رواية علاقة على الخاص الفصل الخامس 5 للكاتبة كوكي سامح على مدونة كلام كتب
رواية علاقة على الخاص البارت الخامس 5
انا عاوزه عينه دم من أحمد ضرورى .انتى بتقولى ايه يا شيرى عينه من دم احمد
ايوة تقدرى ولا لأ
وخلى بالك انا عارفه انك تقدرى
انتى عاوزه عينه ليه ممكن اعرف؟!
أمانى لو سمحت بلاش اسئله كتير
وياريت تقولى لبابا يطلع انا مستنياه وياريت انتى كمان متتأخريش عليه
وخرجت أمانى وهى مضايقه وبتفكر شيرى بتفكر
فى ايه؟
وقالت لنفسها انا لازم اجهز لها العينه لأنى اخاف
منها تفضح سرى وتبقى مصيبه بس ازاى؟
ونزلت وقالت :
.. عمى شيري بتقول لحضرتك اتفضل فى اوضتها
والأب طلع على اوضه شيري
وشيرى ماسكه الفون وبتتعذب لما شافت منير مستخدم فيس بوك
وقاعده بتكلم نفسها وبتعيط
انا مش عارفه انا مين وهو منير طلع نصاب اكيد
بيكذب عليه لأنه قفل الاكونت والفون.
فى حاجه جوايا غلط انا حاسه انى اتعلقت بيه
وفى نفس الوقت انا ست متجوزه
بس متجوزه راجل كل حاجه عنده بالغصب وضربت بإيدها على السرير
كله غصب لما تعبت منه خلاص
والاب فتح الباب ودخل عليها جرى وحضنها
.. مالك يا حبيبتى فيكى ايه انتى بخير
.. الحمد لله يا بابا انا كويسه
.. اومال ايه اللى حصل انا صحيت على تليفون
من هيثم بيقول انك تعبانه وكنتى فالمستشفى
.. الحمد لله يا بابا انا قدامك اهو زى الفل
.. يارب دايما يا حبيبتى
.. يعنى انتى والبيبى فى الأمان
.. هههههه الحمد لله
والباب خبط وكان احمد
.. عمى صباح الخير
.. صباح النور يا احمد انت كنت فين ع الصبح كده
.. انا انا كنت عند ماما هى شيرى مقالتش لحضرتك ولا ايه؟
.. خير مالها ألفت؟
.. متقلقش نفسك يا بابا دى غيبوبه السكر كالعاده
.. كانت تعبانه اوى يا عمى
.. فى ايه يا احمد ما طنط كويسه انت غاوى تقلق بابا ولا ايه
رد وقال.
انا بقول بس اللى حصل وبعدين دى ارمله اخوه الله يرحمه لازم يسأل عنها مش كفايه انتى حتى مسألتيش عليها
ردت بكل عصبيه وقالت
اوف بقى هو انا فى ايه وكنت فى ايه
انا كنت بموت يا بنى آدم
.. خلاص يا شيرى وانت يا احمد انتم هتتخانقوا
قدامى ولا ايه؟ على الاققل احترموا وجودى!
اسفه يا بابا
المهم انك بخير يا قلب بابا انا هقوم اشوف حماتك
وهمشى علشان عندى شغل
بابا انا هطلب ماما تيجى هنا نفسى اشوفها
الست دى لما بسمع سيرتها بتتجنن؟
يا بابا المسامح كريم
وقرب من شيرى وقال :
المسامح كريم مع اللى يستاهل مش مع واحده سرقت فلوسى
ما انتى عارفه يا شيرى.
بس هى ماما برضه وفى يوم من الايام كانت مراتك وأم بنتك الوحيده معقول تعيش كده
فى ذل ومهانه!
تستاهل يا بنتى انا عمرى ما حرمتها من حاجه
كانت طلباتها كلها أوامر.
وكنت بحبها اكتر من نور عنيه وفى الأخر سرقتنى
احمد.. معلش يا عمى علشان خاطر شيرى
شيرى.. علشان خاطرى يا بابا
الاب.. انا همشى وانتم احرار
تعالى يا احمد معايا عاوز اشوف مامتك
وخرج مع احمد على اوضه ألفت
وشيري مسكت الفون وفتحت الفيس وكان منير
ذات الاسم الوهمى مستخدم فيسبوك وهى تعبت
وقالت..
يمكن الاكونت اتقفل؟ طيب والفون كمان
يبقى اكيد كان نصاب وبيضحك عليه
يمكن مش بحب احمد الحب الكافى بس
كويس انى مخربتش بيتى
وكانت متردده جداً ومش عارفه تاخد قرار تكمل
مع احمد ولا لأ
ولا تصدق منير
تليفون أمانى رن واستغربت وقالت :
دى شيري ورددت عليها وقالت لها ياريت تتصلى بماما وقوليها انها وحشتنى ونفسى اشوفها
وامانى قفلت معاها
هى كمان ست شيري هتشغلنى خادمه عندها
انا لازم اتصرف مش هينفع الموضوع ده
انا مش بطيق وشها
واتصلت بطليقه عمها واتكلمت معاها وفهمتها ان شيري تعبانه ونفسها تشوفها والام وافقت من غير كلام
فى اوضه ألفت
الام غمزت لأحمد وخرج وساب عمه معاها
وقامت من السرير وقربت منه كالحيه
انت لسه شايل منى يا عادلى! عدت سنين على الموضوع ده وانت لسه زى ما انت
قلبك بيشيل!
ارجوكى يا ألفت انا مش عاوز افتكر حاجه
الموضوع ده بيتعبنى بجد
بيتعبك ليه؟ علشان بتهرب منى ومن حبك ليه.
