رواية تعال ضم الضلوع وطيب الخاطر الحلقة 3 الثالثة - روايات ريناد

قراءة الحلقة الثالثة من رواية تعال ضم الضلوع وطيب الخاطر، للكاتبة ريناد، وهي كاتبة سعودية تنشر العديد من الروايات عبر حسابها على إنستغرام، وستجدون رابط حسابها، أيضًا أسفل الموضوع، وواجب التنوية قبل قراءة الحلقة الثالثة، يجب قراءة الحلقة الأولى والثانية من الرواية، ويمكنك ذلك عبر الروابط التالية:

1. الحلقة الأولى من رواية تعال ضم الضلوع
2. الحلقة الثانية من رواية تعال ضم الضلوع

والحلقة الثالثة تحتوي على البارت السابع، والبارت الثامن، والبارت التاسع.

البارت السابع: بارت رواية تعال ضم الضلوع وطيب الخاطر

حست بأنفاس وراها رجف قلبها وبمجرد ما حاولت
تمشي مسك بيدها وهمس بهيام:.فاتنه من صغرك يا ميعاد!
تجمدت بمكانها ما قدرت تتحرك حتى نزلت دموعها
بحراره على خدودها وهي تسال نفسها وش ذنبها؟
حتى زوج اختها يقرب منها ويلمسها حست بالاشمئزاز
من نفسها وسحبت نفسها منه بالقوه وهي تتنفس بصعوبه ورفعت يدها وهي ترجف ونطقت بتهديد:.ابعد عني انت وش تبي مني!! يكفي كرهي اختي لي لا تخرب حياتي اكثر !
نايف وعيونه تغرق بالدمع:.كيف اخرب حياتك؟ وانا
اتمنى انسيك الماضي البشع! انتي البنت اللي حبيتها
ميعاد برجفه:.رجيتك ابعد عني لا تكسر ظهر ابوي
فيني انت زوج اختي حرام عليك حرام!
نايف ولأول مره دموعه تنزل اي بكى لاجلها يحبها
بهيام وما يعترف بالحرام تمنى تكون ميعاد زوجته
وام لعياله بس القدر حكمه اكبر مسح دمعته
بشماغه وتكلم بصوت مبحوح:.عمري ما تمنيت غيرك
انا عشت مع خيالك صح تزوجت اختك لكن قلبي معك
ميعاد بحده:.مالك الحق فيني وما بينا اي علاقه
أنت زوج اختي وبس ابعد عني
نايف ابتسم وتكلم:.ليت القدر ما كان ظالم !
انسحبت ودموعها تتسلسل على خدها دخلت
للمطبخ وهي تتنفس بصعوبه ناظرت بيدها
وغسلتها بعنف وهي كارهه لنفسها..
اخذ جواله وتنهد وهو يشوف اتصالات امه
رجع أتصل عليها وهو عارف كل كلمه بتقولها
ردت بصوت حاد:.انت وينك عن جوالك؟؟ ليكون
ابوك خلاك تحقد علي بعد؟
يوسف بهدوء:.يمه ابوي ماهو كذا وكنت مشغول
ام يوسف:.مشغول معه وماعاد دريت عن امك!
يوسف:.اعذريني يالغاليه حقك لي بس ابوي تعبان يمه
ام يوسف:.وانا تعبانه خايفه عليك ارجع من عندك
يوسف:.ما اقدر يمه اترك ابوي هو يحتاج وجودي
ام يوسف:.لا تنسى انه تخلى عنك وانا اللي كبرتك
يوسف:.انتي امي وهو ابوي بعد يمه وان شاء الله
ما اقصر مع واحد فيكم بس اعذريني ابوي يحتاجني
اكثر.
سكرت بوجهه ورمت جوالها بغضب اما يوسف
اخذ نفس وبعدها ابتسم ورجع جلس مع منيره وابوه..
وصل ريان ونزل من سيارته استغرب عدم نزول حنان
ورجع فتح الباب وبستغراب:.انزلي!!
حنان بغضب:.انت ليش حديتني اجي عند ابوك !
ريان:.حنان لا تزعجيني وانزلي
حنان:.على اساس تحب ابوك كل هالسنين ما تدري عنه
والحين فجاه حبيته!
ريان:.بكيفك انا بدخل لهم وانتي اجلسي هنا
انتهى.

البارت الثامن: رواية تعال ضم الضلوع وطيب الخاطر 

ريان:.بكيفك انا بدخل لهم وانتي اجلسي هنا
حنان بخوف نزلت ومسكت بيده وبدلع:.حبيبي
انا اسفه ما كنت اقصد اضايقك!
ريان ما رد عليها ودق الباب وفتحت الباب ميعاد
استغرق بعض الوقت يناظر فيها كانت تشبه امه
ملامحها وحتى شعرها رجعت له الذكريات
وتكلم ببرود:.السلام عليكم كيفك!
ميعاد تاملت وجه اخوها الغايب عنها واللي
ما يدري عن ابوها ردت بهدوء:.بخير يا اخوي كيفك
أنت؟
ريان رمقها بنظرات عميقه عجزت تفسرها ونطق:.كنت بخير وين ابوي؟
ميعاد رغم رده اللي زرع الحزن حاولت ترد بتوازن:.داخل تفضلو حياكم
حنان بدلع شالت النقاب:.اخيراً قدرت اتنفس تسلمين
دخلو وميعاد انسحبت دخلت لغرفتها وهي تكتم
نفسها كم تمنت هاللقاء وكان اسوء من الخيال
توقعت ان الكره راح والقلوب خلت من الحقد
ولكن خاب ظنها مسحت دموعها المتمرده
وحاولت تكون قويه هي كانت طفله ومالها ذنب
هي ما قتلت امها هي تحب امها..

