رواية لم انضج بعد كاملة بقلم عائشة نصر
رواية لم انضج بعد كاملة
هي دي العروسة؟!
قالها المأذون بصدمة لما شاف بنت عندها ١٢ سنة خارجة لابسة فستان كبير عليها وعلى وشها روج
ابوها : اه يشيخنا يلا اكتب الكتاب
المأذون بزعيق : لا لا لا يمكن مستحيل اعمل جريمة زي انت يتجوز قاصر يا استاذ بص لوشها بص ل برائتها دي طفلة لسا متعرفش حاجة مش بعيد تكون مبتعرفش تكتب اسمها
الاب : وهي موافقة اكتب الكتاب
راح المأذون نحية الطفلة ووطى ليها وبدأ يكلمها
انتي عارفة يعني اي جواز؟
البنت (لطف) : هروح بيتي واطبخ ل محمد جوزي وانضف واجيب نونو اخد بالي منه
سكت المأذون وعرف أن هما محفظين البنت شوية كلام وموريينها أن الدنيا وردي
المأذون بقهر ع حالة الطفلة : بارك الله لكما وبارك عليكما
محمد : يلا يا لطف
لطف : حاضر يا محمد
راحت لطف البنوتة اللي عندها ١٢ سنة مع جوزها!
محمد : حضريلي عشا يا لطف وانا هدخل استحمى
لطف : حاضر
افتكرت كلام مامتها معاها
مامتها : اي حاجة محمد يقولك عليها هتقولي اي
لطف : حاضر وطيب وماشي
مامتها : شطورة اسمعي الكلام عشان يفسحك ويحبك زي الافلام
لطف : حاضر
لطف حضرت العشا وعدا اليوم بعد اسبوع
محمد : انا نازل الشغل عايزة حاجة يا لطف
لطف : شكرا
محمد : شطورة متعمليش شقاوة
لطف : حاضر
محمد جاي من الشغل لقا لطف واقفة في الشباك بتبص ل أصحابها بيلعبوا ف الشارع
اتنهد وطلع ليها
محمد : اي واقفة كدا لي
لطف : اصل خلصت كل اللي ورايا وكنت زهقانة
محمد : تعالي اقرألك قصة
لطف : شكرا هروح انام
محمد : ماشي
بعد اسبوع كمان
محمد : فين الغدا يا لطف
لطف : مش قادرة اقوم من مكاني هموت من الوجع
في المستشفى
الدكتور : اي المهزلة دي انت ابوها
محمد : اه
الدكتور الطفلة اللي جوا دي حامل انا لازم ابلغ دا شبه اغ*تصاب
محمد : أهدى بس يا دكتور دي متزوجة
الدكتور فضل متنح شوية من صدمته وسابه ومشي وهو مصدوم
لطف : هو يعني اي حامل؟
الفصل الثاني
لطف : هو يعني اي حامل؟
قالتها الطفلة ذات الثانية عشر عاماً وهي لا تفهم ماذا يحدث
محمد بصلها ببرود ورد : يعني في نونة ف بطنك
لطف : يعني اي بردوا
محمد : ابقي اسألي مامتك
لطف : طب عايزة اكلمها اسألها
محمد : هوديكي ليها وهروح الشغل وبعدين اجي اخدك
لطف : طب والغدا مين هيحضره
محمد : يووه هنبقى نطفح اي حاجة
لطف بدأت تعيط وتتشحتف مهي طفلة ذنبها اي
راجل ف الشارع : مالك يا حبيبتي بتعيطي اي هو دا بابا
محمد : حبك برص يمتخلف انت دي مراتيي
الراجل بصله بصدمة وسكت وفضل باصصله
محمد شد ايد لطف ومشي
لطف : بس بيت ماما مش من هنا
محمد : انتي هتروحي عند ماما اللي هي مامتي انا
لطف : بس دي مش مامتي قالتها بزمجرة
محمد : اسمها ماما بردوا
لطف نفخت وخدها محمد وداها ل مامته اول ما وصلوا محمد قال بكل برود
لطف حامل
بدأ صوت الزغاريط يعلى في دماغ لطف ( هما بيزغرطوا لي هما فرحانين لي مش فاهمة عشان شايلة نونة ف بطني )
مامت محمد : الف مبروك يلطف الف الف مبروك يا بت مبروك يا ضنايا
لطف : يعني اي حامل
سكتت مامت محمد وبصتله بتوتر وهي بتبلع ريقها
مامت محمد : هاا ااا هروح اعملك لقمة تغذيكي لحسن انتي عضمة
محمد بص للطف
لطف : لي مردتش عليا يعني اي حامل
محمد : انتي بقيتي غبييية
ونزل وسابها
لطف : ماما ممكن اكلم ماما من تليفونك
مامت محمد : حاضر يبنتي خدي التليفون اهو اضغطي على الزرار الاخضر
لطف : شكرا
لطف : الو أيوة يا ماما
مامت لطف : ازيك يا حبيبتي عاملة اي طمنيني
لطف : حمدلله بس الدكتور بيقولي حامل ومحمد بيقولي في بطني نونة
مامت لطف : مبروك يقلب امك مبروك لولوولووولوليي
لطف : اه يا ودني
مامت لطف بضحك : معلش ببنتي بس من فرحتي
لطف : ازاي في نونة في بطني وازاي هتطلع من بطني وازاي اصلا جوا بطني انا بطني صغيرة خالص ولي محمد متعصب عليا وانتوا بتزغرطوا لي كل دا بيحصل انا مش فاهمة يا ماما ممكن تجيلي .!
