إعلان الهاتف

رواية ارويني من خمر شفتيك الحلقة 3 - روايات ملاك

 إليكم قراءة الحلقة الثالثة من رواية ارويني من خمر شفتيك للكاتبة الروائية ملاك، وتتضمن الحلقة الثالثة البارت 7 و8 و9 ، حيث نشارك في كل حلقة ثلاث بارت من الرواية، وتعد الرواية من أفضل روايات إنتسقرام. حيث قراءة ألاف القراءة في الوطن العربي، خاصة المنطقة الخليجية، وتعد من أشهر الروايات السعودية الإلكترونية.
ويمكنك قراءة جميع بارت الرواية السابقة التي نشرت على مدونة كلام كتب للقراءة والتحميل، من خلال الرابط التالي:

رواية ارويني من خمر شفتيك الحلقة 3 - روايات ملاك
 

  البارت (7) من رواية ارويني من خمر شفتيك 

يا الخطا الاجمل و يا الذنب المباح
‏سعد حظ اللي سرح في ناظرك..
صدت عنهم منقهره وبنفس الوقت تتوعد فيهم ركبت السياره وسكرت الباب باقوى ماعندها وبقهر و بحه
قريبه للبكاء : امشش
عقد حاجبه وهو يناظرها شغلت باله بحتها وكيف
عيونها متغورقه دموع، حرك بهدوء لانه عارف ان صاير شيي بس سكت ينتظرها تهدا
اما غيداء و ليال يناظرون بعض مستغربين ؟
__
ركبت وعد مع ريـم بلغوا ماجد انهم بيرجعون وان
دباب وعد غرس و وصفوا له المكان عشان يجون يشيلونه
وعد وهي ضامه ريـم من وراء: موكنا زودناها
ريـم اخذت نفس: على
وعد: بلااستغباء تعرفين مين اقصد
ريـم: بالعكس عادي نتكلم نفسهاا
وعد: بس حرام كانـ اا -وقفت ريـم الدباب :
كلمه زايده بنزلك هيناا وشوفي مين بيلاقيك او يفكر
يدور عليك
وعد بهمس: ياشينك وانتي منفسه -وبصوت شبه عالي:
امشي وبلاكلام زايد هذا الي ناقص
كتمت ضحكتها ريـم ومشت ~
___
نزل البنات بس بقت اسراء لانه اشر لها تجلس
سلطان: شصار هناك
اسراء وهي تناظر لقدام: ماصار شي
سلطان بهدوء: جايه وصوتك متغير ودموعك في عيونك وماصار شي ؟ قولي شصاار
امتلت عيونها دموع وقالت له كل الي صار بالتفصيل
اسراء وهي تشهق: كله من ريـم بس تفشلني
وغطت وجها بايدينها وبكت بحرقه
احتدت ملامحه وهو يسمع كلامه يحس بكمية حقارت
ريـم بهالموقف !! لف عليها وهو يسحب ايدينها ويمسح دموعها بااطراف
اصابعه:
لااشوف دموعك هاذي تنزل على ناس ماتسوى مفهوم!
وانتي بنت عبدالعزيز واخت سلطان من هي عشان تبكيك بكم كلمه وتتمادى عليك؟ تنزلين الحين وتسولفين وتضحكين
ولا يهمونك وحاولي ماتحتكين فيهم تمام
هزت راسها بـ طيب، طلعت من شنطتها مسكرا وروج
ضحك سلطان عليها: لوحاطه ذاك الخط مدري شسمه
توهقتي صدق
ضحكت اسراء غصب وببحه: اي والله '
'
‏ ༄ الساعه ٩:٣٠ بالليل، عند البنات ༄
ريـم وهي تناظر لـ وداد: اشغل الحطب برا ولاتبونه هينا
روان:لااحسن برا الجو يجنن
ريـم وهي تشيل خيشة الجمر: مدامك تبين برا برا
ابتسمت روان لها وطلعت ريـم تشب النار
نزلت وعد وهي لابسه بشت شتوي ثقيل ويالله تمشي
وداد بصدمه: شلابسه انتيي
وعد ضحكت وهي تلف حولين نفسها:
والله بردانه وحلفت على نفسي الا ادفيها شرايكم
غيداء: ويعع جوك مسويه فيها تضحكين
وعد ناظرتها:شعليك جوي ولاجوك؟
روان وهي كاتمه ضحكتها: حبيبتي وعد من وين لك هالبشت
رفعت كتوفها بمعنى ىـ م ادري
شهقة وداد: لو انه حق واحد من العيال ماتـ اا
روان قاطعتها بضحكه:سلطان لوبيشوفه عليك قص ايدينك
وعد بخوف رمت البشت بحركه عفويه:اجل وعليكم السلام ووو
  • جميع الحقوق محفوظة لدى الكاتبة ملاك، وهذا حسابها على إنستغرام: malakrwaiat@
  • للدخول إلى البارت التالية أضغط على التالي 
<><>   

