن »
منسدح في المقلط يفكر بسفرته الي بعد يومين لو تمت السفره على خير و الشي الي اتفق عليه هو ومجموعه من الاجانب بيكسب فلوس كثييره وبيقدر يطلع من بيت خواله بعد مايستأجر له شقه انطق الباب ثم انفتح ، دخلت ام عبدالرحمن : زين مانمت
قام عبدالرحمن من الفراش المفروش على الارض
: أمري بغيتي شـيء؟
ام عبدالرحمن : ابي فلوس
عقد عبدالرحمن حاجبينه : يمه قبل يومين معطيك فلوس
ام عبدالرحمن جلست على الارض و تربعت :
الفلوس أخذها خالك،طلبها مني وعطيته و الفلوس بأخذها اشتري فيها فستان لملكة بنت خالتك جُمانه
عبدالرحمن بتفكير : متى الملكه؟
ام عبدالرحمن ابتسمت بداخلها : بعد اسبوعين
اخذ يدها بحنو وباسها : من عيوني كم ام عبدالرحمن عندي
ابتسمت ام عبدالرحمن بتصنع :
الله يخليك لي ، تسلم مـاتقصر .

الـيوم الثاني ، ببيت ابو ماجد :
كانو متجمعين سعود و عبدالرحمن و بتال
أبتسم سعود بفرحه وهو ينـزل الجوال :
وصلت أول دفعه من الفلوس من اول شخص أخذناه استانس بتال على هالخبر الي يأكد أن الشغله الي بيشتغلونها بتكسبهم ملايين في أياام ،عكس عبدالرحمن الي يحس بتأنيب الضمير بس يتذكر خواله يقسي قلبه ، بفضل الفلوس الي بيكسبونها بيقدر يطلع له بيت و شقه والي يهواه قلبه
عبدالرحمن تكلم و هو يمرر يده على ذقنه :حلو ، و الرحله بكره إن شاءالله ،رفع نظره لبتال الي سرح :
لا تأخرنا يا بتال اعرف نومك ثقيل و بتنكبنا
اومئ له بتال بدون لايفتح فمه بحرف وهو متضايق انه هو و عبدالرحمن بس الي بيروحون ولو حصل لهم مشكله هناك بيطيح كل شي فوق روسهم و سعود بيطلع مثل الشعره من العجينه ،قال سعود بعد ماحس ان الكلام ماعجب بتال:
بتال إذا مو عاجبتك الشغله قول لنا من البدايه
ناظره بتال و قال بهدوء أستفز سعود :عارفين ليش دخلت من البدايه معكم ، وأكيد الشغله موب عاجبتني بس مجبور !!
بس الي مافهمت للحين تنك ولد عز شيدخلك في هالامور ؟
حط سعود شماغه على كتفه وعقاله بيده ووقف
: هذا عاد شي مايخصك
كان بيطلع بس تذكر شي ولف عليهم :نسيت اخبركم خالد بيروح معكم ، كلمني قبل ساعه يقول مخاويكم
و غمز لهم : مااوصيكم شدو حيلكم رحلتكم بكره الساعه ٧ ونص الصبح خلكم صاحين من الساعه ٥ ياللـه سلام

ملحوظة: لقراءة باقي فصول الرواية أبحث بأسم الرواية في خانة البحث على مدونة كلام كتب، أو قم بكتابة أسم الرواية في جوجل ثم أسم مدونة كلام كتب.

البارت الحادي عشر من رواية يوم وضح لحظة ابعاده والله اني له شفوق

ودّعـتك الله وفي حفظه و فـ أمانه ،
من كل حاجَه تصير وتاخذك مني ♥️
لـنـدن ، عند ساره و سيرين :
بما أن اليوم يوم عطله طلعت ساره مع سيرين لساعة بيج بين ، وهي من اهم الأماكن السياحيه في لندن كانت لابسه فستان أحمر ناعم اكمامه نص ويوصل لتحت ركبتها و شوز اسود
كانو يتمشون داخل البرج ، ساره كانت مشغوله تصور و سيرين تتأمل المكان بهدوء ،ساره بعد ماانتهت تصوير ناظرت سيرين وقالت بصوت واطي علشان محد يسمع صوتها وينتبه للهجتها لانها ماتحب تكلم سيرين الا باللغه العربيه وهي اللي علمتها اللغه العربيه لانها من صغرها وهي هنا ف شي طبيعي انها ماتكون متقنه اللهجه بس كانت تقلد سيرين كثير و بلكنتها و كلامها لحد ماتعودت على اللهجه وصارت تتقنها :
شرايك نروح لقصر باكنفهام؟
تغيرت ملامح سيرين قالت بتعبّ :
بس المسافه بعيده ياقلبي ، أنتي روحي و انا بنتظرك هنا
اومئت لها ساره ثم قالت وهي تبعد خصلات شعرها عن وجهها : اوك ، بتجي جنان هناك بقابلها
سيرين بحرص وتنبيه :
أنتبهي لنفسك و خلي جوالك مفتوح مو تقفلينه نفس كل مره و تخوفيني عليك !
ابتسمت ساره : من عيوني و طلعت تمشي بإقدامها لقصر باكنفهام لان المسافه مو بعيده مره أقل شي ١٠ دقائق .
.
بالقرب من قصر باكنفهام كانوو مجموعه متكونين من اربعة اشخـاص ، يتابعون حركات الي يمشون قدامهم و يخمنون كونهم من عائله ثريه أو لا أبتسم واحد فيهم و هو يأشر على بنت متجها ناحيتهم تمشي بعجله ‏: Look at these, do you fit
" أنظر إلى هذه ، هل تناسبك ؟ "
توجهة نظراتهم ناحية البنت وهم يتمعنون فيها ويدققون في ملابسها و شكلها و هل توحي بأنها من عائله ثـريه !
وقفت ساره بعد ماكانت تسرع خطواتها لاانها توصل للمكان الي اتفقت عليه هي و جنان صديقتها ،طلعت جوالها من شنطتها و هي ترد على المكالمه الي جتها ضرب واحد من أفراد المجموعه صديقه الي أشر عليها وهو يبتسم بخبث :
‏It has a new and distinctive phone type
" لديها هاتف من النوع الجديد والمميز "
ضحكوا بخبث وسعاده أنهم لقو مرادهم ، و خصوصاً انها بنت وماراح يتعذبون كثير بخطفها قام واحد من المجموعه بعد مااتفقوا بطريقة خطفها