الفصل الثالث
لطف : ازاي في نونو في بطني وهي صغيرة خالص ومفيش مكان اصلا وازاي هولد ياماما ولي فرحانين ومحمد متعصب ولي بتزغرطوا انا مش فاهم حاجة ممكن تجيلي..!
مامت لطف : ها ماشي يقلب امك هسال ابوكي واجي
لطف بهدوء : ماشي يا ماما
مامت لطف : سلام يحبيبتي في رعاية الله وقفلت التليفون ومشت تزغرط في الشقة
مامت لطف : لولوولوولووللييي لولولولوولولولولييي
ابو لطف : في اي يولية ماشية تزغرطي لي
مامت لطف : البت لطف حامل هتبقى جد ياخويا لولولولوولولولييي
ابو لطف : الف الف مبروك
عند لطف
مامت محمد : كلي يا بنتي عشان اللي في بطنك يتغذى
لطف كانت في وادي تاني بتفكر ازاي الطفل دا هينزل من بطنها وازاي اصلا دخل في بطنها كانت مستنية مامتها تيجي عشان تجاوبها على كل حاجة
مامت محمد : لطف يبنتي انت يبنتيي
لطف : ههاا ايوة يا ماما معلش سرحت شوية بس
مامت محمد : لا يا حبيبتي عادي كلي عشان تتغذي عشان الولا اللي في بطنك
لطف بزمجرة : بس انا عايزة بنت
مامت محمد شهقت : تفي من بوقك واد يا حبيبتي انشاءالله
لطف : انا تعبانة وعايزة انام
مامت محمد : طب يلا اطلعي انتي ولما محمد ييجي هخليه يطلعلك
لطف : شكرا
وطلعت البيت دخلت غيرت هدومها ولبست بيجامة لطيفة ع قد سنها اللي اتحرمت منه وراحت نامت على السرير وهي باصة للسقف مبتعملش حاجة
سمعت خبط الباب ف تلقائي منها غمضت عيونها وكأنها نايمة
محمد : قومي انا عارف انك صاحية
لطف غمضت عينيها اكتر
محمد : قومي
لطف قامت قعدت وهي لسا مغمضة عينيها
محمد : فتحي عيونك يا لطف
لطف فتحت وبصتله
محمد : انا عارف انك لسا صغيرة ومش فاهمة حاجة انا مش هعرف افهمك مامتك هتيجي بكرة تشوفك وتتكلم معاكي بس اللي عايز اقوله ليكي اني هتقي ربنا فيكي طول ما انتي كويسة
لطف هزت رأسها ونامت تاني ومحمد غير هدومه ونام
تاني يوم
مامت لطف : لولوولولولللوولولوييي
لطف : خلاص يا ماما صدعتيني
مامت لطف : يا بت فرحانة ب أول حفيد ليا
لطف : هو أنا هولد أزاي
بعد ساعتين
مامت لطف : همشي أنا يقلب أمك انا جبتلك أكل عشان تريحي انتي يومين
لطف بإبتسامة باهتة :شكرا يا ماما
مشت مامت لطف اللي قعد تفكر وتعصر مخها خايفة من يوم الولادة وهي لسا حاملة في اسبوعين هيفتحوا بطني!!
محمد : انا جيت لطف طبختي؟
لطف : ها اه ماما جابتلي اكل
محمد : طب يلا لحسن هفتان
لطف : حاضر
لطف راحت غرفت اكل وحطته على الطبلية وقعدت ومحمد قصادها
لطف : هو في ناس بتبقى حامل ومش بتولد
محمد استغرب السؤال بس رد : ايوة
لطف : ازاي بيفضل في بطنهم طول العمر
محمد قهقه جامد اوي وقال : لا بس ممكن النونة تم*وت في بطنهم لو مكلوش كويس
لطف : لسا راحة تقوم من على الاكل
محمد : انتي راحة فين انتي لسا مكلتيش
لطف : م أنا عايزة النونو يم*وت