  البارت (8) من رواية ارويني من خمر شفتيك 

 لو القرب على قد المحبة كان
‏صرت اقرب من ضلوعي لي .
..
وعد بخوف رمت البشت بحركه عفويه:اجل وعليكم السلام
وديورت لـ فوق تجيب لها جاكيت لان الجو بارد~
ضحكوا على شكلها وكملوا سوالف
___
عند ريـم كانت في الحوش تضبط جلستهم مع خدامتهم
كانت لابسه بنطلون اسود على بلوزه بيضاء وجاكيت جيشي يوصل لنص فخذها و فاكه شعرها وطالع مموج
مع شوز اسود تكرمون، كانت لاهيه بترتيب الجلسه مولم
الرايح والجاي
كان مار من عند قسم الحريم بياخذ القهوه والشاي
كان في باب قاطع حق حوش الحريم و الرياجيل
فتح طرف الباب بيدخل بس شد انتباهه صوتهاوهي تقول
: كيف يشتغل هذا الحين
كانت تحاول تشغله ماانتبهت للي واقف يتآملها
سلطان بهمس عاشق متيم ولهان مبتسم:
متئ اطوي كَفوفي خلف ظهرك وأضمُك ؟
اول ماقال هالجمله تذكر دموع اسراء تنهد بضيق
تنحنح بصوت عالي : يا ولـد
ريـم من سمعت صوته فزت ودخلت ركض للفله
صدمت على دخلتها كتف اسراء
اسراء بعصبيه: عمى ماتشوفين
ريـم طنشتها ومشت لـداخل
طلعت اسراء وشافها سلطان ونادها
اسراء بشك: من متى وانت هيناا
سلطان: توني داخل عسى ماشر
اسراء تنهدت براحه: الشر مايجيك امرشالي جايبك؟
سلطان: ابي الشاهي و القهوه الرياجيل يبونها
اسراء تذكرت لما ريـم حطت القهوه والشاهي في الجلسه
عشان اذا طقوا الباب توديها الخدامه :
لحظه ريـم حاطتها هينا - راحت تجيبها
وعقدحواجبه وهومستغرب شدخل ريـم في القهوه والشاهي ؟
___
عند ريـم دخلت غرفتها واخذت الشبسات والمشروبات
والحلاويات ومن هالخرابيط نزلت لتحت وهي تمشي
شوي شوي عشان لاتطيـح
نزلت ليال على نزلت ريـم ابتسمت بخبث وهي تقرب
منها دفتها بخفيف ومشت تضحك بدون صوت
ريـم ماقدرت تتوازن وطاحت شهقت بالم:
مرض انشاءالله -جلست على الارض وايدها على
ظهرها
الا على جيت وعد من شافتها بهالشكل فطست ضحك:
ريـم الفخمه تطيحح؟ هههههههههههه
ريـم عصبت:ولعنه وربي مااخليها المريضه
ساعدتها وعد وقامت شالت الاغراض معها :
مين اسراء ولا غيداء
ريـم وهي تشيل الاغراض الباقيه: المريضه الثالثه
وعد: شغلها عندي امشي بس
ريـم وهي تمشي وراءها: موناقصين فضايح قدام عماتي
وعد بتسليك: طيب طيب شف من يتكلم '
‏ ༄ عند البنات ༄
وعد و ريـم شابكينها ضحك وحش و روان و وداد
يسولفون ويهاوشون ريـم و وعد على اصواتهم العاليه
و اسراء و غيداء و ليال يسولفون ومحور حديثهم ريـم "
ريـم ميته ضحك و تتكلم بكلام متقطع
ماجد و سلطان و بندر واقفين عند الباب بيسلمون على
عماتهم
  • للدخول إلى البارت التالية أضغط على التالي 
<><>   