اسكتى لحد يسمعنا تبقى مصيبه
انا بحبك يا عادلى ومستعده اعمل اى حاجه علشانك
احنا كبرنا يا ألفت خلاص بقى!
انت اللى كبرت إنما أنا لأ يا عادلى
انتى عاوزه ايه دلوقتى يا ألفت هانم
نتجوز ونلم الشمل من تانى
انتى اتجننتى يا ست انتى
اه اتجننت يوم ما سمعت كلامك وضحكت عليه
قرب منها وكتم نفسها
اسكتى اوعى تتكلمى فى الموضوع ده تانى
اقسم بالله اقتلك ومخدش فيكى عزا
وبعد عنها وكان متوتر جامد
اول مره اشوفك خايف يا عادلى بيه
هو الجواز بيخوف؟
انا متجوزش واحده زيك وانتى عارفه وبلاش نتكلم فالماضى علشان هتتعبى
انت اللى ضحكت عليه بكلامك المعسول لحد ما خدت غرضك منى
واخوك عرف ومات بسببنا احنا الاتنين
بقولك اسكتى يا ألفت انتى متعرفيش قد ايه انا بتعذب
اه علشان قتلت اخوك
انتى بتقولى ايه؟
ايوه قتلته لما خدت مراته منه وشافك فى حضنها
مستحملش ومات من الحسرة
انا ماشى وحمدالله على سلامتك
وسابها وخرج
ووقفت فى الشباك تبص عليه وعنيها كلها دموع
وكانت بتكلم نفسها وقالت :
مش هسيبك يا عادلى وحيات حبى ليك مش هسيبك
ودخل احمد عليها وشافها بتكلم نفسها
ماما حصل حاجه! مالك انا شايفك بتكلمى نفسك
وواقفه فى الشباك كده ليه عمى عادلى مش خلاص
مالك يا ماما فى ايه
قربت منه وحضنته وقالت بكل خبث ومكر
مفيش انا حسيت يا ابنى ان احنا غلابه اوى
قدام عادلى واللى زيه منهم لله لغتهم لغه واحده وهى الفلوس
متزعليش نفسك يا ماما كلها كام شهر وشيرى تخلف
وكل حاجه هتتكتب بأسم ابننا وانا هكون الواصى
عليها
انا خايفه يا احمد يكون عادلى بيلعب لعبه علينا
وموضوع انه يكتب كل حاجه لأبن شيرى يبقى
كذب
ومسحت دموعها وقالت
انا عارفاه كويس طول عمره كذاب وبيحب اللوع
وبيلعب بالتلت ورقات
عارف يا احمد بابا الله يرحمه مكنش زيه كده
كان طيب وحنين واللى يشوفهم كان يقول انهم
مش اخوات؟
الكاتبه //كوكى سامح
اكيد يا ماما شوفى عمى فين واحنا بقينا فين!؟
عمى ذكى جدا وشاطر فى شغله
إنما بابا الله يرحمه مات وسابنا فقرا لولا جوزاى
من شيري كان زمنا فى الشارع
المهم يا احمد عاوزاك تاخد شيري تحت باطك
وتغير معاملتك معاها الفتره دى
ودخلت أمانى عليهم
ماما احمد
تعالى يا أمانى خير يا قلب ماما
وحضنتها
انتى كويسه يا ماما انا شايفه انك احسن من الاول
الحمد لله يا حبيبتى السكر اتظبط
بقولكم بمناسبه تعب ماما وخضتنا عليها وبحكم
شغلى سابقاً فى التمريض انا كلمت دكتور أيمن
علشان كلنا نعمل فحص شامل وكل واحد فينا
يطمن على نفسه. وطبعا سهل جدا بعينه دم واحده
رد احمد وقال
ياريت يا أمانى اول مره تعملى حاجه كويسه ههه
بس لازم نروح معمل الدكتور ايمن
لا لا يا احمد انا هاخد منكككم العينه بنفسى
وانا كمان اللى هجيب النتيجه وان شاء الله يكون
خير
رددت الام وقالت:
والتحليل ده ينفع اطمن من على قلبى اكمنى بحس ان دقاته سريعه لما بزعل
هههههه ايوة طبعا يا ماما
ودخلت نعمه الشغاله
الفطار جاهز يا احمد بيه
تعالى يا نعمه
نعم يا هانم
ودخلت نعمه ومسكت ايد الفت وباستها
انتى كويسه يا ست ألفت الف سلامه عليكى
مالك يا نعمه انا كويسه
هاتى الفطار بتاعى هنا
حاضر يا ست ألفت
ونزلت نعمه وخرج احمد ودخل اوضته عند شيري
وكانت قاعده ماسكه الفون وبتفكر
وامانى خرجت من الاوضه وقالت لنفسها
انا مش عارفه ايه اللى عملته ده تحاليل ايه
دى اللى هعمل منها فحص كامل
يارب محدش ياخد باله المهم اخد العينه وبعد كده اتصرف
ونزلت تفطر وطلبت من نعمه الشغاله تشترى ليها
سرنجات بعدد افراد العيله
ونعمه طلعت الفطار لألفت
ولما نزلت خرجت تشترى شويه طلبات والسرنجات لأمانى
مش هتفطرى يا بنتى
مليش نفس يا اسماء حاسه ان فى حاجه مش طبيعيه
والله النهاردة البيت كله مش طبيعى يا امانى
لما ماما بتتعب بحس انى مخنوقه
وفون أمانى رن وقامت ترد وكان رقم غريب
وصرخت وقالت انت مين وهى فين دلوقتى؟
يتبع.. علاقة على الخاص البارت السادس أضغط هنا