البارت الثاني عشر من رواية يوم وضح لحظة ابعاده والله اني له شفوق

تساؤل الشاعر المسّتاجع الُمحب :
ليه يا نور عيني بـان منك الجفا ؟
ليه يا جنة الدنيـا و لذاتـها !
قفلت جوالها و مشت بخطوات سريعه لقصر كانفهام انجبرت تدخل في زاويه من زوايا الطرق للقصر اول ماخطت رجلها داخل المكان الصغير المؤدي للقصر ماحست الا بيد انحطت على فمها بالبدايه ثم منديل مبلل بماده و حطها على خشمها
كانت بكل مااعطاها ربي من قوه تتحرك وهي ميته رعب من يـد الرجل الي انحطت على فمها لااجل يكتم صراخها و من ثم انفها
حاولت تفلت من يدينه لكن ماقدرت وتوسعت عيونها بخوف وهي تشوف شخصين ثبتوها وهم يساعدون صديقهم ، إنزلت دموعها وهي تضربهم محاوله انها تفلت منهم ، لكن تدريجياً بدات تفقد قدرتها على الحركه و ما تعدت خمس دقايق الا هي بين يدينهم مخدرهم تحس فيهم بس م تقدر تحرك جسمها
دخلوها في سياره مضلله من برا سوداء ، تحرك السائق و الي جمبه بدا يفتش شنطة ساره لااجل يوصل لشي يوصله لاأهلها علشان يطلب منهم فلوس حاول يفتح جوالها بس كان فيه باسورد و هذا الي منعه .
.
بعد ساعتين ونص.
سيرين فقدت ساره و جنان معها لانها انتظرتها بالمكان الي اتفقو عليه و لا وصلت لها اتصلت عليها اكثر من مره لكن لا مجـيب و من هنا دقت على سيرين تسأل عنها ، توجهة سيرين للشرطخ الي في المكان وهي تعطيهم أوصاف ساره لعل وعسى يلقونها
الشرطي : How to form a girl
" كيف شكل الفتاة ؟ "
سيرين بدأ تشرح له بصوت مهزوز وقلب مفزوع
‏: A girl with short black hair and a white complexion and a red dress
"فتاة بشعر اسود قصير و بشرة بيضاء وفستان احمر " و بدأت تشرح لهم التفاصيل .
.
.
في اللـيل الساعه 2 .
دقت سيرين على ابو ساره و قالت له الي صار بعد مافقدت الأمل بأنها تلقاها قفلت جوالها و بكت بخوف أن يحصل شي لساره ماراح تسامح نفسها لو صار فيها شي لانها هي السبب
ضمتها جنان الي مو اقل منها خوف :خلاص ان شاءالله ابوها بيتصرف ، الله يخليك لا تبكين بسك بكي قطعتي قلبي
مسحت دموعها سيرين و هي تقول بصوت مبحوح من البكي :
الوقت تأخر كيف بترجعين لسكن الحين؟
ابتسمت جنان لقلقها عليها وخوفها أوقات تحس انها امها الثانيه من اهتمامها وحرصها عليها هي و ساره : بنام عندك اليوم ماراح ادوم بكره
اومئت لها سيرين و تفكيرها مشغول بساره وتدعي ان الله يحميها ويحفظها لها لو صار فيها شي ، هي بتكون السبب !

في المملكه:
الكل كان مختبص ومصدوم بالكلام الي نزل عليهم مثل الصاعقه
ابو ساره من قوى الصدمه ماقدر يسوي اي شي سواء انه يقول لهم الي حصل
  • جميع الحقوق محفوظة لدى الكاتبة ملاك، وهذا حسابها على إنستغرام: malakrwaiat@
google-playkhamsatmostaqltradent