  البارت (9) من رواية ارويني من خمر شفتيك

أشفقّ على أحكاك وتدراجه
‏في مسمعي ، ويوقع بـ جوفي.
__
سمع صوت ريـم وهي تتكلم وفيها الضحكه ماتحمل وضحك : ياربيي راحت الهيبه ياريم -فتح الباب ودرعم
هينا سلطان احتدت ملامحه وهو يشوف بندر يناظر في
البنات لان الباب مفتوح، تقدم بهدوء ماقبل العاصفه و
سكره بقوه
ناظره بندر بعدفهم لـ حركته صد عنه وطلع جواله يكلم
على مايجي ماجد
اما سلطان ف كان يبتسم بين فتره وفتره على ضحك
ريـم وبنفس الوقت الغيره ماكله قلبه لان بندر واقف و
يسمع الصوت
اتصل على ماجد
ماجد: شتبي
سلطان بحده: خل الي عندك يقصرون صوتهم الرياجيل
شبعوا من اصواتهم، بعدين موكنا داخلين بنسلم ؟
ماجد: طيب دقيقه -بعد الجوال :
قصروا أصواتكم ماتستحون
ريـم رفعت حاجب: طالع منها انت الحين
وعد بتعزيز: اي والله صادقه ريـم تضحك معانا وصوتك عالي ويجي ويقول قصروا صوتكم
ماجدبعصبيه مصطنعه: عمكم ياحيوانات تقولون امر وسم
غيرها ماابي اسمع
ريـم: اقصاك ماجد بس لاترفع خشمك
سمعها سلطان وضحك من قلبه على كلمتها-
ماجد رجع الجوال وسمع سلطان يضحك عرف انه سمع
ضرب ريـم بقوه على راسها
شهقت ريـم: خيرر مريض
ماجد: ولاكلمه
امتلت عيونها دموع من ضربته قامت بسرعه ودخلت
للفله
ماجدحس فيها انلخم من شاف دموعها وبتصريفه:
وانتم يلاا ادخلوا العيال بيدخلون يسلمون
محد كان منتبه لهم غيرر وعد ~
شوي وناظر الكل راح ماعدا وعد: ماتسمعين شقلت؟
وعد بدفاع عن ريـم وهي كاتمه ضحكتها:
خيرر ليش تضربها مريضض انت
ماجد: خالك كيف تكلميني كذا
وعد بغمزه وهي تقلد كلمت ريـم: نموون بس روح شوفها تراها بكايه موب ناقصه لاحساسها القوي الرقيق
كان جمبه قارورة مويه رماها عليها: انقلعي داخل بس
ضحكت وعد وهي تقوم'
سلطان وقف ضحك من سمع صوتها مستغرب ماجد ماسوا شي حتى لو ضربها مزح ؟ شهالدلع بنات اخر
زمن والله
صوت عليهم ماجد يدخلون وهو قفل الخط ودخل هو
و بندر وراءه '

عند ريـم كانت في غرفتها وهي تتحس مكان ماضربها
اوجعها صدق مسحت دموعها وهي تناظر عيونها واضح
انها باكيه وخشمها المحمر دخلت الحمام تكرمون،
غسلت وجها ونشفته وجلست دقايق ونزلت للبنات
على نزلتها الا سلطان في وجها شهقت بربكه وغطت
وجها بايدينها، فهى بالبدايه بس من سمع شهقتهاصد
وطلع بسرعه وهو الود وده يرجع ويتاملها
اول ماطلع سلطان دخلت الصاله الي على يمينها
__
بعدثلاث ايام كل واحد رجع بيته ،
‏ ༄ فـي شركة سلطان بن عبدالعزيز ༄
في شركته محد يـعرف احد وهو متفق هو وعمانه
على ذا الشي ! ولا حتى يلمح انه يقرب له ، تنتظم
بشغلك مثل اي واحد موظف في الشركه وهذا كان
شرط سلطان لـهمم
رواية ارويني من خمر شفتيك الحلقة 3 - روايات ملاك
كلام كتب

تعليقات

ليست هناك تعليقات
إرسال تعليق
    google-playkhamsatmostaqltradent