بالرياض وتحديداً عند وليد كان جالس مع امه
ويراقب كل شي ويتأكد انه نظيف
ابتسمت امه:.كل شي نظيف ارتاح
وليد:.يمه متاكده ان الخدم نظفوا كويس؟
ام وليد:.ياولدي مو كل شي يجي زي ما نبي
حاول تتغلب على نفسك وتتخلص من هالمرض
وليد:.يمه افهميني انا حاولت بس ما قدرت
وبغير الخدم حتى الاقي اللي تعرف لشغلها
ام وليد:.الله يهديك يمه انت ما تتغير وشكلي
بزوجك ممكن حرمتك تقدر عليك
ضحك:.مين تقدر علي؟ باذن الله ماراح اتزوج
الا وحده نظيفه وتعرف لكل شي
ام وليد:.يعني اخطب لك؟
وليد قام:.توني ما رتبت أموري لا تستعجلين..

رغم حالته الماديه الا انه كريم استقبلهم استقبال
يليق فيه والكل تعود على كرم ابو ريان حطت ميعاد
الاكل ولاحظت نظرات هدى وحاولت تتجاهل
وجلست ميعاد وما قدرت تاكل بسبب نظرات هدى
ووقفت ووقفها صوت هدى:.ليش ما اكلتي؟
حنان بسخريه:.ليكون مسويه دايت يا عمري شوفي
جسمك يحتاج تزيدين كم كيلو
ميعاد:.لا بس الحمدلله شبعت عليكم بالعافيه
انتهى.

البارت التاسع: رواية تعال ضم الضلوع وطيب الخاطر 

انزعجت وفضلت تنعزل بغرفتها اخذت صورت امها
وضمتها لقلبها وهي تدعي لها بالرحمه والحنين
يزيد لها همست بصوت مرتجف:.تدرين يا يمه
يقولون عني اني سبب اخواني ما يحبوني يمه
كبرت وحيده مع ابوي وبظل وحيده
حاولت تكون قويه وما تسمح لدموعها تحرق خدها
الناعم كانت ميعاد تطلب شي من هالحياه حب اخوانها
ولكن كل شي كان العكس سمعت صوت هدى
اللي كانت واقفه عند الباب:.ادري مزعجك وجودنا
لكن تعودي يا ميعاد وقريباً بيزوجك ابوي ويجي لواحد
فينا ابوي صار كبير وما يقدر على الشقى زياده
ولا تبين تسوين فيه مثل امي؟
فزت بخوف وبقوه نطقت:.اعطي ابوي حياتي
ولا اتردد ثانيه وحده
ضحكت هدى بسخريه:.كيف تعطينه حياتك
وانتي جالسه على قلبه وبس تخلينه يشقى !!
ميعاد بدموع:.هذا النصيب وأفضل اقعد اخدم ابوي
هدى:.نصيحتي لك تزوجي وفكني ابوي من همك
وتركتها هدى تتألم لوحدها جلست ميعاد
وهي تفكر هل هي فعلاً شقى لابوها !!

جابت منيره القهوه وحطتها جنبه وبصوت كله
حنيه:.تبي يا ولدي اصب لك قهوه؟
ابتسم يوسف بامتنان:.اي يا عمه صبي لي
صبت له القهوه ومدتها وأخذها يوسف ما يعرف
ليش يرتاح لها كثير ويتمنى لو كان ولدها
استغرب كره امه لها كيف لها تكره شخص ما شافته
وقطع عليه تفكيره كلامها:.تطمن ابوك بخير
وانا معه وباذن الله ما عليه خوف
يوسف:. لكن هذا ابوي وانا ما عندي شي فاضي
وابي اكون قريب منه
منيره:.ما تقصر يا يمه لكن ادري فيك وامك هناك
لحالها
يوسف:.امي بخير وابوي يحتاجني اكثر وبصراحه
عاجبني الجو هنا
ابتسمت:.اللي يريحك يا ولدي واللله اعز من جانا
ناظرها بحب رغم انه يعرف ان ابوه ما يحتاجه
الا انه ارتاح معهم كان يتمنى تطول إجازته ويقعد اكثر..

يوم جديد قامت ميعاد كالعاده على صوت اذان
ابوها اخذت تردد معه وبعدها قامت صلت وجهزت
له القهوه وطلعت تتطمن على مزرعتهم رغم بشاعه
ما حصل بالأمس الا انه يوم جديد ويستحق تبتسم
انتهى.

 

• ويمكنك متابعة الكاتبة عبر حسابها على إنستقرام من هنا: rawayatzx@

ولقراءة باقي بارات الرواية، فقط قم بالبحث عن أسم الرواية في خانة البحث على مدونة كلام كتب، للقراءة والتحميل